Dega Studentore pranë Q.K.”Albislam”-Sektori i femrës më 14.02.2015 në restorantin “Festina”- Shkup e realizoi me sukses “KUIZIN E DITURISË” që ishte i paraparë enkas për nxënëse të shkollave të mesme.
Në këtë garë të diturisë morrën pjesë 38 nxënëse nga: Sh.M.M.”Pançe Karagjozov”, Sh.M.E.”Arseni Jovkov”, gjimnazi “Zef Lush Marku”, medreseja “Isa Beu”, kolegji “Jahja Kemal”, shkollat e mesme “ASUC” dhe “PTT”. Këtë kuiz nga pozita e publikut e ndjekën rreth 200 nxënëse, studente, intelektuale e dashamire të diturisë.
Materialin garues nxënëset patën mundësi ta mësojnë për gjatë dy javëve. Pas mundit gjatë përgatitjes ato sot dëshmuan, me përgjigjet e tyre, aftësitë e tyre dhe dashurinë për lapsin dhe diturinë.
Garueset u ndanë në katër grupe: grupi Asija, Merjem, Hadixha dhe Fatime. Përveç rubrikave : pyetje-pergjigje, e saktë- e pasaktë, zgjidh opsionin a,b ose c, iu dha mundësia që të nxjerin në pah talentet e tyre në fushën e komunikimit-debatit dhe të shkrimit.
Në fushën e debatit me temë: “Prezantimi i Islamit para të huajve” fitoi grupi “Fatime”, ndërsa në ese me temë: “Në dhomën time të ngrohtë e ndjeva ftohtin tuaj nga larg” u vlerësua esea e grupit “Asija”.
Kuizi u ndjek dhe u vlerësua nga komisioni 3 anëtarëshe dhe rezultati përfundimtarë nxori në vend të parë grupin “Fatime”. Me që të katër grupet kishin marrë pikë të shumta dhe dallimi mes tyre ishte i vogël mund të thuhet se ky kuiz të gjithë pjesëmarrëset i bëri fitues.
Dega Studentore dhe i gjithë stafi i sektorit të femrës “Albislam”, të gjitha vajzave që morrën pjesë u dëshiron suksese të mëtutjeshme duke lutur Allahun që t’ua shton diturinë, sinqeritetin dhe durimin në këtë rrugë.
Poashtu falënderojmë të gjithë ata që na mbështetën moralisht dhe financiarisht për ta realizuar këtë projekt. Allahu qoftë i kënaqur me të gjithë ne.
Me nderime Dega Studentore- Albislam
