Arhiva DitoreJan 4, 2017
ÇËSHTË ISLAMI?
Fjala “Islam” do të thotë paqe dhe nënshtrim. Paqe do të thotë të jeshë në paqe me veten dhe çdo gjë që të rrethon, e nënshtrim do të thotë dorëzim ndaj vullnetit të Perëndisë. Një kuptim më i gjerë i fjalës “Islam” është arritja e paqes duke iu nënshtruar vullnetit të Allahut.
Për këtë quhet njeriu musliman, për arsye se i nënshtrohet urdhërit të Allahut, e njëson Atë, e adhuron vetëm Atë, i bindet urdhërave të Tija, e i braktis ndalesat, ndalet në kufijtë e caktuar, ky është islami.
Kjo është një fe e veçantë, me një emër që paraqet një qëndrim moral dhe një mënyrë të jetës. Judaizmi merr emrin e vet nga fisi i Judës, Krishterimi nga Krishti (sipas emërtimit të tyre), Budizmi nga Buda Goutam dhe Hinduizmi nga lumi Indus. Megjithatë, muslimanët nxjerrin identitetin e tyre nga shpallja, dhe jo nga personaliteti i Muhamedit, alejhi selam, kështu që nuk duhet të quajtur “Muhamedanët”.
Është fe e përbashkët në të cilën ftuan gjithë profetët, dhe secili prej tyre shqiptoi se është një prej muslimanëve.
Kështu hasim në fjalët e Nuhut, alejhi selam: “Mua më është urdhëruar të jem një prej muslimanëve.” Junus, 72
Njashtu, Jakubi, alejhi selam, porosiste fëmijtë e tij: “Ibrahimi u rekomandoi këtë fëmijëve të tij, po edhe Jakubi: “O bijt e mi! perëndia me të vërtetë ka zgjedhë për ju fenë e vërtetë, dhe mos vdisni ndryshe veçse duke qenë muslimanë!.” Bekare, 132
Fëmijët e tij iu përgjigjën fjalës së prindit: “Ata u përgjegjën: “Na do ta adhurojmë Perëndinë tënd (i cili është) edhe Zoti i baballarëve tu: Ibrahimit, Ismailit dhe Is’hakit, një Zotit të vetëm, dhe ne nënshtrohemi vetëm Atij!.” Bekare, 133
Fjala e Musait, alejhi selam: “Musai tha: “O populli im! Nëse besoni Allahun, mbështetuni tek Ai, nëse jeni musliman!.” Junus, 84
Havarijunët iu drejtuan Isait, alejhi selam: “Nxënësit (e tij) u përgjegjën: “Na jemi ndihmëtarët e fesë së Allahut, na besojmë Allahun e ti Isa bëhu dëshmitar se na jemi muslimanë.” Ali Imran, 52
Thotë Allahu i Madhëruar për Ibrahimin, alejhi selam: “Ibrahimi nuk ka qenë as hebrej as i krishterë, por ka qenë besimtarë i vërtetë, musliman. E, nuk ka qenë as nga idhujtarët.” Ali Imran, 67
Pra, ajo me çfarë erdhi islami nuk ishte diç e re për aq sa ishte përmirësim i mesazheve hyjnore të mëhershme. Pra, islami, është fe e gjithë profetëve, të cilën fe Allahu e zgjodhi për njerëzimin, që prej Ademit, alejhi selam e deri tek Muhamedi, sal-Allahu alejhi ve selem.
Allahu thotë: “Feja e vërtetë te Allahu është vetëm Islamizmi. Ata, të cilëve u është dhënë Libri, ranë në konflikt – pasi u erdhi njohuria dhe këtë, për shkak të egoizmit në mes tyre; e kushdo që i mohon argumentet e Allahut, Allahu është i shpejt në llogari.” Ali Imran, 19
“E ai që kërkon tjetër fe përveç islamizmit, nuk do t’i pranohet, dhe ai në botën tjetër do të jetë i humbur.” Ali Imran, 85
“Sot ua përsosa dispozitat e fesë suaj dhe ua plotësova dhuntinë Time ndaj jush. Jam i kënaqur që feja islame të jetë fe e juaja.” Maide, 3
Islami ka pesë shtyllat e tij, ato janë:
- Dëshmia se nuk ka të adhuruar tjetër me meritë pos Allahut dhe se Muhamedi është i dërguari i Tij.
- Falja e namazit.
- Dhenia e zeqatit.
- Agjërimi i Ramazanit.
- Haxhi, për atë që ka mundësi.
DYZET PYETJE RRETH ISLAMIT
Përmblodhi: Shpend Zeneli
Burimi: albislam.com
XHENETI DHE XHEHENEMI
Ebu Hurejra, Allahu qoftë i kënaqur prej tij, përcjell se i dërguari, sal-Allahu alejhi ve selem, ka thënë: “Kur Allahu krijoi xhenetin, i tha Xhibrilit: Shko, dhe shikoe! Kështu që shkoi dhe shikoi çfarë ka në të, më pas u kthye dhe tha: O Zot! Betohem në Krenarinë Tënde, kushdo që do dëgjon për të, do hyjë në të. Pastaj Allahu e rrethoi atë më vështirësi, e i tha: O Xhibril, shko dhe shikoe tani! Shkoi dhe e shikoi, pasi që u kthye, tha: O Zot! Betohem në Krenarinë Tënde, frikohem se nuk do arrijë askush të hyjë në të. E kur Allahu krijoi zjarrin (xhehenemin), tha: O Xhibril, shko dhe shikoe. Shkoi dhe shikoi në të, pastaj u kthye dhe tha: O Zot! Betohem në Krenarinë Tënde, nuk ka për të dëgjuar askush për të, e të hyjë në të. E Allahu e rrethoi atë me epshe, e i tha: O Xhibril, shko dhe shikoe tani. Kështu që shkoi dhe e shikoi, pastaj u kthye dhe tha: O Zot! Betohem në Krenarinë Tënde, frikohem se nuk do mbetet askush pa hyrë në të.” Shënon Tirmidhiu, Ebu Davudi, dhe Nesaiu.
Kuptimi i përgjithshëm i hadithit
I dërguari, sal-Allahu alejhi ve selem, në këtë hadith na rrëfen për krijimin e xhenetit dhe xhehenemit, se si Allahu pasi që krijoi ata dërgoi Xhibrilin, alejhi selam, që të shikon në to, për shkak vlerës dhe pozitës së lartë që ka Xhibrili, alejhi selam. Kur ai pa xhenetin dhe kënaqësitë në të, u betua se çdo kush që do dëgjon për të, do dëshiron të hyjë në të, e Allahu e rrethoi atë me vështirësi, që janë farzet e obligimet tjera fetare ndaj të cilave njeriu nuk anon që t’i kryejë ato. Pastaj e urdhëroi Xhibrilin që të shikon në të përsëri, e kur shkoi dhe shikoi në të, pa se ishte e rrethuar me vështirësi, e kuptoi natyrshmërinë e të ftuarve që të hyjnë në të, në dashurinë ndaj rehatisë e mos angazhimeve, dhe urrejtjen e detyrave në të cilat ka vështirësi, u betua se frikohet se nuk do arrijë askush të hyjë në të!
Pastaj Allahu e urdhëroi që të shikon xhehenemin, shikoi në të, pa aty zjarrin e madh, u kthye tek Zoti e u përbetua se kushdo që dëgjon për të nuk do hyjë në të, e Allahu e rrethoi atë me epshe, e Xhibrili, alejhi selam, e dinte animin e të ftuarve ndaj epsheve, pasi që shikoi epshet e mëdha me të cilat ishte i rrethuar xhehenemi, u përbetua, e u frik se nuk do mbetet askush pa mos hyrë në të.
Allahu i Madhëruar nuk e ndaloi atë nga betimi e as që mohoi mendimin e tij, me këtë u bë e dijshme se shumica e njerëzve do hyjnë në zjarr për shkak mos durimit ndaj epsheve, dhe se pakica do hyjnë në xhenet, për shkak durimit dhe mundimit në lënien e epsheve dhe veprimin e obligimeve.
Dobi nga hadithi
- Emri (Rab) Zot është një prej emrave të Allahut.
- Lejohet betimi në atributet e Allahut, siç është fjala e Xhibrilit, alejhi selam, “Betohem në Krenarinë Tënde”.
- Se xheneti dhe zjarri janë të krijuar, dhe se ata dyja ekzistojnë tani.
- Xheneti ka vendin e vet, edhe zjarri ka vendin e vet, ne nuk e dimë vendndodhinë, por Allahu e di, dhe ata që kanë shikuar në të.
- Veprimi i ndalesave e rënia në epshe është rrugë për në zjarr.
- Zbatimi i detyrave fetare, përballimi i vështirësive të tyre është rrugë e xhenetit.
- Shumica e njerëzve hyjnë në zjarr për shkak mosdurimit ndaj epsheve të tyre.
- Pakica e njerëzv do hyjë në xhenet, për durimin e tyre ndaj vështirësive.
- Xhibrili, alejhi selam, është prej melaqeve të afërta, pasi Allahu e veçoi atë të shikon xhenetin dhe xhehenemin.
HADITHI I TRIDHJETË E TRE
DYZET HADITHE RRETH BESIMIT (AKIDES)
Përktheu: Shpend Zeneli
Burimi: albislam.com
