Ajo ecën, mirëpo nuk hetohet!
Buzëqeshet, mirëpo nuk e ndjejmë buzëqeshjen e saj!
Lutet, mirëpo nuk e dëgjojmë zërin e saj!
E bukur, mirëpo nuk e shfaq bukurinë e saj!
Qan, mirëpo nuk arrin deri tek ne ankesa e saj!
Ndjen dhembje, mirëpo nuk e vërejmë dhembjen e saj!
Ajo nuk është një pamje prej iluzioneve, e as ëndërr nga ëndrrat!
Ajo jeton me ne dhe na shoqëron në jetë.. e ruan veten dhe e mbron nderin!
E mbuloi trupin e saj, dhe e pastroi zemrën e saj, dhe e vendosi kurorën e saj me gjithë respekt!
Ajo është që kur e shohim na mahnit pamja e saj.. e respektojmë dhe e shpresojmë takimin me të!
Mirëpo frikohemi nga shoqërimi i saj, sepse na vjen turp nga gjendja e jonë, ne s’jemi si ajo!
Ajo është simbol nga simbolet e bukurisë dhe nuk paraqet nga bukuria e saj gjë!
Ajo është që të tjerët e përshkruajnë si të prapambetur dhe që e cilësojnë si të huaj!
Po, ajo është e huaj në mesin tonë! E huaj në mesin e atyre që nuk e din kuptimin e fjalës turp dhe nder!
A doni të dini se kush është ajo?!
Ajo është kurora e respektit.. dhe adresa e pastërtisë shpirtërore.. dhe emblema e nderit.. dhe fjalori i virtytshmërisë!!
Ajo është motra muslimane, e qëndrueshme në fe, që e ruan nderin e saj dhe i afrohet Zotit të saj!!
Nga arabishtja: Irfan JAHIU
Burimi: albislam.com