Thanë: Muzika e zgjeron gjoksin.

U përgjigjemi: “Kushdo që i kthen shpinën Këshillës Sime, do të ketë jetë të mjeruar dhe Ne, në Ditën e Kiametit, do ta ringjallim të verbër”. Taha 124.

Thanë: Ne nuk ndikohemi nga muzika.

U përgjigjemi: Muzika e rrit hipokrizinë në zemër, ashtu si e rrit uji barin.

Thanë: Ne e dëgjojmë muzikën për argëtim dhe zbavitje.

U përgjigjemi: “Mos vallë, keni menduar që Ne ju kemi krijuar kot”. Muminun 115.

Thanë: Ne gjejmë rehati në dëgjimin e muzikës.

U përgjigjemi: “Ne shpallim nga Kurani atë që është shërim dhe mëshirë për besimtarët”. Isra 82.

Thanë: Ne nuk e braktisim Kuranin, po vetëm se i duam edhe muzikat.

U përgjigjemi: Dashuria ndaj Kuranit dhe dashuria ndaj muzikës nuk bashkohen në një zemër. Thanë: Mirëpo ne i bashkuam dyja.

U përgjigjëm: Ajo që ndikon dhe le gjurmë, ajo mbetet me ty. Nëse tek ti ndikon Kurani, do të largohet muzika nga zemra jote.

O Zot, bëje Kuranin pranvera e zemrave tona dhe drita e gjokseve tonë.

Nga arabishtja: Irfan JAHIU

Burimi: albislam.com

Allahu,- azze vexhel!,-  thotë;

يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِ‌ي سَوْآتِكُمْ وَرِ‌يشًا ۖ وَلِبَاسُ التَّقْوَىٰ ذَٰلِكَ خَيْرٌ‌ ۚ ذَٰلِكَ مِنْ آيَاتِ اللَّـهِ لَعَلَّهُمْ يَذَّكَّرُ‌ون

“O bijtë e Ademit! Ju kemi dhënë rrobe që të mbuloni vendet tuaja të turpshme edhe veshje për zbukurim, mirëpo rrobat e devotshmërisë janë më të mirat. Ato janë disa argumente të Allahut që ndoshta të mblidhni mend’’.

Imam Kurtubiu, Allahu e mëshiroftë! Në tefsirin e tij, në lidhje me fjalën e Allahut “mirëpo rrobat e devotshmërisë janë më të mirat”, thotë; “Allahu aze vexhel na bënë të qartë se  pajisja me devotshmëri është prej mbulesave (rrobave) më të mira për robin e Allahut në dynja dhe ahiret’’.

Ashtu siç thotë poeti:

“Nëse robi i Allahut, nuk vishet me mbulesën(rrobën) e devotshmërisë.

Do të mbetet lakuriq, edhe nëse posedon të gjitha llojet e rrobave të dynjasë,

Dhe s’ka dyshim se mbulesa më e mirë për robin, është nënshtrimi ndaj Krijuesit të tij,

Dhe mbulesa më e keqe është, kur robi nuk i bindet Allahut dhe nuk pendohet tek Ai’’.

Përktheu dhe përshtati nga arabishtja: Suad Shabani

Burimi: albislam.com

 Kur’an: El A’raf; 26.

Shejhu Dr. Salih el Megamesi, Allahu e ruajt, thotë: “Do t’i jap tri porosi praktike dhe e lus Allahun që neve dhe ty të na dhuron sukses:

1. Nëse nëna jote ende është gjallë, përkujdesu fort që të futësh gëzim në zemrën e saj. Pasha Allahun, prej veprave më madhështore që të afron kah Allahu dhe një ndër shkaqet më kryesore të arritjes së suksesit, është futja e gëzimit në zemrën e prindërve, e në veçanti në zemrën e nënës. Nëse me atë e synon fytyrën e Allahut dhe jo për diçka tjetër, por atë e bën vetëm se për hir të porosisë së Tij, atëherë futja e gëzimit në zemrën e nënës, do të jetë një ndër shkaqet më kryesore të suksesit tënd.

2. Mos e lejo të kalon ditë dhe ti të mos ia lëshosh sytë Mus’hafit, edhe nëse e lexon vetëm se një pjesë të ajetit, ngase ajo pjesë len gjurmë në jetën e zemrës.

3. Nëse donë që të shtohet turpi nga Allahu, mos e lejo veten ta arrin një mëngjes, e ti të mos je ngritur natën për Allah, edhe nëse vetëm se me tri rekate. Drejtoju kah Kibleja dhe fali tri rekate, me vetë dëshirë mos të detyron askush, Allahu do t’i bën thesar tëndin në dynja dhe në varr dhe në ahiret. Allahu i Madhëruar thotë: “Në një pjesë të natës bëji sexhde Atij dhe, natën falju gjatë Atij”. Insan 26″.

Nga arabishtja: Irfan JAHIU

Burimi: albislam.com

E dua thirrjen në rrugën e Allahut, mirëpo nuk jam orator çfarë të  bëj?

Oratoria apo gjuha sqaruese nuk është kusht për të thirrur në rrugë të Allahut. Shiko Musaun, alejhi selam, të cilit i foli Allahu. Atij iu rëndua goja në sqarim, e si pasojë e luti Allahun duke thënë: “Më zgjidh nyjën e gjuhës sime.”[1] Ndërsa armiku i tij Faraoni ishte më orator në gjuhë, kështu që Allahu na tregon për Faraonin duke thënë: “Pra unë jam më i mirë se ky qyqar që mezi flet.”[2] Që do të thotë se Musau, paqja e Allahut qoftë mbi të, nuk fliste rrjedhshëm, pra ai edhe pse nuk ishte oratori i mirë përsëri pasuesit e tij në ditën e gjykimit do të jenë më të shumtë, pas atyre të Muhammedit, paqja dhe mëshira e Allahut qofshin mbi të. Andaj ti kumto me atë dituri që ke dhe me atë oratori që posedon, si dhe me mundësitë e tua që i disponon e mos tolero që turpi apo pa mundësia e të shprehurit mirë të jetë pengesë që ti t’ua kumtosh hajrin të tjerëve.

Thirrja në rrugë të Allahut nuk kufizohet vetëm me këshillën mbi minber ose në ligjëratat e caktuara javore nëpër xhami apo diku tjetër, porse ajo është e shumëllojshme. Pra ajo mund të bëhet në shumë mënyra, dikujt mund ti bëhet personalisht, dikujt në familje, dikujt duke i ndihmuar apo duke i dhënë borxh, dikujt duke u sjellë mirë me të, si dhe çdo rrugë e cila është e lejuar dhe ofrohen njerëzit është rrugë prej rrugëve të thirrjes. Madje me këtë gjest e tërë shoqëria bëhet thirrëse në rrugë të Allahut, qoftë ajo: me pasuri, laps apo me gjuhë.

Përgaditi: Nexhat Ceka