Problemi i dezinformatave në shkolla mbi Islamin

Një prej brengave të mëdha të prindërve myslimanë është arsimi publik dhe ndikimi i tij potencial mbi rritjen dhe zhvillimin e fëmijëve. Duke u munduar që në psiken e fëmijëve të tyre t’i rrënjosin thellë identitetin islam dhe vlerat e forta morale, ata në të njejtën kohë detyrohen që fëmijëve t’ua potencojnë rëndësinë e arsimit dhe vlerave që instalohen nga ai. Prindërve myslimanë u është më se e nevojshme të kenë qasje proaktive në arsimimin e fëmijëve të tyre. Me fjalë tjera, prindërit duhet të kenë kyqje.

Mirëpo, vetëm kyçja nuk është e mjafueshme. Qasjen që dikush e ka, është shumë me rëndësi, ngase ai kështu - në një periudhë afatgjate - përcakton se çka do të arrini Ju si prindër, si dhe cilat probleme do të jeni në gjendje t’i zgjidhni në fushën e arsimit. ثshtë rregull se personi duhet të ketë qasje pozitive dhe vazhdimisht të mban kontakte me të tjerët në mënyrë që ju të dëshmoni se mund të ofroni diçka që do të jetë e dobishme.

Do të ishte e dëmshme nëse merrni qëndrim, në të cilin vazhdimisht do të ankoheshit ose do ishit të shqetësuar. Sidoqoftë, shumica e problemeve dhe brengave më shumë janë rezultat i paditurisë sesa qëllimeve të këqija, ndonëse edhe kjo, në disa raste është e mundur. Megjithatë, në të ardhmen, duhet të përmirësohet prezantimi i myslimanëve dhe Islamit në librat shkollore. Për momentin në botë qarkullon një numër i madh i librave, të cilat përdoren edhe në SHBA-të dhe në vendet tjera të botës dhe të cilat përmbajnë informata të pavërteta dhe joadekuate rreth Islamit dhe historisë së myslimanëve.

Për ta zgjidhur këtë problem, myslimanët duhet të marrin përsipër përgjegjësinë, që shkollave të tyre në afërsi, t’ju sigurojnë informacione të vërteta. Në Kaliforni si dhe në shume shtete të tjera, Islami mësohet në klasën e shtatë (fillore). (në Bosnje dhe Hercegovinë, ajo është në kuadër të mësim-besimit, e cila është lëndë sipas dëshirës, në histori dhe letërsi-sh.p.) Kjo ndoshta ndryshon në disa rajone. Si prind, kur është në pyetje shkollimi i fëmijëve tuaj, Ju keni më shumë të drejtë se ndonjë arsimtar, apo drejtor i shkollës, në të cilën mësojnë fëmijët tuaj. Duke marrë parasysh këtë gjë, ekzistojnë disa gjëra që ju si prind i brengosur, mund dhe duhet t’i bëni, kur fëmija i juaj dhe fëmijët tjerë në klasë mësojnë informata të pavërteta mbi Islamin.

Lexoni librat shkollore të fëmijëve tuaj dhe vlerësojeni shkallën e dezinformimit

Së pari, duhet të njoftohesh me librat e fëmijës suaj, veçanërisht ato të lëmive të shkencave shoqërore dhe historisë. Nëse ndjeni se keni aftësi për atë, Ju vet mund të përmirësoni pjesën në të cilën flitet për Islamin, ose mund të kërkoni nga dikush që është kompetent, ta bën këtë për Ju. Në çdo rast, përmirësimi duhet të bëhet me shkrim. اdo pjesë e dezinformimit duhet shënuar dhe çka është me rëndësi, duhet të ofrohet versioni i përmirësuar i çdo pjese.

Realizoni takim me mësuesin e lëndës

Kur ta përfundoni përmirësimin, shtypeni në formë të rregulluar dhe në mënyrë të qartë. Duhet të kërkoni takim më mësuesin e fëmijës Suaj, si dhe me personin që është përgjegjës për plan-programin e asaj lëmi. Mësuesi do të jetë në gjendje, që në orët e tij në atë mënyrë të përmirësuar të kombinon ndryshimin të cilin e keni propozuar, kurse personit përgjegjës për plan-programin në atë lëmi, do t’i bëhet e qartë se ekziston dikush që nuk lejon një gabim të tillë të kalon pa u hetuar.

Gjatë takimit reagoni në mënyrë pozitive me qëllim të zgjidhjes së problemit

Me rëndësi është të dihet se, kur të takoheni më mësuesin dhe drejtorin, duhet të keni një qëndrim të qetë, miqësor por edhe me dozë të dukshme brengosëse. Akuzimi i mësuesit për dezinformatë do të ishte gabim i madh. Mësuesit janë të stërngarkuar dhe të angazhuar vetëm në mësimdhënie. Ata janë të fundit që pyeten dhe assesi nuk janë vendimmarrësit për përmbajtjen e teksteve. Reagimi më i mirë do të ishte që ju të merrni qëndrim, me të cilin do ta shprehni pakënaqësinë tuaj rreth shpjegimit te Islamit në librin e dhënë, dhe se do të ishit në gjendje të ndihmonit në mënjanimin e dezinformimit.

Varësisht nga qëndrimi që do të merrni do të krijohet atmosferë e takimit. Në këtë mënyrë mësuesve dhe drejtorit, mund t’i ofroni përmirësimin Tuaj, si dhe materiale shtesë, për të cilat mendoni se do t’i ndihmojnë mësuesit, që të mbajë mësimin me përmirësimet rreth Islamit.

Solidarizimi me shkollën dhe mësuesit

Si shtesë mund të propozoni që një ditë klasa apo e tërë shkolla, të thërret një ligjërues i cili do të bën prezantimin e Islamit. Gjithashtu, udhëzoni mësuesin drejt burimeve tjera të informacionit, siç janë qendrat islamike ose organizatat.

Mund t’i jepni shkollës/ mësuesit dhuratë një Kur’an me përkthim ose Hyrje në historinë islame.

Marrë nga: www.dawanet.com

përktheu: Fatmir Dashi

www.dawanet.com,
14.5.2008