Arhiva DitoreApr 8, 2015

0 1147

Mos i thuaj fëmijës tënd: Ngritu dhe falu, se përndryshe do të shkosh në Xhehenem … po thuaj: Eja falu me mua, të jemi së bashku në Xhenet.

Mos i thuaj fëmijës tënd: Ngritu rregulloje dhomën tënde, e cila i përngjan bërllokut … po thuaj: A ke nevojë për ndihmë në rregullimin e dhomës tënde, ngase ti gjithmonë e preferon pastërtinë dhe rregullinë.

Mos i thuaj fëmijës tënd: Ngritu dhe mëso dhe leje lojën, ngase mësimi është më i rëndësishëm se sa loja … po thuaj: Nëse e përfundon mësimin më herët, do të bashkëngjitëm në lojë apo në ndonjë aktivitet që e preferon.

Mos i thuaj fëmijës tënd: Ngritu dhe pastroji dhëmbët dhe nuk është kusht që unë gjithmonë të rikujtoj … po thuaj: Unë jam i kënaqur që ti kujdesesh për pastërtinë e dhëmbëve tua, pa mos ta tërhequr vëmendjen.

Mos i thuaj fëmijës tënd: Mos vizato mbi mur … po thuaj: Vizato mbi fletë dhe kur të mbarosh do ta marrë fletën e vizatimit dhe do ta var në mur apo frigorifer.

Mos i thuaj fëmijës tënd: Mos fli në anën e majtë … po thuaj: Na mësoi i Dërguari i Allahut, lavdia dhe paqja e Allahut qofshin mbi të, të flemë në anën e djathtë.

Mos i thuaj fëmijës tënd: Mos ha çokollatë që të mos prishen dhëmbët … po thuaj: Unë të lejove të hash një herë në ditë çokollatë, ngase ti je i shkathët, i pastron dhëmbët e tua.

Çdo fjalë dhe vepër që buron nga ti, lë gjurmë të madhe te fëmija jot. Dije se fëmija jot është pasqyrë e jotja dhe e personalitetit tënd.

Nga arabishtja: Irfan JAHIU

Burimi: albislam.com

0 949

Transmetohet nga Ebu Hurejra,- Allahu qoftë i kënaqur prej tij!,- se ka thënë: “I Dërguari i Allahut,- salallahu alejhi ve selem!,- u pyet se cila vepër është më e mirë? Ai,- salallahu alejhi ve selem!,- tha: “Besimi në Allahun dhe në të Dërguarin e Tij”. Po pastaj, cila? Tha: “Pastaj xhihadi në rrugë të Allahut.” Po pastaj, cila? Tha: “Haxhi i pranuar.” Hadithi Sahih.[1].

Transmetohet nga Ibën Abasi ,-Allahu qoftë i kënaqur me të!,- se: “Ai ka dëgjuar të Dërguarin e Allahut,- salallahu alejhi selam!,- duke mbajtur hutbe, të thotë: “Të mos veçohet një burrë me një grua, vetëm nëse ajo është në shoqërinë e një të afërmi (me të cilin i ndalohet martesa) dhe as të mos udhëtojë gruaja pa një të afërmin e saj.” Një burrë u ngrit dhe tha: O i Dërguari i Allahut! Gruaja ime është nisur për në haxh ndërsa unë u regjistrova ushtar në filan luftën. Tha: “Shko dhe bëj haxh me gruan tënde.” Hadithi Sahih.[2].

Transmetohet nga Ibën Umeri,- Allahu qoftë i kënaqur me të dy!,- se i Dërguari i Allahut,- ka thënë: “Gruaja e cila kryen haxhin(haxhilere) nuk duhet të vendosë nikab, perçe, në fytyrë dhe as të veshë doreza.” Hadithi Sahih.[3]. Transmetohet nga Ebu Hurejra,- Allahu qoftë i kënaqur me të!,- se ka thënë: “Një burrë pyeti të Dërguarin e Allahut,- salallahu alejhi ve selem!,- : O i Dërguari i Allahut, ne udhëtojmë në det dhe mbartim pak ujë me vete. Nëse marrim abdes me të, do të na marrë etja pastaj. A të marrim abdes me ujin e detit? I Dërguari i Allahut,- salallahu alejhi ve selem!,- tha: “Uji i tij është i pastër dhe e ngordhta e tij është e lejuar.” , Ebu Hadithi është Sahih.[4].

E vlerësoi si sahih- Buhariu, Tirmidhiu, Ibën Huzejme, Ibën Hibbani etj. Marrë nga Libri: “El Muharrer Fil Hadithë”, fq.33.

Transmetohet nga Ebu Hurejra,- Allahu qoftë i kënaqur prej tij!,- se Muhamedi,- salallahu alejhi ve selem!,- ka thënë: “Kur dikush nga ju të falet imam i njerëzve, ta lehtësojë namazin pasi që në mesin e tyre gjenden të dobët, të sëmurë dhe të moshuar. Ndërsa kur të falet vetëm le ta zgjasë sa të dojë.” Hadithi është Sahih.[5]. Transmetohet nga Ebu Musa,- Allahu qoftë i kënaqur me të!,- se ka thënë: i Dërguari i Allahut,- salallahu aeljhi ve selem!,- ka thënë: “Njeriu i cili shpërblehet me shpërblim më të madh për namazin e tij, është ai që e ka rrugën më të gjatë deri në Xhami. Hadithi Sahih.[6].

Transmetohet nga Ibën Omeri,- Allahu qoftë i kënaqur me ta!,- se i Dërguari i Allahut,- salallahu alejhi ve selem!,- ka thënë: “Nëse gratë e juaja ju kërkojnë që të shkojnë në xhami në namazet e natës, jepuni lejë atyre.” Hadithi Sahih.[7].

Transmetohet nga Ibën Omeri,- Allahu qoftë i kënaqur me ta!,- se ka thënë: I Dërguari i Allahut,- salallahu alejhi ve selem!,- ka thënë: “Namazi me kolektiv(xhemat) është më i mirë se namazi vetëm, me njëzet e shtatë gradë.” Hadithi Sahih.[8].

Transmetohet nga Ebu Hurejra se Pejgamberi,-salallahu alejhi ve selem!,- ka thënë: “Kujt ti jep Allahu,- azze ve xhele!,- pasuri, kurse ai nga ajo pasuri nuk jep e zekatin, atëherë kjo pasuri do ti shndërrohet atij në gjarpër helmues, koka e të cilit është e zhveshur me dy njolla të zeza. Ai do ti varet rreth qafës në Ditën e Kijametit, do ta kafshojë për nofullën e poshtme dhe do t’i thotë: – Unë jam pasuria yte, unë jam thesari yt!.”

Hadithi Sahih.[9]. Transmetohet nga Ebu Hurejra,- Allahu qoftë i kënaqur me të!,- se Muhamedi,- salallahu alejhi ve selem!,- ka thënë: “Nuk ka ndonjë pronar i arit ose argjendit, e i cili nuk e jep zekatin për to, dhe që në Ditën e Gjykimit nuk do të ketë pllakë të zjarrtë, e cila do të nxehet fort në zjarrin e xhehenemit dhe e cila do tia djegë anët, ballin dhe shpinën e tij. Sa herë të ftohen (këto pjesë), sërish do ti digjen, në atë ditë e cila zgjat pesëdhjetë mijë vjet, pastaj do ta sheh rrugën e tij, ose ne xhenet ose në zjarr”. Hadithi Sahih.[10].

Muhamedi,- salallahu alejhi ve selem!,- ka thënë: “Kush ia mbulon të metat vëllaut të vet në këtë dunja Allahu do tia mbulon ati të metat në Ditën e Gjykimit”. Hadithi Sahih.[11]. Transmetohet nga Ebu Hurejra,-Allahu qoftë i kënaqur me të!,- se një burrë i verbër tha: “O i Dërguari i Allahut! Unë nuk kam njeri të më bjeri(shpie,dërgoje) në xhami. Pastaj i kërkoi të Dërguarit,- salallahu alejhi ve selem!,- që ti jepte leje për tu falur në shtëpi dhe ai,- salallahu alejhi ve selem!,- e lejoi. Por kur ai ktheu shpinën, i Dërguari,- salallahu alejhi ve selem!,- e thërriti dhe i tha: A e dëgjon ti ezanin? Po, tha ai. Atëherë përgjigjju thirrjes së tij.” Hadithi Sahih.[12]. Transmetohet nga Amër bin Ummi Mektum,- Allahu qoftë i kënaqur me të!,- se ka thënë: “Thashë: O i Dërguari i Allahut! Unë jam i verbër dhe e kam shtëpinë time larg Xhamisë, ndërsa ndihmuesi që kam nuk më përshtatet, a më gjen ndonjë lehtësim që të falem në shtëpi? Ai,- salallahu alejhi veselem!,- tha: A e dëgjon ezanin? Po, tha ai. Atëherë nuk gjej lehtësim për ty.” Hadithi Sahih.[13]. Transmetohet nga Abdullah bin Mesudi,- Allahu qoftë i kënaqur prej tij!,- se ka thënë: “Nuk gjejë kënd prej nesh që të mos prezentonte namazin e sabahut dhe të jacisë, përveç ndonjë hipokriti të njohur. Kishte njerëz që vinin të mbajtur për krahu nga dy burra, deri sa vendosej në saf (në

rradhë).” Hadithi Sahih.[14].

Transmeton Temim ed Dari, Allahu qoftë i kënaqur prej tij, i cili thotë: “E kam dëgjuar të Dërguarin e Allahut të thotë: “Kjo fe do të arrijë aty ku ka arritur nata dhe dita, nuk do të lërë Allahu shtëpi nga guri e as nga lëkura pa e futur Islamin me krenarinë e të krenuarit ose me nënçmimin e të nënçmuarit. Krenari me të cilën Allahu e ngre këtë fe dhe nënçmim me të cilin Allahu e poshtëron kufrin.” Sahih[15].

Nga Ibën Omeri,- Allahu qoftë i kënaqur me të!,- transmetohet se ka thënë: “I Dërguari i Allahut,- salallahu alejhi ve sel-lem!,- u kthye drejtë nesh dhe tha: “O emigrues në rrugë të Allahut! Janë pesë gjëra për të cilat lus Allahun të mos sprovoheni me to, e të mos i arrini ato. 1: Nuk është përhapur imoraliteti në ndonjë popull derisa ta shfaqin haptazi, e të mos përhapen në mesin e tyre murtaja (sëmundjet ngjitëse) dhe sëmundje të tjera të cilat nuk kanë ekzistuar te paraardhësit e tyre. 2: Nuk peshojnë dhe masin mangët, vetëm se do të ndëshkohen me varfëri, skamje dhe tirani të sundimtarëve (sulltanëve). 3: Nuk e ndërpresin dhënien e zakatit, vetëm se do tu ndërpritet rënia e shiut, sa që sikur të mos ishte shkaku i kafshëve nuk do të binte asnjë pikë. 4: Nuk e thyejnë premtimin e dhënë Allahut dhe premtimin e dhënë të Dërguarit të Tij,- salallahu alejhi ve selem!,- vetëm se Allahu atyre do tu përcaktoj një armik të jashtëm i cili do ua marri disa prej të mirave që i posedojnë. 5: Dhe nuk gjykojnë prijësit e tyre me ligj tjetër përveç Librit të Allahut, si dhe nuk zgjedhin gjykime të tjera përveç asaj që ka përcaktuar Ai, vetëm se Allahu do ti përçaj dhe do ua shtoj urrejtjen mes vete.” Hadithi Sahih.[16]. Nga Ibën Omeri,- Allahu qoftë i kënaqur me të!,- transmetohet se Pejgamberi,-salallahu alejhi ve selem!,- ka thënë:

1:Nëse dikush kërkon ndihmë në emër të Allahut,- xhele veala!,- atëherë ndihmone. 2:Nëse dikush kërkon diçka në emer te Allahut atëherë jepni. 3:Nëse ju fton dikush atëherë përgjigjuni ftesës së tij. 4:Nëse dikush ju bën ndonjë të mirë atëherë kompenzojani atij. 5:Nëse nuk keni me çka të kompenzoni atëherë lutuni për të, ngase lutja do të konsiderohet kompenzim. Hadithi Sahih.[17]

Përzgjodhi dhe Përshtati

Suad Shabani

Burimi: albislam.com

_______

Referencat:

[1] – Mutefekun alejhi (Buhariu- nr. 1519 dhe Muslimi, nr. 135/83).

[2] – Shënuar nga Ahmedi në “Musnedin” e tij- 1/222, Buhariu- nr. 3006 dhe Muslimi- nr. 424/1341,- Allahu qoftë i kënaqur me të gjithë!.

[3] – Shënuar nga Ahmedi, Buhariu, Nesaiu dhe Tirmidhiu,- Allahu qoftë i kënaqur me të gjithë!.

[4] – Shënuar nga Ahmedi, Ebu Davudi,Ibën Maxhe, Nesaiu dhe Tirmidhiu.

[5] – Shënuar nga imam Ahmedi , Buhariu , Muslimi me nr. 185/467, Ebu Daudi, Tirmidhiu dhe Nesaiu,- Allahu qoftë i kënaqur me të!.

[6] – Shënon Imam Muslimi,- Allahu qoftë i kënaqur me të!.

[7] – Shënuar nga Ahmedi, Buhariu, Muslimi , Ebu Davudi, Tirmidhiu, Nesaiu,- Allahu qoftë i kënaqur me të gjithë!.

[8] – Shënuar nga imam Ahmedi, Buhariu,Muslimi,- Allahu qoftë i kënaqur me të gjithë!.

[9] – Shënon Imam Buhariu,- Allahu qoftë i kënaqur me të!.

[10] – Shënon Imam Muslimi,- Allahu qoftë i kënaqur me të!

[11] – Shënon Imam Ahmedi.

[12] – Shënuar nga Muslimi, Nesaiu etj,- Allahu qoftë i kënaqur me të gjithë!.

[13] – Shënuar nga Ahmedi, Ebu Davudi dhe Ibën Maxhe,- Allahu qoftë i kënaqur me të gjithë!.

[14] – Shënuar nga Ahmedi, Muslimi, Ebu Davudi, Nesaiu dhe Ibën Maxhe.

[15] – (Shënon Ahmedi në Musnedin e tij dhe Bejhekiu në Sunenin e tij)

[16] – Shënon Ibën Maxhe,- Allahu e mëshiroftë!. Ndërsa, Shejh Albani,- Allahu e mëshiroftë!,- e vlerësoi hadithin si Sahih(të vërtetë).

[17] – Shënuan Ebu Davudi dhe Nesaiu,- Allahu qoftë i kënaqur me ta!.

0 972

Shkaqet që çojnë në faljen e mëkateve

1. Takvallëku- devotshmëria (me Allahun dhe me njerëzit).

“O ju që besuat, nëse keni frikë All-llahun, Ai do të vërë udhëzim (në zemrat tuaja) për ju, do t’ua mbulojë të këqiat, do t’ua falë mëkatet. All-llahu është dhurues i madh”. (Enfal: 29).

2. Pasimi i Pejgamberit alejhi selam.

“Thuaj: Nëse e doni All-llahun, atëherë ejani pas meje që All-llahu të ju dojë, t’ju falë mëkatet tuaja, se All-llahu është që fal shumë, mëshiron shumë”. (Ali Imran: 31). “O populli ynë, përgjigjuni thirrësit të All-llahut dhe besoni atij! Ai ju falë mëkatet tuaja dhe ju shpëton prej një dënimi plot vuajtje”. (Ahkaf: 31).

3. Shpeshtimi i istigfarit.

 “Kërko falje (për këtë) All-llahut. All-llahu falë, mëshiron”. (En-Nisa: 106).

4. Vërtetimi i imanit dhe punët e mira.

 “Atyre që besuan dhe bën vepra të mira, All-llahu u premtoi falje për mëkatet dhe shpërblim të madh”. (Maide: 9). “E ata që besuan dhe bënë vepra të mira, do të kenë falje (të mëkateve), furnizim të begatshëm (në Xhennet)”. (Haxh: 50).

Kush janë besimtarë të vërtetë? 

Allahu ka dhënë përgjigjen në Kur’an, në suren Enfal, ka thënë: “E, besimtarë të vërtetë janë vetëm ata, të të cilëve kur përmendet All-llahu u rrënqethen zemrat e tyre, kur u lexohen ajetet e Tij u shtohet besimi, dhe që janë të mbështetur vetëm te Zoti i tyre. Dhe, të cilët falin (rregullisht) namazin dhe nga ajo, me çka Ne i furnizuam, ata japin. Të tillët janë besimtarë të vërtetë dhe për këtë kanë vende të larta te Zoti i tyre, kanë falje dhe kanë furnizim në mënyrë të ndershme”. (2, 3, 4)

5. Durimi.

 Thuaj: “O robërit e Mi që keni besuar, kini frikë ndaj Zotit tuaj. Ata që bënë mirë në këtë jetë, kanë të mirë të madhe, e Toka e All-llahut është e gjërë, ndërsa të durueshmive u jepet shpërblimi i tyre pa masë!” (Zummer: 10).

Llojet e durimit janë: I. Durimi në kryerjen e adhurimeve II. Durimi në caktimet e Allahut III. Durimi në largimin nga mëkatet

6. T’i falësh të tjerët. 

Allahu thotë:”… le t’ua falin dhe mos t’ua zënë për gabim. A dëshironi qe edhe juve Allahu t’ua falë? Allahu falë dhe është shumë i Mëshirshëm. (Nur: 22)

7. Thënia e të vërtetës.

 “O ju besimtarë, pëmbajuni mësimeve të All-llahut dhe thuani fjalë të drejta. Ai (All-llahu) iu mundëson të bëni vepra të mira, ju shlyen juve mëkatet tuaja, e kush respekton All-llahun dhe të dërguarin e Tij, ai ka arritur një sukses të madh”. (Ahzab: 70-71).

8. Pasimi i Kur’anit dhe frika Allahut në vetmi.

 “T’ ia tërheq vërejtjen vetëm atij që e përvetëson Kur’anin dhe i frikësohet Mëshiruesit dhe kur është vetëm (i paparë nga njerëzit), pra jepi myzhde atij, pra falje dhe shpërblim të mire.” (Ja Sin: 11).

9. Mosdëshpërimi nga mëshira e Allahut.

 Thuaj: “O robërit e Mi, të cilët e keni ngarkuar me shumë gabime veten tuaj, mos e humbni shpresën ndaj mëshirës së All-llahut, pse All-llahu i falë të gjitha mëkatet, Ai është që shumë falë dhe është mëshirues!”

Përmblodhi: Hoxhë Valdet Kamberi

Burimi: albislam.com

0 2918

Udhëzimi nga Allahu për njeriun është gradë nga Allahu, e këtë nuk e arrin çdo kush, ndërsa nga ligji i Allahut në këtë botë është ti sprovojë ata të cilët kapen për këtë, e kështu të dallohen të qëndrueshmit e drejtë. Allahu thotë: “Ne i sprovuam ata që ishin para tyre, ashtu që Allahu gjithqysh do t’i dallojë ata që e thanë të vërtetën do t’i dallojë dhe gënjeshtarët.”[1] Edhe me të Dërguarit e Allahut, paqja dhe mëshira e Allahut qoftë mbi to, janë tallur njerëzit e popullit të tyre. Allahut thotë për popullin e Nuhut: “Dhe ai ndërtonte anijen e paria e popullit të tij, sa herë që kalonte pranë tij përqeshej me të. Ai u thoshte: “Nëse talleni me ne, edhe ne do të tallemi me ju, ashtu siç po talleni ju!”[2]

Po ashtu Allahu i Lartësuar tregon se për çdo të dërguar të Allahut kanë shpifur se gjoja janë magjistarë, se janë të çmendur dhe janë tallur me fjalët e tyre. Allahu thotë: “Ja, ashtu pra, edhe atyre që ishin më parë nuk u erdhi i dërguar e që nuk i thanë: “Është magjistarë ose është i çmendur!”[3] Po ashtu njerëzit janë tallur edhe me sahabët e të Dërguarit të Allahut, paqja dhe mëshira e Allahut qofshin mbi të. Allahu thotë: “Dhe kur kalonin (besimtarët) pranë tyre(idhujtarëve), ata ia bënin me sy njëri-tjetrit. E kur ktheheshin te familjet e veta, ktheheshin të kënaqur.”[4]

Tallja është dukuri e cila vazhdon, prandaj kush tallet nga shkaku se je udhëzuar ose se e ke lëshuar mjekrën ose se praktikon ndonjë sunnet, mos u mërzit. Në qoftë se tallësin e stimulon epshi ose injoranca, atëherë dije se në thellësinë e shpirtit të tij është udhëzimi, mirëpo ai nuk e ka në dorë këtë gjë. Allahu thotë për udhëheqësit e devijimit: “Ata që nuk besuan shpeshherë do të kishin dëshiruar të kishin qenë muslimanë.”[5] Edhe ai e din se haku është në atë rrugë që je ti. Allahu thotë: “Dhe, edhe pse bindshëm të besueshëm në to (se ishin nga Zoti), i mohuan në mënyrë të padrejtë e me mendjemadhësi, pra shikoje se çfarë ishte fundi i shkatërrimtarëve.”[6]

Kush tallet me ty, ti përmbaju asaj çfarë i janë përmbajtur pejgamberët, siç është durimi, falja, urtësia, butësia dhe largimi nga ata që të ofendojnë. Allahu i thotë të dërguarit të Tij:  “Ti (Muhammed) duro, ashtu sikurse duruan të dërguarit e vendosur dhe mos kërko ngutjen e dënimit për ta, sepse ditën kur do ta përjetojnë atë (dënimin) që u është premtuar, atyre u duket sikur nuk kanë jetuar vetëm se në një moment të shkurtër të ditës. Kumtesë e mjaftueshme! A mos shkatërrohet kush, pos popullit të shfrenuar.”[7]

Allahu i Lartësuar thotë: “Shumë ithtarë të librit (jehudi, krishterë), edhe pasi që iu është bërë e qartë e vërteta, nga vetë zilia e tyre personale dëshiruan që pas besimit tuaj t’ju kthejnë në mosbesimtarë, pra ju lini dhe largohuni prej tyre derisa Allahu ta sjellë urdhrin e vet. Allahu ka mundësi për çdo send.”[8] Allahu i Madhëruar urdhëron për falje dhe kraharorë të hapur e thotë: “Ti (Muhammed) merre të lehtën, urdhëro për të mirë dhe hiqu prej të paditurve.”[9]

Kur të tallet dikush me ty, dije se kjo është përgëzim ndaj teje që tregon për sinqeritetin tënd në fe, madje kjo llogaritet ngritje për ty, e kjo pa dyshim se tregon se je duke u ngjitur në piedestalin më të lartë. Prandaj qëndro çdoherë i pajisur me durim, mos e prish veprën tënde me humbje shprese dhe pesimizëm, ngase je kapur për këtë fe.

 

Përgaditi: Nexhat Ceka

Burimi: albislam.com


[1] Ankebut: 3.

[2] Hud: 38.

[3] Dharijat: 52.

[4] Mutafifin: 30-31.

[5] Hixhër: 2.

[6] Nemël: 14.

[7] Ahkaf: 35.

[8] Bekare: 109

[9] Araf: 199

NA NDIQNI NË