Pyetje: Çka është dispozita e demokracisë, si dhe të punuarit, pra të kesh post në parlamentin e Parisit, ose të punosh në ndonjë punë tjetër në pushtetin demokratik? Si dhe çka është dispozita zgjedhjes apo votimit të ndonjë personi në rrugë demokratike?

Përgjigje: Falënderimi i takon Allahut …

Një: Demokracia është sistem tokësor, që do të thotë gjykim i popullit për popullin, me këtë është në kundërshtim të Islamit, sepse gjykimi i takon vetëm Allahut të Lartësuar, andaj nuk lejohet ti jepen kompetencat e ligjvënies dikujt nga krijesat pa marrë parasysh kush është ai.

Në librin “ Meusuatu edjan vel-medhahibul-muaser” (2/1066,1067) qëndron: “Nuk ka dyshim se sistemi demokratik është një nga llojet e shirkut bashkëkohor, në respektim, nënshtrim, ose në ligjvënie, duke e hedhur gjykimin e Krijuesit absolut dhe dhënien e kësaj kompetence dikujt nga krijesat, Allahu i Lartësuar thotë: “Ata që ju adhuroni përveç Allahut, nuk janë tjetër vetëm se emra që i pagëzuat ju dhe prindërit tuaj. Allahu nuk shpalli ndonjë fakt për ta, vendimi (në çështjen e adhurimit) nuk i takon kujt, pos Allahut, e Ai urdhëroi të mos adhuroni tjetër vetëm se Atë. Kjo është feja e drejtë, por shumica e njerëzve nuk e dinë.” (Suretu Jusuf,ajeti : 40) Po ashtu Allahu thotë: “Gjykimi i takon vetëm Allahut.” (Suretu Enam, ajeti : 57)

Detajet në këtë kontekst i kemi shpjeguar në : “Seancën Nr: 98134 islam-qa”

Dy: Kush e din së çfarë sistemi është demokracia dhe dispozitën e saj, e pastaj kandidon veten e tij apo dikë tjetër duke qenë i pajtuar me këtë sistem, ky njeri është në rrezik të madh, ngase sistemi demokratik është në kundërshtim me Islamin ashtu siç u cek më parë.

Ndërsa ai i cili del kandidat ose si votues në këtë sistem, me qëllim që të futet në atë ndejë dhe ti kundërshton ata, me argumente si dhe duke u munduar ta zvogëlojë sherrin dhe dëmin sa ka mundësi, që të mos e shfrytëzojnë këtë ambient njerëzit e këqij ose ateistët të cilët bëjnë shkatërrim në tokë, të cilët ua prishin dunjanë njerëzve dhe fenë e tyre, prandaj kjo çështje është punë ixhtihadi, krejt varret nga dobia që pritet pas saj. Derisa disa prej dijetarëve e shohin se pjesëmarrja në zgjedhje është obligim.

Kur është pyetur shejh Muhamed ibn Uthejmini Allahu e mëshiroftë për dispozitën e votimeve, është përgjigjur: “Unë e shoh se votimi është vaxhib (obligim), duhet ta votojmë atë të cilin e shohim se ka hajr prej tij, sepse po që se njerëzit e mirë rrinë indiferent, atëherë kush do e zë vendin e tyre? Atëherë sigurisht vendin e tyre do ta zënë njerëzit e këqij, ose njerëz pasiv që as bëjnë mirë e as keq, të cilët i ndjek çdo grindavec, prandaj duhet ta zgjedhim dikë të cilin e shohim se është i mirë.

Në qoftë se dikush thotë: E zgjodhëm një mirëpo ata të parlamentit e fituan atë.

Themi: Kjo nuk prish punë, pasi që këtij njëshit po i dha Allahu bereqet kur i jepet mundësia të fol për realitetin në atë kuvend e patjetër të ketë ndikim nga ai, mirëpo ajo çka na mungon neve është sinqeriteti me Allahun, çdoherë mbështetemi në çështjet material të prekshme dhe nuk shikojmë në fjalën e Allahut të Madhëruar … andaj voto atë në të cilin mendon se ka hajr dhe mbështetu në Allah.” (Likaat babul-meftuha, shiriti 211- II)

Komisioni i përhershëm për fetva është pyetur: “A lejohet të votojmë në zgjedhje dhe të kanditojmë dikend në to?

U përgjigjën si në vijim: “Nuk lejohet muslimanit të del si kandidat në një qeveri që nuk gjykon me ligjin e Allahut, si dhe nuk punon me sheriat, po ashtu nuk i lejohet muslimanit të votojë për kësi qeverish, përpos rastit kur kandidati është musliman si dhe votuesit shpresojnë se me hyrjen e tyre në këto zgjedhje do ta kthejnë gjykimin me ligjin e Allahut sheriatin islam, ndërsa këtë punë e marrin si mjet për të arritur tek marrja e sistemit, si dhe gjithashtu ai i cili hyn si kandidat në këto poste të mos bën punë që bien ndesh me sheriatin islam “.

Shejh Abdulaziz ibn Baz , shejh Abdurezak Afifi, shejh Abdullah ibn Gudejan, shejh Abdullah ibn Kuud”. (Fetava lexhnetu daime , 23/406,407)

Po ashtu janë pyetur: “Siç e dini tek ne në Algjeri ka të quajturat ”zgjedhje ligjore” ndërmjet tyre ka edhe parti që thirrin në gjykimin islam, ndërsa disa tjera nuk e duan gjykimin islam. Çfarë është dispozita e kandidatit që është kundër sistemit islam ?

U përgjigjën: “Muslimanët e kanë obligim që në vendet ku nuk gjykohet me sheriatin islam, ta japin mundin e tyre maksimal që ta sjellin sistemin islam në gjykim, si dhe të bëhen një dorë me partinë e cila njihet që do të gjykojë me sheriatin islam, ndërsa ndihma ndaj atyre që thërrasin në moszbatimin e sheriatit islam nuk lejohet, mirëpo personin në fjalë e çon në kufër bazuar në fjalën e Allahut ku thotë: “(Ta zbritëm) Që edhe ti të gjykosh me atë që të zbriti Allahu, e mos ndiq dëshirat e tyre dhe ruaju rrezikut të tyre që të mos të shmangin nga një pjesë e asaj që ta zbriti Allahu. Nëse ata refuzojnë (gjykimin tënd), ti dije se Allahu ka për qëllim t’i ndëshkojë për disa mëkate të tyre. Në të vërtetë, një shumicë e njerëzve janë jashtë rrugës. A thua mos po kërkojnë gjykimin e kohës së injorancës, po për një popull që bindshëm beson, a ka gjykim më i mirë se ai i Allahut?” (Suretu Maide, ajetet: 49-50). Për këtë arsye kur Allahu ka sqaruar se bën kufër ai i cili nuk gjykon me ligjin e Allahut po ashtu ka urdhëruar të ruhemi që të mos ju ndihmojmë atyre e as ti marrim për miq, gjithashtu ka urdhëruar që besimtarët ta kenë frikë Allahun realisht, ku Allahu thotë: “O ju që besuat! Mos i merrni për miq ata të cilëve u është dhënë libri para jush edhe as jobesimtarët që me fenë tuaj tallen dhe luajnë. Kini drojë Allahun po qe se jeni besimtarë”. (Suretu Maide, ajeti :57)

Allahu jep sukses, përshëndetjet dhe mëshira e Allahut qoftë mbi pejgamberin tonë Muhamedin familjen e tij shokët e tij dhe paqja ”.

“Lexhneti daime lil-buhuthil-ilmije vel-ifta”

(Shejh Abdulaziz ibn Abdullah ibn Baz , shejh Abdurezak Afifi, shejh Abdullah ibn Gudejan, 1/373).

Allahu e di më së miri

Burimi: albislam.com

Përktheu: Nexhat Ceka

Pyetje: Disa myslimanë të cilët jetojnë në shtetet jo islame dëshirojnë ta dinë se vallë a lejohet të marrin pjesë në zgjedhje dhe t’ua japin votën partive jo islame. Ata thonë se disa parti të caktuara do t’ju ndihmojnë myslimanëve po që se fitojnë në zgjedhje.

Përgjigje: Falënderimi i takon Allahut…

Kjo çështje është nga meselet në të cilat fetfaja dallon në gjykimin për të, varësisht nga koha, vendi dhe situata, andaj në këtë çështje nuk jepet gjykimi në përgjithësi në të gjitha vendet në të gjitha rastet ose rastet të pritura.

Në disa raste kjo formë votimi nuk ia vlen kur myslimanët nuk kanë kurrfarë dobie, ose myslimanët nuk janë faktorë me votën e tyre, ose kur pjesëmarrja e tyre ose mospjesëmarrja në zgjedhje nuk ruan kurrfarë roli, i njëjtë është rasti kur të dy partitë që janë për tu zgjedhur kanë qëndrime të këqija për myslimanët…

Ndonjëherë dobia sheriatike çon deri tek votimi, shikuar në aspektin zvogëlimit të sherrit ose zvogëlimit të dëmit, siç është rasti kur kandidatët janë jomysliman, mirëpo kur ndodh që njëri më pak i armiqëson myslimanët nga tjetri, si dhe myslimanët janë faktorë për zgjedhjen e tij, atëherë në këtë rast nuk prishë punë po që se votojnë myslimanët.

Sidoqoftë kjo është një nga meselet ixhtihadije (çështje e paprerë) e ngritur mbi rregullën “dobitë dhe dëmet”, ku në kësi raste duhet t’ju referohemi dijetarëve të cilët i njohin rregullat e kësaj bazë, si dhe t’jua tregojnë këto çështje në detaje, duke përfshirë gjendjen e shtetit në të cilën jetojnë komunitetin mysliman dhe kanunet e atij vendi, gjendjen e kandidatit, si dhe rëndësinë e votimit dhe dobinë nga ajo e të ngjashme.

Andaj të mos keqkuptojë dikush se ai i cili e lejon të votohet është i kënaqur me kufër dhe e ndihmon atë, mirëpo ai një gjë të tillë e bën për të mirën e myslimanëve e jo nga shkaku se e do kufrin apo pasuesit e saj, sepse myslimanët janë gëzuar me fitoren e romakëve ndaj persianëve, njashtu siç janë gëzuar myslimanët me fitoren e Nexhashiut në Etiopi, kur dikush dëshiroi t’ia merr pozitën atij, një gjë e tillë është e njohur në sire (biografinë e Pejgamberit alejhi selam) ndërsa ai i cili e sheh të mos voton nga devotshmëria një gjë e tillë i lejohet dhe Allahu e di më se miri

Përktheu: Nexhat Ceka .

www.islamqa.com / albislam.com

Pyetje: Në një shtet ku gjykohet me ligje tjera pos ligjit islam a lejohet që myslimanët, në rast kur ndodh ndonjë padrejtës,i të kërkojnë gjykimin me ato ligje për të arritur të drejtat e tyre?

Përgjigje: Po lejohet, në qoftë se nuk mund të arrijnë deri tek e drejta e tij vetëm se në këtë mënyrë, pra nuk ka gjë në këtë. Mirëpo,nijeti i tij kur gjykohet tek ata nuk duhet të jetë ashtu sikur gjykohet me sheriat sepse në rastin e dytë duhet patjetër t’i nënshtrohet  dhe e ka obligim ta pasojë vendimin e sheriatit. Shembull për këtë është kur dikush shkon tek ata që gjykojnë me ligj tjetër pos sheriatit, pra në polici për të kërkuar të drejtën e tij nëse dikush I ka vjedhur pasurinë.

Përktheu: Nexhat Ceka

Burimi: albislam.com

Pyetja : Cili është vendimi i sheriatit për një mysliman që njeh fenë e tij mirë, të hyjë në parlament apo të mundohet të hyjë në parlament, në shtetet e mosbesimtarëve?

Përgjigja: Në qoftë se hyn në parlament që t’ju ndihmojë atyre në shtrembësi (batil) kjo është haram. Mirëpo po qe se hyn në parlament që ta ngrit zërin e  myslimanëve apo ti mbrojë të drejtat e myslimanëve, duke u munduar t’i luftojë ndihmësit e kufrit dhe ti mposht dyshimet e tyre, nuk ka diç të keqe, një gjë e tillë lejohet, madje në ndonjë rast konsiderohet detyrim ta bëjë një gjë të tillë, ngase po qe se myslimanët largohen, distancohen absolutisht nga parlamenti atëherë mosbesimtarët do të luajnë me ta si të duan, kjo padyshim se ju bën dëm myslimanëve, sidomos në rastet kur ka dikush prej myslimanëve i cili i përfaqëson myslimanët fuqishëm, është orator, si dhe prej këtij ndoshta përfiton kush është prezent në ndejat e seancat me të. Sidomos kur di të bëjë politikë të fortë, e njeh mentalitetin e popullit , është i mençur dhe fiton përkrahjen e popullit. Ndërsa, po qe se nuk ka kurrfarë dobie, në këtë rast hyrja në parlament pa dyshim se nuk lejohet sepse në atë rast u ndihmon mosbesimtarëve.

Burimi: albislam.com

Pyetësi: Ekrem Avdiu, në takimin me Ibn Uthejminin.

Përktheu: Nexhat Ceka

Pyetja: A lejohet të marrim nënshtetësinë e ndonjë vendi jo mysliman, për shembull nënshtetësinë italiane?

Përgjigje:

Nuk lejohet qëndrimi në vende jomyslimane përveç për atë që ka mundësi ta manifestojë fenë e tij dhe nëse ka mundësi, detyrohet tw bwj hixhret në ndonjë vend mysliman. Ajo që gjithashtu duhet të dihet është se kjo dispozitë dallon varësisht prej vendit dhe personit..

Nuk lejohet të bëhemi shtetas të ndonjë vendi jomysliman, përveç në rast të nevojës emergjente (الاضطرار). Arsyeja e kësaj ndalese janë pasojat e shumta negative që vijojnë pas një veprimi të tillë siç është nënshtrimi ndaj ligjeve dhe rregullave jo islame etj.

Është pyetur Komisioni i përhershëm për Fetva: Shumë myslimanë udhëtojnë në vende perëndimore me qëllim të qëndrimit atje dhe pas një kohe  u jepet mundësia të marrin nënshtetësinë e vendit ku qëndrojnë. Pyetja është: a lejohet marrja e nënshtetësisë e vendeve të tilla duke e pasur parasysh se bëhet fjalë për vende të kufrit dhe shirkut, të amoralitetit dhe shthurjes. Si pra të shprehim lojalitetin ndaj një vendi të tillë? Dikush këtë veprim e arsyeton me përhapje të Islamit në ato vende prandaj dua ta di qëndrimin e Islamit lidhur me këtë çështje

Komisioni u përgjigj: Myslimanit nuk i lejohet të merr nënshtetësi të vendit që ka qeveri jomyslimane, sepse një vepër e tillë është mjet që shpien drejtë lojalitetit ndaj tyre dhe pajtim me parimet e gabuara që ata i promovojnë. Sa i përket qëndrimit pa e marr nënshtetësinë edhe ky qëndrim sipas teksteve të shpalljes është i ndaluar. Allahu, subhanehu ue teala, thotë: “Kur engjëjt ua marrin shpirtrat atyre që e kanë ngarkuar veten me faje, u thonë: “Ku ishit?” Ata përgjigjen: “Ishim të pafuqishëm në Tokë”. (Engjëjt) do t’u thonë: “A nuk qe Toka e Allahut e gjerë që të mërgonit në të?” Këta janë ata (njerëz), vendbanimi i të cilëve është Xhehenemi; eh, sa i keq është ai vendbanim! Me përjashtim të meshkujve të pafuqishëm, grave dhe fëmijëve, të cilët nuk kanë as fuqinë e as mundësinë të drejtohen në rrugë.” (En Nisa, 97-98)

Këtë e përforcon edhe hadithi i të Dërguarit, sal-lallahu alejhi ue selem, i cili thotë: “Unë distancohem nga çdo mysliman që qëndron në mesin e mushrikëve (politeistëve).” (transmeton Ebu Davudi nr. 2645, Albani e vlerëson si sahih në Irvaul Galil 5/30 dhe Es Silsile Es Sahiha 2/228). dhe hadithe tjera në këtë temë. Nuk ka ndasi në mes të myslimanëve se ai që ka mundësi duhet të shpërngulet nga vendi i jo besimit drejt vendit të myslimanëve nëse ka mundësi.

Sa i përket atyre që janë dijetarë dhe që qëndrojnë në vendet jo islame me qëllim të përhapjes së Islamit, duke mos pasur frikë se do të sprovohen në çështjet e fesë, atëherë kjo lejohet, nëse shpresohet të ndikojmë tek ata dhe t’i udhëzojmë në Islam. (Fetava El Lexhne Ed Daime, 2/69 të nënshkruar pas kësaj fetvaje janë dijetarët  Ibën Bazi, Abdur Rezak Afifi, dhe Abdullah ibën Kuudi Allahu i mëshiroftë)

Dijetari i njohur Abdullah El Xhibrin, Allahu e mëshiroftë, ka thënë: Kush detyrohet të merr nënshtetësi të vendeve jo myslimane si i dëbuari prej vendit tij , i përndjekuri dhe ai që nuk ka vend ku të strehohet, atij i lejohet një vepër e tillë nëse e shfaq fenë e tij dhe është i përpiktë në kryerjen e detyrave fetare.

Si përfundim nëse në vendin ku jeton nuk ke shtypje, dhe ke mundësi të jetosh aty edhe pse e ndien ndonjë presion të vogël, nuk të lejohet të marrësh nënshtetësi të ndonjë vendi jomusliman. Nëse dikush detyrohet dhe merr nënshtetësi të tillë kjo nuk duhet të konsiderohet mangësi në tevekulin e tij ngase është prej shkaqeve që përdoren për ta larguar ndonjë vështirësi. Allahut i takon dija absolute.

Burimi: albislam.com

Pyetje: A lejohet të punoj në sektorët e një qeverie jomyslimane nëse puna nuk përmban në vete ndonjë haram? Unë punoj në sektorin komercial, dhe përkundër ekzistimit të përzierjes mes gjinive në këtë mes, falë Allahut, unë ruaj shikimin, mirëpo ndonjëherë detyrohem të komunikoj me ndonjërën nga nëpunëset apo klientët femra. Prandaj ju pyes: a lejohet shikimi në këtë rast? Si dhe a më lejohet të mbes në këtë vend pune derisa të gjej një tjetër?

Përgjigje: falënderimi i takon Allahut…

E para: s’prish punë që myslimani të jetë i punësuar apo të kryej ndonjë punë ditore te jomyslimanët nëse puna të cilën e kryen është e lejuar me sheriat. Ali ibën Ebu Talibi, radijallahu anhu, ka punuar te një hebre. Në Enciklopedinë e Fikhut (Meusuatul Fikhije) qëndron: “dijetarët e Fikhut janë pajtuar rreth lejimit të shërbimit që mund t’i bëj një jomysliman myslimanit po ashtu që një mysliman të punojë te një jomysliman, në mënyrë që pas kryerjes së punsë të paguhet, siç është qepja e rrobave, ndërtimi i shtëpive, punimi i tokës e tjerë.”

Në fetvatë e Komisionit të Përhershëm qëndron: “lejohet të punosh në shtetin jomysliman nëse puna që bën nuk është mëkatim ndaj Allahut apo nuk ndihmon mëkatet.”

E dyta: dijetarët kanë lejuar shikimin në fytyrën e gruas, pa epsh, gjatë raporteve tregtare. Ibën Kudame Makdisiu thotë: “në raportin e tij tregtar me një grua, i lejohet të shikoj në fytyrën e saj, që ta njeh atë konkretisht. Është transmetuar prej Imam Ahmedit se një veprim i këtillë lejohet kur bëhet fjalë për gruan e moshuar e jo për vajzën e re. Ndoshta mospreferimi i tij vlen për atë që i frikohet fitnes apo mund të gjej zgjidhje tjetër, përndryshe kur është nevoja dhe shikimi është pa epsh, nuk ka asgjë të keqe.” (ElMugni 7/101)

S’ka dyshim se nëse mund të gjesh ndonjë punë larg përzierjes mes gjinive dhe mëkateve tjera, kjo do ishte më e mirë dhe më e shëndoshë për fenë tënde dhe do ishe me i sigurt prej fitnes. Allahu e lehtësoftë gjendjen tënde dhe të udhëzoftë drejt çdo mirësie! Allahu e di më mirë!

Burimi: albislam.com

Përktheu: Agim Bekiri