Agjëruesi në Ramazan i bën dy përpjekje të mëdha, ato janë:
1. Përpjekja e cila bëhet ditën, e fjala është për agjërimin e ditëve të Ramazanit.
2. Përpjekja e cila bëhet natën, e fjala është për faljen e namazit të teravis apo namazit të natës.

Vellezër të dashur! Namazi i natës është një adhurim i madh, adhurim përmes të cilit pastrohen dhe qetsohen zemrat e atyre që falin namazin e natës si dhe zbardhen (ndriçohen) fytyrat e tyre.

Allahu, xhele ue ala, duke i lavdëruar shokët (sahabët) e pejgamberit, salAllahu alejhi ue selem, thotë: “E ata ishin prej atyre që flenin pak natën, dhe kohën e syfyrit kërkonin falje.” (Dharijat; 17-18).

Namazi i natës, është nga adhurimet më të bukura të muajit të ramazanit, sidomos në dhjetēditëshin e fundit të këtij muaji të begat.

I dërguari i Allahut, salAllahu alejhi ue selem, ka thënë: “Kush e falë namazin(e natës) në ramazan me iman dhe shpresë, i falen mëkatet e kaluara.” ( Buhariu dhe Muslimi ).

Namazi i natës ngërthen në veten e tij shumë vlera, ndër to:
1. Namazi i natës është vyrtyt i njerëzve të devotshëm dhe të mirë.

I dërguari i Allahut, salAllahu alejhi ue selem, ka thënë: “Ju këshilloj ta falni namazin e natës, nga namazi i natës ishte vyrtyt i njerëzve të devotshëm që ishin para jush, namazi i natës është afrim tek Allahu, namazi i natës të largon nga punët e këqija, namazi i natës është shkak i shlyerjes së mëkateve dhe mas mbrojtse e trupit nga sëmundjet e ndryshme.” (Ahmedi, Albani thotë se hadithi është i saktë ).

2. Namazi i natës është shkak i hyrjes në Xhenet

I dërguari i Allahut, salAllahu alejhi ue selem, ka thënë: “O ju njerëz! Përhapeni selamin, dhuroni ushqim, kujdesuni dhe mbajini lidhjet farefisnore dhe faluni natën kur njerëzit të tjerë flejnē, do të hyni në xhenet me selam.” (Tirmidhiu, Albani thotë se hadithi është i saktë ).

3. Namazi i natës shkak i shpëtimit nga fitnet e ndryshme dhe nga zjarri i Xhenemit.

I dërguari i Allahut, salallahu alejhi ue selem, na ka mësuar se namazi i natës është mbrojtje nga zjarri i Xhehenemit dhe nga fitnet. (Ashtu siç ka transmetuar Umu Seleme, radijAllahu anha nga i dërguari i Allahut, salallahu alejhi ue selem. Shënon Buhariu dhe Imam Maliku në Muwetan e tij).

4. Namazi i natës është namazi më me vlerë pas namazit obligativ

I dërguari i Allahut, salAllahu alejhi ue selem, ka thënë: “Namazi i mirë pas namazit obligativ është namazi i natës.” (Muslimi).

5. Namazi i natës është shkak i pranimit të lutjeve

I dërguari i Allahut, salallahu alejhi ue selem, ka thënë: “Me të vërtetë natēn është një kohë e begatë të cilën nëse e qëllon muslimani dhe e lutë Allahun t’i dhuroj diçka nga mirēsitē e dunjas dhe ahiretit e që të tillit Allahu të mos ia pranoj lutjen (do t’i dhuron atë çfarë kërkon) dhe një gjë e tillë ndodhë apo vlen për çdo natë.” (Muslimi ).

Gjërat që lehtësojnë faljen e namazit të natës:
1. Mosteprimi në ushqim dhe pije gjatë iftarit.
2. Largimi apo lënia e mëkateve. Njëri prej selefit, ka thënë: “Nuk munda të fali namaz nate pesë muaj radhazi, si shkak të një mekati që pata vepruar (kryer).”
3. Madhërimi i Allahut dhe dashuria ndaj Tij.
4. Rregullimi i gjumit.

Dhe për fund!

Tre dhurata profetike:

1. A e dëshiron Xhenetin e Allahut!?

I dërguari i Allahut, salAllahu alejhi ue selem, ka thënë : “Kush thotë: “Jam i kënaqur që Allahu është Zoti (i adhuruari) im, që feja ime është Islami dhe se Muhamedi, salAllahu alejhi ue selem, është i dërguari im, të tillit i bëhet obligim hyrja në xhenet.” (Ebu Davudi, Albani thotë se hadithi është i saktë ).

2. A dëshiron të të falen apo shlyhen të gjitha mëkatet!?

I dërguari i Allahut, salAllahu alejhi ue selem, ka thënë : “Kush thotë SubhanAllahi ve bihamdihi (I pa të meta është Allahu, vetëm i takon falënderimi ) njëqind herë brenda ditës, të tillit i falen mëkatet edhe nëse janë sa madhësia e detit.” (Mutefekun alejhi).

3. A dëshiron ta dish se cilat janë tre vepra të lehta dhe madhore!?

I dërguari i Allahut, salAllahu alejhi ue selem, ka thënë:”Veprat më me vlerë janë; Ta gëzosh muslimanin (ta fusësh gëzimin në zemrën e tij). T’ia largosh borxhin atij (duke ia paguar) dhe ta ushqesh atë.” (Albani thotë se hadithi është i saktë në librin e tij; Sahih el Xhamiu).

Dr. Ahmed el Mezid

Nga arabishtja : Suad Shabani

Burimi: albislam.com

Në disa shtete e vende të ndryshme hyrja e muajit Ramazan nodh të jetë gjatë stinës e verore, kur vapa është shumë e madhe, e që është një urtësi e Allahut për robërit e Tij, ngaqë ndërrimi i ditëve e stinëve është një yrnek dhe këshillë për njerëzimin, Allahu i Madhëruar thotë: “Ai (Allahu) e sjell ditën dhe natën (ndërrimin dhe zgjatjen e tyre). Me të vërtetë, në këtë – ka këshillë për ata që janë largpamës.”

Agjëruesi ndjen lodhje, uri, etje gjatë nxehtësisë së madhe posaçërisht nëse është i angazhuar me punë, andaj në këtë moment e kujtoj agjëruesin e disa gjëra:

• Besimtari duhet të kujtojë se vapa e stinës së verës është vetëm një afsh që vije nga xhehenemi, i dërguari i Allahut, sal-Allahu alejhi ve selem, ka thënë: “Nxehtësinë më të madhe që e përballoni është nga afshi i xhehenemit.”[1]
• Kur agjëruesi të dëshiron të pijë ujë të ftohët le të kujton hallin e banorëve të zjarrit kur do thërrasin banorët e xhenetit: “Banorët e zjarrit do t’u thonë banorëve të xhennetit: “Derdhni pak ujë në ne, ose diçka nga ajo që u ka dhuruar Allahu!” – Ata thonë: “Me të vërtetë, Allahu këto i ka ndaluar për mohuesit.” E lusim Allahun të na mbrojë nga zjarri i xhehenemit.
• Disa nga të parët e umetit shpeshtonin agjërimin në ditët e nxehta për shkak shpërblimit të madh.
• Pasi të shpresosh në shpërblim, e të durosh etjen e lodhjen, kujto kur Allahu do u thotë banorëve të xhenetit: “(Ju thuhet atyre): “Ju bafshin mirë ushqimi dhe pijet për veprat që keni punuar, në ditët e kaluara!.”
• Lejohet që agjëruesi të fresktohet me ujë, i dërguari i Allahut, alejhi salatu ve selam, derdhte ujë mbi kokë, përshkak nxehtësisë e etjes që kishte gjatë agjërimit, ibn Omeri lagte rrobat e tija kur ishte agjërueshëm, që të pakëson nxehtësinë e madhe apo etjen.

O Allah, kërkojmë mbrojtjen Tënde nga dënimi i varrit dhe dënimi i zjarrit.

O Allah, kërkojmë prej Teje xhenetin, dhe çdo fjalë apo vepër që na shpien drejt tij.

O Allah, kërkojmë mbrojtjen Tënde nga zjarri dhe çdo fjale apo vepre që na shpien drejt tij.

Burimi: albislam.com / Denana.com

Përktheu: Shpend Zeneli

[1] Transmeton Ebu Hurejra, hadithin e shënoi ibn Maxhe, Shejh Albani e vlerësoi sahih.

16. Falënderimi i Allahut pas ngrënies së syfyrit dhe iftarit

Transmeton Enesi, radijAllahu anhu, se i dërguari i Allahut, salAllahu alejhi ue selem, ka thënë : “Allahu është i kënaqur me njeriun i cili kur ha ushqim e falënderon Allahun për ushqimin si dhe kur pinë ndonjë pije, e falënderon Allahun për të.” ( Muslimi )

17. Rujtja e gjuhës nga përgojimi, bartja e fjalëve, gënjeshtra, etj.

I dërguari i Allahut, salAllahu alejhi ue selem, ka thënë : “Kush beson në Allahun dhe në ditën kiametit, le të flet mirë ose le të heshtë.” (Buhariu dhe Muslimi ).

Njashtu, i dërguari i Allahut, salAllahu alejhi ue selem, ka thënë : “Ai që nuk e le gënjeshtrën dhe veprimin me të dhe injorancën, Allahu nuk ka nevojë që i tilli ta le ushqimin dhe pijen e tij.” ( Buhariu ).

Transmeton Ebu Hurejra, radijAllahu, se i dërguari i Allahut, salAllahu alejhi ue selem, ka thënë : “Agjërimi nuk është vetëm largimi nga ngrënia dhe pirja, por agjërimi është edhe largimi nga fjalët e kota dhe imorale. Nëse dikush të shan ose të ofendon, t’i thuaj atij: unë jam agjërueshëm, unë jam agjërueshëm.” (Ibn Hibani, Albani thotë se hadithi është i saktë ).

18. Shkuarja herët në Xhami

Transmetohet nga Ebu Hurejra, radijAllahu anhu, se I dërguari i Allahut, salAllahu alejhi ue selem, ka thënë : “Po ta dinin njerëzit se cfarë vlere posedon thirrja e ezanit dhe falja e namazit në safin e parë, do të hedhnin shortë se cili do t’i prijë i pari në arritjen e kētij shpërblimit, nëse nuk do të gjenin mënyrë tjetër përpos hedhjes së shortit.” ( Buhariu dhe Muslimi ).

19. Qëndrimi në xhami për pritjen e namazit në vijim

I dërguari i Allahut, salAllahu alejhi ue selem, ka thënë : “Njeriu konsiderohet se është në namaz, përderisa namazi bëhet shkak për qëndrimin e tij në xhami, pra arsye që ai nuk kthehet tek familja e tij pas namazit është pritja e namazit tjetër në vijim.” (Buhariu dhe Muslimi ).

Transmeton Ebu Hurejra, radijAllahu anhu, se i dërguari i Allahut, salAllahu alejhi ue selem, ka thënë : “A dëshironi të ju tregoj se çfarë ua shlyen mëkatet dhe ua ngritë gradat (shkallët)? Sahabët, thanë: Po, o i dërguar i Allahut. I dërguari i Allahut, tha; Plotësimi i abdesit në vështirësi, shpeshtimi i hapave drejtë shkuarjes në xhami dhe pritja e namazit pas faljes së namazit. Kjo është ribat, kjo është ribat.”(Muslimi).

20. Dhënia iftar agjëruesve

Abdullah Ibn Amri, radijAllahu anhuma, transmeton se një njeri e pyeti të dërguarin e Allahut, salAllahu alejhi ue selem, se cila është fetaria më e mirë? I dërguari i Allahut, i tha; Të dhurosh ushqim dhe ta përshëndetësh me selam atë që e njeh dhe atë që nuk e njeh.” (Buhariu; 11 dhe Muslimi; 56 ).

Abdullah Ibn Selami, radijAllahu anhu, transmeton se i dërguari i Allahut, salAllahu alejhi ue selem, ka thënë : ” O ju njerëz! Shpërndajeni, përhapeni selamin, dhuroni ushqim, kujdesuni dhe mbajini lidhjet farefisnore, faluni natën kur njerëzit të tjerë flejnë, do të hyni në xhenet me selam (me paqe ).” ( Tirmidhiu, Albani thotë se hadithi është i saktë ).

Transmetohet nga Zejd Ibn Halid el Xhuhenij, radijAllahu anhu, se i dërguari i Allahut, salAllahu alejhi ue selem, ka thënë : “Ai i cili i dhuron(e ushqen) iftar një agjëruesit, i tilli shpërblehet sa shpërblimi i agjëruesit, duke mos iu pakësuar aspak shpërblimi atij (agjëruesit).” (Tirmidhiu, Albani thotë se hadithi është i saktë ) .

Zuhri, rahimehullah, ka thënë : ” Ramazani është muaj i leximit të Kur’anit dhe muaj i dhënies së ushqimit (shtrimi i iftareve).”

Përgatiti: Suad Shabani

Burimi: albislam.com

10. Leximi i Kur’anit

Allahu i Madhëruar thotë: “Këto ditë janë, ditët e muajit të ramazanit, në të cilin muaj ka zbritur Kur’ani, që është udhërrëfyes për njerëzit, plot me argumente të dokumentuara për rrugën e drejtë dhe dallues i së mirës nga e keqja.” (El Bekare; 185 ).

Transmetohet nga Ibn Abasi, radijAllahu anhuma, se ka thënë: “I dërguari i Allahut, salAllahu alejhi ue selem, ishte njeriu më bujar, bujarin e tij shtonte edhe më shumë në Ramazan, kur takohej me Xhibrilin alejhi selam, tek i cili e mësonte Kur’anin. I dërguari i Allahut, salAllahu alejhi ue selem, kur takohej me xhibrilin alejhi selam, ishe edhe më bujar se sa era e cile sjell bereqetin.” (Buhariu dhe Muslimi).

11. Shpejtimi i çeljes së iftarit në fillimim e hyrjes së kohës së tij

I dërguari Allahut, salAllahu alejhi ue selem, ka thënë: “Njerëzit do të mbesin në mirësi pêrderisa e nxitojnë (çeljen) e iftarit.” (Buhariu; 1957, Muslimi; 1098).

12. Çelja e iftarit me hurma

Transmeton Sulejman Ibn Amir ed Dabij, radijAllahu anhu, se i dërguari i Allahut, salAllahu alejhi ue selem, ka thënë: “Kur dikush prej juve (është agjërushëm dhe) dëshiron të çel iftarin, le të bën iftar me hurme, ngase në to ka bereqet. E nëse gjen hurma, atëherë me ujë, ngase uji është pastrim.” Albani thote se hadithi është i vërtetë.

13. Lutja e agjëruesit në çastet e çeljes së iftarit

Transmetohet nga Abdullah Ibn Omeri, radijAllahu anhuma, se ka thënë: “I dërguari i Allahut kur dëshironte të çelte iftarin, thoshte; U largua etja, u lagën venët dhe mbeti shpërblimi inshAllah.” (Ebu Davudi, Albani thotë se hadithi është i mirë).

14. Shpeshtimi i lutjeve gjatë periudhës kur jemi agjërueshëm

Lutja është thelbi i adhurimit dhe është adhurim shumë i lehtë, porse ngërthen në veten e saj dobi dhe mirësi të shumta.

Transmetohet nga Ebu Hurejre, radijAllahu anhu, se i dërguari i Allahut, salAllahu alejhi ue selem, ka thënë: “Tre lutje janë pranuara; Lutja e agjëruesit, lutja e udhëtarit, lutja e atij që i është bërë padrejtësi (zullum).” (Bejhekiu, Albani thotë se hadithi është i saktë).

15. Ngrënia e syfyrit

Transmeton Enesi, radijAllahu anhu, se i dërguari i Allahut, salAllahu alejhi ue selem, ka thënë: “Hani syfyr, sepse syfyri është bereqet.” (Buhariu; 1923, Muslimi; 1095).

Transmeton Ebu Hurejre, radijAllahu anhu, se i dërguari i Allahut, salallahu alejhi ue selem, ka thënë: “Zoti ynë zbret për çdo natë në qiellin e dunjasë, kur të mbetetet pjesa e tretë e natës dhe thotë: “Kush më lutet që t’i përgjigjem, kush më kërkon që t’i jap dhe kush më kërkon falje që t’ia fali.” (Buhariu: 1145, Muslimi; 1261).

Përgatiti: Suad Shabani

Burimi: albislam.com