Pyetje: Çfarë rëndësie dhe vlere ka Mekja për botën islame apo muslimanët në përgjithësi?
Përgjigje:
Allahu e bëri Meken vend dhuntie dhe sigurie për njerëzit. Aty tubohen haxhilerët dhe dijetarët për t’i kryer obligimet e tyre në mënyrën më të qetë dhe më të mirë të mundshme, duke shpresuar shpërblimin nga ana e Allahut dhe duke iu frikësuar dënimit të Allahut.
Gjithashtu, aty muslimanët e njohin njëri tjetrin, këshillojnë njëri tjetrin, diskutojnë gjëra të rëndësishme në lidhje me fenë, jetën dhe dynjanë e tyre.
Njashtu, muslimanët në Meke shtojnë faljen e namazit dhe kryerjen e veprave të mira.
Vetëm prej Allahut vjen suksesi, përshëndetjet ia dërgojmë të dërguarit tonë, Muhamedit,- salallahu alejhi ue selem!,- familjes dhe shokëve të tij.
Komisioni i përhershëm i fetvave: Abduallah Ibn Ku’udi Abdullah el Gudejani Abdurrezak el Afifi Abdulaziz Ibn Bazi
Nga arabishtja: Suad Shabani
