Abdul Hamid Suhejbani PERMBLEDHJE E ETIKAVE ISLAME Shkup 1415/1995 Biblioteka "Etika" Titulli i origjinalit:ADAB ISLAMIJJEH Përktheu: Ferid Selimi  Ndërmarrja Botuese: URTESIA Lektor-Korrektor: Fatmire Ajdini - Hoxha Recensor:Omer Musa

Hyrje Haxh-xhi Agjërimi Hyrja në shtëpi Sabri/Durimi Sadakaja/Lëmosha Dita e xhuma Sjellja në xhami Shoqërimi Kërkimi i lejes Mësuesi dhe nxënësi Veshja Ngushëllimi, namazi dhe varrimi I sëmuri dhe vizita e tij Hapja e gojës dhe teshtitja Kur të shohim ëndërr Gjumi Selami/Përshëndetja Udhëtimi Mikpritja Ngrënia dhe pija Jeta bashkëshortore Leximi i Kur'anit fisnik Lutja/Duaja

Hyrje

Falënderimi i qoftë All-llahut (xh.sh.) i cili i udhëzoi krijesat (njerëzimin) në etikat më të përsosura. Ai nga arka e mëshirës dhe bujarisë së Tij hapi çdo derë. I driçoi sytë e besimtarëve, e panë të vërtetën dhe kërkuan shpërblim. I errësoi sytë e mohuesve (kundërshtarëve të Zotit) për shkak të kryeneqësisë së tyre nga përulja e Tij dhe u bë në mes tyre dhe dritës së Tij barrierë. Ata i udhëzoi me nderin dhe mëshirën e Tij, kurse i humbi të tjerët me drejtësinë dhe urtësinë e Tij. Dëshmoj se nuk ka zot tjetër pos All-llahut, i Vetmi i cili nuk ka shok, Ai është i lartësuar dhe dhuntidhënës. Dëshmoj se Muhammedi është rob dhe Pejgamber i Tij, i dërguar nga ana e All-llahut me ibadetet më të çmuara dhe etikat më të përsosura, shpëtimi i All-llahut qoftë mbi të, mbi gjithë familjen dhe shokët e tij.

Më tej...Ky është një libër përmbledhës i cili përmban një varg rregullash të Sheriatit për të cilat ka nevojë muslimani gjatë jetës së tij të përditshme. Këtë libër ia paraqes si këshillë Ummetit: Mësim për të paditurin, përkujtim për harrestarin dhe vërejtje për injoruesin e këtyre rregullave.

Këtë libër e paraqes këshillë që të jetojë besimtari me udhëzimet e Pejgamberit alejhis-selam si gjatë të përmendurit të All-llahut ashtu edhe gjatë të luturit të Tij; që të jetojë me udhëzimet e tij gjatë ngrënies dhe pirjes në mënyrë që ai gjatë të ushqyerit të jetë i kënaqur me Zotin dhe falënderues ndaj Tij; që të jetojë me udhëzimin e Tij edhe gjatë të veshurit. Pra, të jetojë me udhëzimet e tij në çdo sferë të jetës së ndershme dhe të jetë syçelë ndaj çdo sjellje që duhet ta ndjek.

Muslimani e ka për detyrë që t'i ruaj e të kujdeset për këto etika në mënyrë të plotë duke e zbatuar atë që i zbriti Muhammedit alejhis-selam dhe duke e ndjekur Sunnetin e tij, për të cilin All-llahu xhel-le shanuhu na urdhëroi që ta ndjekim dhe të kapemi fortë për të.

Prej All-llahut kërkoj që të më dhurojë qëllim të pastër dhe nijjet të mirë, ashtu që t'i sjellë dobi kjo shkresë atij që e lexon dhe atij që e përcjell. Lus All-llahun që dobia dhe të mirat e tij t'i përfshijnë të gjithë besimtarët me anë të bujarisë dhe rahmetit të Tij, ngaqë Ai për çdo gjë është i mundshëm.

Shpëtimi dhe paqja qofshin mbi të Dërguarin tonë, Muhammedin alejhis-selam, familjen dhe shokët e tij në përgjithësi. E falënderojmë All-llahun, Zotin e botëve. Shkroi, Abdul Hamid bin Abdurr Rrahman Suhejbani E mërkurë, paradite 23. 02. 1414 hixhrijje

AbdulHamid Suhejbani