Transmetohet nga Ebu Hurejra,- Allahu qoftë i kënaqur prej tij!,- se ka thënë: “I Dërguari i Allahut,- salallahu alejhi ve selem!,- u pyet se cila vepër është më e mirë? Ai,- salallahu alejhi ve selem!,- tha: “Besimi në Allahun dhe në të Dërguarin e Tij”. Po pastaj, cila? Tha: “Pastaj xhihadi në rrugë të Allahut.” Po pastaj, cila? Tha: “Haxhi i pranuar.” Hadithi Sahih.[1].

Transmetohet nga Ibën Abasi ,-Allahu qoftë i kënaqur me të!,- se: “Ai ka dëgjuar të Dërguarin e Allahut,- salallahu alejhi selam!,- duke mbajtur hutbe, të thotë: “Të mos veçohet një burrë me një grua, vetëm nëse ajo është në shoqërinë e një të afërmi (me të cilin i ndalohet martesa) dhe as të mos udhëtojë gruaja pa një të afërmin e saj.” Një burrë u ngrit dhe tha: O i Dërguari i Allahut! Gruaja ime është nisur për në haxh ndërsa unë u regjistrova ushtar në filan luftën. Tha: “Shko dhe bëj haxh me gruan tënde.” Hadithi Sahih.[2].

Transmetohet nga Ibën Umeri,- Allahu qoftë i kënaqur me të dy!,- se i Dërguari i Allahut,- ka thënë: “Gruaja e cila kryen haxhin(haxhilere) nuk duhet të vendosë nikab, perçe, në fytyrë dhe as të veshë doreza.” Hadithi Sahih.[3]. Transmetohet nga Ebu Hurejra,- Allahu qoftë i kënaqur me të!,- se ka thënë: “Një burrë pyeti të Dërguarin e Allahut,- salallahu alejhi ve selem!,- : O i Dërguari i Allahut, ne udhëtojmë në det dhe mbartim pak ujë me vete. Nëse marrim abdes me të, do të na marrë etja pastaj. A të marrim abdes me ujin e detit? I Dërguari i Allahut,- salallahu alejhi ve selem!,- tha: “Uji i tij është i pastër dhe e ngordhta e tij është e lejuar.” , Ebu Hadithi është Sahih.[4].

E vlerësoi si sahih- Buhariu, Tirmidhiu, Ibën Huzejme, Ibën Hibbani etj. Marrë nga Libri: “El Muharrer Fil Hadithë”, fq.33.

Transmetohet nga Ebu Hurejra,- Allahu qoftë i kënaqur prej tij!,- se Muhamedi,- salallahu alejhi ve selem!,- ka thënë: “Kur dikush nga ju të falet imam i njerëzve, ta lehtësojë namazin pasi që në mesin e tyre gjenden të dobët, të sëmurë dhe të moshuar. Ndërsa kur të falet vetëm le ta zgjasë sa të dojë.” Hadithi është Sahih.[5]. Transmetohet nga Ebu Musa,- Allahu qoftë i kënaqur me të!,- se ka thënë: i Dërguari i Allahut,- salallahu aeljhi ve selem!,- ka thënë: “Njeriu i cili shpërblehet me shpërblim më të madh për namazin e tij, është ai që e ka rrugën më të gjatë deri në Xhami. Hadithi Sahih.[6].

Transmetohet nga Ibën Omeri,- Allahu qoftë i kënaqur me ta!,- se i Dërguari i Allahut,- salallahu alejhi ve selem!,- ka thënë: “Nëse gratë e juaja ju kërkojnë që të shkojnë në xhami në namazet e natës, jepuni lejë atyre.” Hadithi Sahih.[7].

Transmetohet nga Ibën Omeri,- Allahu qoftë i kënaqur me ta!,- se ka thënë: I Dërguari i Allahut,- salallahu alejhi ve selem!,- ka thënë: “Namazi me kolektiv(xhemat) është më i mirë se namazi vetëm, me njëzet e shtatë gradë.” Hadithi Sahih.[8].

Transmetohet nga Ebu Hurejra se Pejgamberi,-salallahu alejhi ve selem!,- ka thënë: “Kujt ti jep Allahu,- azze ve xhele!,- pasuri, kurse ai nga ajo pasuri nuk jep e zekatin, atëherë kjo pasuri do ti shndërrohet atij në gjarpër helmues, koka e të cilit është e zhveshur me dy njolla të zeza. Ai do ti varet rreth qafës në Ditën e Kijametit, do ta kafshojë për nofullën e poshtme dhe do t’i thotë: – Unë jam pasuria yte, unë jam thesari yt!.”

Hadithi Sahih.[9]. Transmetohet nga Ebu Hurejra,- Allahu qoftë i kënaqur me të!,- se Muhamedi,- salallahu alejhi ve selem!,- ka thënë: “Nuk ka ndonjë pronar i arit ose argjendit, e i cili nuk e jep zekatin për to, dhe që në Ditën e Gjykimit nuk do të ketë pllakë të zjarrtë, e cila do të nxehet fort në zjarrin e xhehenemit dhe e cila do tia djegë anët, ballin dhe shpinën e tij. Sa herë të ftohen (këto pjesë), sërish do ti digjen, në atë ditë e cila zgjat pesëdhjetë mijë vjet, pastaj do ta sheh rrugën e tij, ose ne xhenet ose në zjarr”. Hadithi Sahih.[10].

Muhamedi,- salallahu alejhi ve selem!,- ka thënë: “Kush ia mbulon të metat vëllaut të vet në këtë dunja Allahu do tia mbulon ati të metat në Ditën e Gjykimit”. Hadithi Sahih.[11]. Transmetohet nga Ebu Hurejra,-Allahu qoftë i kënaqur me të!,- se një burrë i verbër tha: “O i Dërguari i Allahut! Unë nuk kam njeri të më bjeri(shpie,dërgoje) në xhami. Pastaj i kërkoi të Dërguarit,- salallahu alejhi ve selem!,- që ti jepte leje për tu falur në shtëpi dhe ai,- salallahu alejhi ve selem!,- e lejoi. Por kur ai ktheu shpinën, i Dërguari,- salallahu alejhi ve selem!,- e thërriti dhe i tha: A e dëgjon ti ezanin? Po, tha ai. Atëherë përgjigjju thirrjes së tij.” Hadithi Sahih.[12]. Transmetohet nga Amër bin Ummi Mektum,- Allahu qoftë i kënaqur me të!,- se ka thënë: “Thashë: O i Dërguari i Allahut! Unë jam i verbër dhe e kam shtëpinë time larg Xhamisë, ndërsa ndihmuesi që kam nuk më përshtatet, a më gjen ndonjë lehtësim që të falem në shtëpi? Ai,- salallahu alejhi veselem!,- tha: A e dëgjon ezanin? Po, tha ai. Atëherë nuk gjej lehtësim për ty.” Hadithi Sahih.[13]. Transmetohet nga Abdullah bin Mesudi,- Allahu qoftë i kënaqur prej tij!,- se ka thënë: “Nuk gjejë kënd prej nesh që të mos prezentonte namazin e sabahut dhe të jacisë, përveç ndonjë hipokriti të njohur. Kishte njerëz që vinin të mbajtur për krahu nga dy burra, deri sa vendosej në saf (në

rradhë).” Hadithi Sahih.[14].

Transmeton Temim ed Dari, Allahu qoftë i kënaqur prej tij, i cili thotë: “E kam dëgjuar të Dërguarin e Allahut të thotë: “Kjo fe do të arrijë aty ku ka arritur nata dhe dita, nuk do të lërë Allahu shtëpi nga guri e as nga lëkura pa e futur Islamin me krenarinë e të krenuarit ose me nënçmimin e të nënçmuarit. Krenari me të cilën Allahu e ngre këtë fe dhe nënçmim me të cilin Allahu e poshtëron kufrin.” Sahih[15].

Nga Ibën Omeri,- Allahu qoftë i kënaqur me të!,- transmetohet se ka thënë: “I Dërguari i Allahut,- salallahu alejhi ve sel-lem!,- u kthye drejtë nesh dhe tha: “O emigrues në rrugë të Allahut! Janë pesë gjëra për të cilat lus Allahun të mos sprovoheni me to, e të mos i arrini ato. 1: Nuk është përhapur imoraliteti në ndonjë popull derisa ta shfaqin haptazi, e të mos përhapen në mesin e tyre murtaja (sëmundjet ngjitëse) dhe sëmundje të tjera të cilat nuk kanë ekzistuar te paraardhësit e tyre. 2: Nuk peshojnë dhe masin mangët, vetëm se do të ndëshkohen me varfëri, skamje dhe tirani të sundimtarëve (sulltanëve). 3: Nuk e ndërpresin dhënien e zakatit, vetëm se do tu ndërpritet rënia e shiut, sa që sikur të mos ishte shkaku i kafshëve nuk do të binte asnjë pikë. 4: Nuk e thyejnë premtimin e dhënë Allahut dhe premtimin e dhënë të Dërguarit të Tij,- salallahu alejhi ve selem!,- vetëm se Allahu atyre do tu përcaktoj një armik të jashtëm i cili do ua marri disa prej të mirave që i posedojnë. 5: Dhe nuk gjykojnë prijësit e tyre me ligj tjetër përveç Librit të Allahut, si dhe nuk zgjedhin gjykime të tjera përveç asaj që ka përcaktuar Ai, vetëm se Allahu do ti përçaj dhe do ua shtoj urrejtjen mes vete.” Hadithi Sahih.[16]. Nga Ibën Omeri,- Allahu qoftë i kënaqur me të!,- transmetohet se Pejgamberi,-salallahu alejhi ve selem!,- ka thënë:

1:Nëse dikush kërkon ndihmë në emër të Allahut,- xhele veala!,- atëherë ndihmone. 2:Nëse dikush kërkon diçka në emer te Allahut atëherë jepni. 3:Nëse ju fton dikush atëherë përgjigjuni ftesës së tij. 4:Nëse dikush ju bën ndonjë të mirë atëherë kompenzojani atij. 5:Nëse nuk keni me çka të kompenzoni atëherë lutuni për të, ngase lutja do të konsiderohet kompenzim. Hadithi Sahih.[17]

Përzgjodhi dhe Përshtati

Suad Shabani

Burimi: albislam.com

_______

Referencat:

[1] – Mutefekun alejhi (Buhariu- nr. 1519 dhe Muslimi, nr. 135/83).

[2] – Shënuar nga Ahmedi në “Musnedin” e tij- 1/222, Buhariu- nr. 3006 dhe Muslimi- nr. 424/1341,- Allahu qoftë i kënaqur me të gjithë!.

[3] – Shënuar nga Ahmedi, Buhariu, Nesaiu dhe Tirmidhiu,- Allahu qoftë i kënaqur me të gjithë!.

[4] – Shënuar nga Ahmedi, Ebu Davudi,Ibën Maxhe, Nesaiu dhe Tirmidhiu.

[5] – Shënuar nga imam Ahmedi , Buhariu , Muslimi me nr. 185/467, Ebu Daudi, Tirmidhiu dhe Nesaiu,- Allahu qoftë i kënaqur me të!.

[6] – Shënon Imam Muslimi,- Allahu qoftë i kënaqur me të!.

[7] – Shënuar nga Ahmedi, Buhariu, Muslimi , Ebu Davudi, Tirmidhiu, Nesaiu,- Allahu qoftë i kënaqur me të gjithë!.

[8] – Shënuar nga imam Ahmedi, Buhariu,Muslimi,- Allahu qoftë i kënaqur me të gjithë!.

[9] – Shënon Imam Buhariu,- Allahu qoftë i kënaqur me të!.

[10] – Shënon Imam Muslimi,- Allahu qoftë i kënaqur me të!

[11] – Shënon Imam Ahmedi.

[12] – Shënuar nga Muslimi, Nesaiu etj,- Allahu qoftë i kënaqur me të gjithë!.

[13] – Shënuar nga Ahmedi, Ebu Davudi dhe Ibën Maxhe,- Allahu qoftë i kënaqur me të gjithë!.

[14] – Shënuar nga Ahmedi, Muslimi, Ebu Davudi, Nesaiu dhe Ibën Maxhe.

[15] – (Shënon Ahmedi në Musnedin e tij dhe Bejhekiu në Sunenin e tij)

[16] – Shënon Ibën Maxhe,- Allahu e mëshiroftë!. Ndërsa, Shejh Albani,- Allahu e mëshiroftë!,- e vlerësoi hadithin si Sahih(të vërtetë).

[17] – Shënuan Ebu Davudi dhe Nesaiu,- Allahu qoftë i kënaqur me ta!.

Dije se çdo urdhërim në të mirë dhe ndalim nga e keqja që bëhet nga ana yte, s’do të thotë se me të patjetër të largohet e keqja rrënjësisht, apo të realizohet e mira plotësisht, ngase frenat e udhëzimit janë në dorë të Allahut Fuqiplotë. Allahu thotë: “Është e vërtetë se ti nuk mund ta udhëzosh atë që do ti, por Allahu udhëzon kë të dojë dhe Ai është që di më së miri për të udhëzuarit.”[1] Allahu thotë gjithashtu: “Ti je vetëm qortues, e Allahu për kujdeset për çdo send.”[2] E keqja mund të mënjanohet me mënjanim ose me këshillim, prandaj mos e bën shënjestër tënde vetëm largimin nga e keqja, e kështu poqëse nuk e mënjanon të keqen, atëherë e lë urdhërimin në të mirë dhe ndalimin nga e keqja, kjo është gabim.

Urdhërimi në të mirë dhe ndalimi nga e keqja ka disa fryte të saja edhe nëse nuk e mënjanon të keqen. Prej saj besimtari fiton atë se: Besimtari me këtë punë e kryen një adhurim të madh me të cilën afrohet tek Allahu Fuqiplotë, si dhe ky njeriu hyn në cilësitë e besimtarëve për të cilët Allahu thotë: “Besimtarët dhe besimtaret janë të dashur për njëri-tjetrin, urdhërojnë në të mirë, ndalojnë nga e keqa, e falin namazin dhe japin zekatin, respektojnë Allahun dhe të dërguarin e Tij. Të tillët do t’i mëshirojë Allahu. Allahu është Ngadhënjyes, i Urtë.”[3]

Me kryerjen e këtij adhurimi shlyhen mëkatet dhe gjunahet, ruhen begatitë e Allahut, mbrohemi nga dënimi i qiellit, shoqëria nuk rrezikohet nga ndonjë e keqe më e madhe që do të pasonte, është mjet për përmirësimin e shoqërisë dhe mbrojtjes së islamit. Me këtë vepër mbrohet ummeti nga sprovat, epshet, dyshimet si dhe me këtë vepër ju bëhet mirë krijesave. Të gjitha këto e shumë të tjera janë rezultat i mënjanimit të së keqes, ndërsa në qoftë se e keqja mënjanohet tërësisht kjo është begati edhe më e madhe, mirëpo edhe poqëse e keqja nuk largohet, robi me këtë gjest i ka bërë një përmirësim vetes së tij së pari, e pastaj shoqërisë ngase ky edhe është një nga qëllimet e sheriatit.

Ibn Rexhebi sqaron qëllimet e urdhërimit në të mirë dhe ndalimit nga e keqja, ku thotë: “Dije se me urdhërimin në të mirë dhe ndalimi nga e keqja ndonjëherë pritet shpërblimi, ndonjëherë frika nga dënimi me lënien e tij, ndonjëherë hidhërimi i Allahut kur shkelen ligjet e Tij të shenjta, ndonjëherë këshillë për besimtarët, mëshirë për ta që të mos i kaplojë hidhërimi i Allahut me veprat të cilat i bëjnë. Kështu që dënohen në dunja dhe në ahiret, ndonjëherë me këtë vepër madhërohet Allahu, demonstrohet dashuria ndaj Tij dhe se Ai duhet të respektohet e të mos i bëhet mëkat, të përmendet e të mos harrohet, të falënderohet e të mos mohohet.”[4]

Përgaditi: Nexhat Ceka

Abdullah Ibën Omer,- Allahu qoftë i kënaqur me të!,- transmeton se i Dërguari i Allahut,- salallahu alejhi ve selem!,- ka thënë: “Pjesa më e madhe e gjynaheve të bijve të Ademit vijnë si pasojë e gjuhës.” Hadithi Sahih.[1].

E takova të Dërguarin e Allahut,- salallahu alejhi uv selem!,- dhe e pyeta: Ku qëndron shpëtimi? Ai tha: “Ruaje gjuhën, shiko shtëpinë tënde dhe qaj për gjynahet e tua.” Hadithi Sahih:[2]. Ndërsa, është saktësuar nga Shejh Albani në Silsiletul Ehadith Es Sahiha,nr.890).

Pejgamberi,- salallahu alejhi ve selem!,- ka thënë: “Keni kujdes prej veprave të shpikura, sepse çdo shpikje është Bidat dhe çdo Bidat është humbje dhe çdo humbje shpien në Zjarr”. Hadithi është i vërtetë.[3].

Muhamedi,- salallahu alejhi ve selem!,- ka thënë: “Ai, qëllimi i të cilit është Ahireti, Allahu e bën të përqëndruar, ia vendos prioritetin e tij në zemrën e tij dhe i vjen dynjaja e robëruar. Kurse ai, qëllimi i të cilit është kjo dynja, Allahu e bën të shpërqëndruar dhe ia vendos varfërinë mu përpara syve të tij dhe asgjë nga kjo dynja nuk i vjen atij përveç asaj që është shkruajtur për të.” Hadithi Sahih.[4].

Pejgamberi,- salallahu alejhi ve selem!,- ka thënë: “Ruaju mos u bëjë keq të tjerëve, e kjo do të jetë sadaka (lemosha) jote për veten tënde.”[5].

Transmetohet prej Ebu Hurejres,- Allahu qoftë i kënaqur me të!,- se Pejgamberi,- salallahu alejhi ve selem!,- ka thënë: “Shenjat e munafikut janë tri: Kur flet, gënjen, kur premton e then premtimin dhe kur i jepet diçka në besim ai tradhëton”. [6].

Bëhu shembull, leje polemikën, gënjeshtrën, çfarë të kushton !? Transmetohet prej ebi Umames,- Allahu qoftë i kënaqur me të!,- se Pejgamberi,- salallahu alejhi ve selem!,- ka thënë: “Unë jam përgjegjës për një shtëpi në rreth të Xhenetit për atë person i cili e len polemikën me dikënd edhe nëse është në të drejtë dhe për një shtëpi në mes të Xhenetit për atë person i cili e len gënjeshtrën dhe për një shtëpi në Xhenetin më të lartë për atë që ka moral të mirë”. Hadithi Sahih.[7].

Transmetohet prej ibën Omerit,- Allahu qoftë i kënaqur me të!,- se Pejgamberi,- salallahu alejhi ve selem!,- ka thënë: “Kush lexon dhjetë ajete për çdo natë nuk shkruhet prej neglizhentëve(gafilave).” Hadithi Sahih.[8].

Muhamedi,- salallahu alejhi ve selem!,- ka thënë: “Allahu,- xhele veala!,- ju ndalon të betoheni në baballarët tuaj. E kush betohet le të betohet në Allahun apo më mire le të hesht”.[9]

Tranmsetohet prej Ebu Hurejres,- Allahu qoftë i kënaqur me të!,- se e ka ndëgjuar Muhamedin,- salallahu alejhi ve selem!,- duke i thënë Avad el Minberah,- Allahu qoftë i kënaqur me të!,- : “Ose disa popuj do ndalen nga lënia e namazit të xhumasë ose All-llahu do tia vulosë atyre zemrat e më pastaj ata do të jenë prej neglizhentëve (gafilëve)”. Hadithi Sahih.[10].

Transmetohet nga Musab Ibën Sadi se babai i tij ka thënë: ”O i Dërguari i Allahut, cilët nga njerëzit janë sprovuar më së shumti? I Dërguari,- salallahu alejhi ve selem!,- tha: ”Pejgamberët, pastaj të devotshmit, pastaj më të mirët, e pastaj më të mirët prej njerëzve. Njeriu do të sprovohet në bazë të devotshmërisë së tij fetare. Nëse ka fortësi në përkushtimin e tij, sprovat e tij do të jenë më të rënda dhe nëse ka mangësi në përkushtimin e tij fetarë, sprova do të lehtësohet për të. Njeriu do të vazhdojë të jetë i sprovuar derisa të ecë i pastër nga gjynahet mbi faqen e tokës.” [11].

Muhamedi,- salallahu alejhi we selem!,- ka thënë: “Së shpejti ummetit tim do ti vijë një kohë e atillë, saqë ata do të pëlqejnë pesë gjëra ndërsa do të harrojnë pesë gjëra: 1 – Umeti im do të pëlqejnë këtë botë ndërsa do të harrojnë ahiretin. 2 – Umeti im do të pëlqejnë jetën ndërsa do të harrojnë vdekjen. 3 – Umeti im do të pëlqejnë të kenë vila ndërsa do të harrojnë varret e tyre. 4 – Umeti im do të pëlqejnë mallin dhe pasurinë ndërsa do të harrojnë llogarinë para Allahut. 5 – Umeti im do të ushqejnë dashuri për krijesat ndërsa do të harrojnë Allahun. Hadithi Sahih.[12].

Transmetohet nga Omer ibën el Hattabi,- Allahu qoftë i kënaqur me të!, i cili ka thënë: Një ditë, derisa ishim duke ndenjur tek i Dërguari i Allahut,- salallahu alejhi ve selem!,- u duk një njeri me rroba shumë të bardha dhe flokë shumë të zinj. Në të nuk shiheshin shenja udhëtimi dhe askush prej nesh nuk e njohu. U ul pranë Pejgamberit,- salallahu alejhi ve selem!,- duke i mbështetur gjunjët e vet në gjunjët e tij, i vendosi duart e veta në kofshët e veta dhe tha: “O Muhamed, më trego, ç’është Islami?” I Dërguari i Allahut,-salallahu alejhi ve selem!,- tha: “Islami është të dëshmosh se nuk ka të adhuruar tjetër me meritë përveç Allahut dhe se Muhamedi është i Dërguar i Allahut, të kryesh namazin, të japësh zekatin, të agjërosh Ramazanin, të vizitosh Qabenë, nëse ke mundësi udhëtimi tek ajo!” Ai tha: “Të vërtetën e the.” Ne u çuditëm. Po e pyet dhe po ia vërteton përgjigjen! Ai tha: “Më trego, ç’është imani?” (Pejgamberi) Tha: “Të besosh Allahun, engjëjt e Tij, librat e Tij, të Dërguarit e Tij, Ditën e Fundit dhe të besosh në caktimin e Tij, qoftë i mirë apo i hidhur.” Tha: “Të vërtetën e the.” Tha: “Më trego, ç’është ihsani?” (Pejgamberi) Tha: “Ta adhurosh Allahun sikur ta shohësh Atë, edhe pse ti nuk e sheh Atë, Ai vërtet të sheh ty.” Tha: “Më trego, kur do të ndodhë kiameti” (Pejgamberi) Tha: “Për këtë i pyeturi nuk di më shumë se ai që pyet.” Tha: “Atëherë, më trego shenjat e tij.” (Pejgamberi) Tha: “Kur robëresha t’i lindë vetes zonjushë, kur të shihen barinjtë të varfër, të zhveshur e të mjerë se si garojnë në ndërtimin e ndërtesave të mëdha.” Pastaj shkoi, kurse unë (Omeri) mbeta një kohë. Më pas (i Dërguari) salallahu alejhi ve selem!,- tha: “O Omer, a e di kush ishte pyetësi?” Thashë: Allahu dhe i Dërguari i Tij e dinë më së miri. Tha: “Ai vërtet ishte Xhibrili, erdhi t’ua mësojë fenë tuaj.” Hadithi Sahih.[13].

Përzgjodhi dhe Përshtati- Suad Shabani

Burimi: albislam.com

_______

Referenca:

[1] – Shënuar nga Taberani (3/87/1-2) dhe të tjerë, ndërsa Hafidh el-Mundhiri e ka saktësuar hadithin.

[2] – Shënuar nga Abdullah Ibën Mubaraku në Zuhd- nr.134, dhe prej tij Ahmedi- 5/259, dhe gjithashtu Tirmidhiu- nr.2531.

[3] – Shënuar nga Ahmedi,Tirmidhiu, ibën Maxhe, Hakimi,- Allahu qoftë i kënaqur me të gjithë!.

[4] – Shënuar nga Ahmedi (5/183) dhe Ibn Maxheh (2/524-525). E vlerësoi si Sahih, Shejh Albani,- Allahu e mëshiroftë!.

[5] – Buhariu dhe Muslimi .

[6] – Buhariu, Muslimi .

[7] – Shënon Ebu Davudi,- Allahu e mëshiroftë!.

[8] – Shënon Darimiu me nr.2256, poashtu e ka shënuar Hakimi në Mustedrekun e tij prej Ebu Hurejres,- Allahu qoftë i kënaqur me të gjithë! (556-1). Shejh Albani,- Allahu e mëshiroftë!,- e vlerësoi si Sahih, në Sahihi Tergib, 2/81.

[9] – Shënon Buhariu (3836) dhe Muslimi (3-1646),- Allahu qoftë i kënaqur me të ta!.

[10] – Shënuar nga Muslimi,- Allahu qoftë i kënaqur me të!,- me nr. 865.

[11] – Shënuar nga Imam Ahmedi në ”Musned”, me nr.1481. Ndërsa Shejh Albani ka thënë se hadithi është i saktë, shiko në ”Sahih El Xhami”, me nr.992.

[12]- Shënon Imam Buhariu,- Allahu qoftë i kënaqur me të!.

[13] – Shënuar nga Muslimi,- Allahu qoftë i kënaqur me të!.

“Transmetohet se një njeri kishte shkuar ta vizitonte një vëlla të vetin në një fshat tjetër dhe Allahu i dërgon një melek. Kur ai iu afrua fshatit, meleku i erdhi dhe e pyeti:

“Nga je duke shkuar?”

Tha: “Dëshiroj të vizitoj një vëlla timin në këtë fshat.”

I tha: “A ke ndonjë përfitim prej tij?”

Tha: “Jo, vetëm e kam dashur për Allahun.”

I tha: “Unë jam i dërguar i Allahut tek ti që të të përgëzoj se Allahu të do ty ashtu siç e do ti vëllanë tënd për hir të Tij.”[1]

Enesi, – Allahu qoftë i kënaqur me të!,- transmeton se i Dërguari i Allahut,- lavdërimi dhe shpëtimi i Allahut qoftë mbi të!,- ka thënë: “Ai i cili dëshiron që  ti shtohet furnizimi (rizku) dhe ti zgjatet jeta e tij,atëherë  le ti ruajë lidhjet familjare.” [2]

Shejhul Islam ibën Tejmije,- Allahu qoftë i kënaqur me të!,-: “Bidati është një çështje të  cilën All-llahu nuk ua ka bërë obligim njerëzve, si rrjedhojë e kësaj çdokush i cili e konsideron prej fesë diçka që nuk e ka obliguar All-llahu është Bidat”.

Imam Shatibiju,- Allahu qoftë i kënaqur me të!,- : “Bidati është pasimi i një rruge të devijuar në fe, rrugë  e cila bie në kundërshtim të plot me Sheriatin e Allahut subhanehu ve teala”.

Transmetohet prej Imam Ebu Hanifes,- All-llahu e mëshiroftë!,- se ka thënë: “Kush e lexon Kur’anin dy herë në vit, ai ia ka dhënë hakun Kur’anit, sepse Pejgamberi,- lavdërimi dhe shpëtimi i Allahut qoftë mbi të !,- në vitin që ka vdekur e ka lexuar përpara Xhibrilit dy herë” .[3]

Një poet thotë:

Syri që shikon me admirim

nuk i sheh mangësitë,

sikurse syri që shikon me urrejtje

i zbulon mangësitë.

Imam Esh Shabi,- Allahu e mëshiroftë!,- ka thënë:

 “Nuk bëhet Kijameti derisa të bëhet dituria injorancë dhe injoranca dituri”.

Dijetari Islam ibën Uthejmini,- Allahu e mëshiroftë!,-  thotë rreth rënies në fitnet e epsheve: “Nëse zemra është e dobësuar me gjynahe të shumta dhe kësaj zemre të dobët i afrohet një fitne e fortë, atëherë kjo zemër nuk do të mund t’i bëj rezistencë kësaj fitne dhe as ta tejkalojë atë dhe ky person do të shkatërrohet ashtu siç shkatërrohet gjahu kur në të depërton shigjeta”.

Shejhul Islam ibën Kajimi,- Allahu e mëshiroftë!,- ka thënë: “Mbledhimet me njerëzit janë dy lloje:

1-      Mbledhim për shoqërim dhe “shfrytëzimin” e kohës, ky lloj mbledhimi ka më shumë dëm se sa dobi dhe më pak që sjell është se e prish zemrën dhe e humb kohën.

2-      Mbledhim me vëllezërit në ndihmim të njëri tjetrit për ti gjetur shkaqet e shpëtimitm, këshillim të njëri tjetrit me durim dhe të   vërtetë, kjo vepër është prej gjërave më të mëdha dhe të dobishme, mirëpo ka trë gjëra që duhet kujdesur prej tyre:

1-      Mos të ketë lëvdata për njëri tjetrin.

2-      Mbledhimet dhe të folurit e tepërt.

3-      Të mos bëhet ky mbledhim si traditë që e kënaq epshin, duke e humbur kështu qëllimin e saj.“

Hasan El Basriu,- Allahu e mëshiroftë!,- ka thënë:

“Sëmundja e pastron trupin e njeriut ashtu siç e pastron zekati pasurinë !”

Shejhul Islam ibën Kajimi,- Allahu e mëshiroftë!,- ka thënë: “Diçka e dashur sot nesër bëhet e urryer dhe diçka e papëlqyer sot nesër bëhet e dashur”.

Transmetohet se Imam Buhariu,- Allahu e mëshiroftë!,- ka thënë: “Nuk ka besuar robi me iman të plotë, përderisa nuk e len gënjeshtrën gjatë talljes dhe përderisa nuk e len polemikën edhe nëse është në të vërtetë”.

Imam Shafiu,- Allahu qoftë i kënaqur me të!,- ka thënë: “Sihr (magji) është emër që përmbledh kuptime tëndryshme.

Andaj i thuhet magjistarit: Na i përshkruaj magjinë tënde. E nëse magjia që ai bën ka fjalë që janë kufër i qartë, atij i kërkohet të pendohet nga ajo gjë. Atëherë ai ose pendohet ose vritet dhe i merret pasuria. E nëse ai nuk bën magji me fjalë të cilat janë kufër i njohur dhe me të cilën ai nuk dëmton njeri, ai ndalohet nga ajo gjë, e nëse kthehet lëshohet. ” [4]

Sufjan ibn Ujejne,- Allahu e mëshiroftë!.- ka thënë: “Po mos ti mbulojë Allahu mëkatet tona, askush nuk do të shoqërohej me ne.”

Dijetari Islam ibën Uthejmini,- Allahu e mëshiroftë!,-  ka thënë: “Ulu me fëmijën tënd një orë në ditë dhe mësoja suren el-Fatiha, abdesin, etj.
Ne i edukojmë fëmijët që ta adhurojnë Allahun, jo sepse ata duhet që të na furnizojnë neve në të ardhmen.”

Ulemaja selefit,- Allahu i mëshiroftë!,- kanë thënë: “Mos i beso atij qe nuk e njeh derisa ta njohësh ,Mos i beso atij që e njeh derisa ta testosh ,Mos ia dhuro gjithë besimin atij që e njeh derisa ta vërtetosh”.

Shejhul Islami Ibën Kajimi,- Allahu e mëshiroftë!,-  ka thënë: “Dita e Xhuma është ditë e ibadetit (adhurimit), në mesin e ditëve të tjera është si Ramazani në mesin e muajve tjerë, ndërsa ora e pranimit të lutjes në të është si nata e kadrit në muajin Ramazan.”

El Haseni,- Allahu e mëshiroftë!,- ka thënë: ”Dije, se ti nuk e do Allahun derisa ta duash bindjen ndaj Tij (në ato që urdhëron dhe në ato që Ai ndalon).” [5]

Omeri,- Allahu qoftë i kënaqur me të!, – ka thënë: “Mos mendoni keq për shkak të një fjale që doli nga vëllai juaj musliman kur ti mund të gjesh për të domethënie të mirë.”

Fudajl ibën Ijadi,- Allahu qoftë i kënaqur me të!,- ka thënë: “Besimtari fsheh (gjynahet e vëllait të tij) dhe e këshillon, ndërsa  njeriu i poshtër  e turpëron dhe e poshtëron.”

Është thënë se: “Kush e urdhëron vëllanë e tij në mes të një tubimi,atëherë ai e ka poshtëruar atë.”

Disa prej dijetarëve u thonin atyre që urdhëronin të mirën dhe ndalonin nga e keqja: “Mundohuni që ti mbuloni gjynahet e muslimanëve, sepse me të vërtetë nxjerrja në shesh e gjynaheve të tyre tregon dobësi në Islam. Gjërat që meritojnë më së shumti të fshihen janë turpet e muslimanëve.”

Iu është thënë disave prej Selefëve,- Allahu qoftë i kënaqur me ta!,-: “A do të doje që dikush të njoftonte për mangësitë e tua?” Kurse ai u përgjigj: “Nëse ai e bën për të më ofenduar, jo.”

Disa prej Selefëve,- Allahu qoftë i kënaqur me ta!,-  u kanë thënë disa vëllezërve të tyre: “Nuk më ke këshilluar derisa të ma thuash në sy atë gjë që unë e urrej.”

عن عبد الله بن عمرو عن النبي صلى الله عليه وسلم قال : ” يقال لصاحب القرآن : اقرأ وارتق ورتل كما كنت ترتل في الدنيا فإن منزلتك عند آخر آية تقرأ بها “

Transmtohet nga Abdillah bin Amrun,-Allahu qoftë i kënaqur me te!,- se Muhamedi,- salallahu alejhi veselam!,- ka thënë : ” I thuhet lexuesit të Kur’anit , lexo dhe ngritu sikurse ke lexuar në dynja, ngase vendi yt do të jetë aty ku do ta përfundosh leximin e ajetit “.[6]

كلكم راع ، وكلكم مسؤول عن رعيته ، فالإمام راع ، وهو مسؤول عن رعيته ، والرجل راع في أهله ، وهو مسؤول عن رعيته ، والمرأة راعية في بيت زوجها ، وهي مسؤولة عن رعيتها ، والخادم راع في مال سيده ، وهو مسؤول عن رعيته ، والرجل راع في مال أبيه وهو مسؤول عن رعيته ، فكلكم راع ، وكلكم مسؤول عن رعيته

Ka thënë Pejgamberi alejhi selam : ” Secili nga ju është përgjegjës për at që iu është dhënë përgjegjësi , udhëheqsi i njerëzve është përgjegjës dhe ai do të përgjigjet për ta , burri është përgjegjës për familjen e tij dhe do të përgjigjet për ta , gruaja është përgjegjëse për pasurinë dhe fëmijët e saj dhe ajo do të përgjigjet për ta , robi është përgjegjës për pasurinë e zotriut të tij dhe ai do të përgjigjet për të , a nuk është secili nga ju përgjegjës dhe secili do të përgjigjet për përgjegjësin e tij ” .[7]

Përmblodhi dhe Përshtati: Suad Shabani

Burimi: albislam.com

_______________

[1] Shënon Imam Muslimi, – Allahu qoftë i kënaqur me të!,- nr.2567.

[2] Shënuar nga Buhariu dhe Muslimi,- Allahu qoftë i kënaqur me të dy!.

[3] E transmeton Hasen bin Zijadi,- Allahu e mëshiroftë!,- ndërsa zingjiri i transmetimit është i saktë.

[4] Libri – El Umm, vëll.1, fq.206

[5]Libri – ”Xhamiul ulumi wel hikem”

[6] Kanë shënuar këtë hadithë Tirmidhiu- nr. 2914 dhe  Ebu Davudi- nr.1464,- Allahu qoftë i kënaqur me të dy!. Ndërsa Shejh Albani,- Allahu e mëshiroftë!,- thotë se Hadithi është Hasen(i mirë).

[7] Ka Shënuar Imam Buhariu,- Allahu qoftë i kënaqur me të!.

Nga Ebu Uakid el-Lejthi ,- Allahu qoftë i kënaqur me të!, i cili ka thënë: “U nisëm me të Dërguarin e Allahut ,- salallAhu alejhi ve selem!,- për në Hunejn dhe ne sapo e kishin braktisur mosbesimin. Mushrikët kishin një pemë tek e cila ishin të përkushtuar dhe varnin armët e tyre në të. Ata e quanin atë Dhat Enuat. Kaluam pranë një peme të tillë dhe thamë: “O i Dërguari i Allahut, na cakto edhe neve një Dhat Enuat ashtu siç kanë ata të tyren.” Kështu, i Dërguari i Allahut tha: “Allahu Ekber! Betohem në Atë, në Dorën e të Cilit është shpirti im, vërtet keni thënë ashtu siç thanë Beni Israilët (Çifutët): “Na bëj dhe ne një të adhuruar ashtu siç kanë ata të adhuruarit e tyre.” Ai tha: “Vërtet ju jeni një popull injorant.” [1]

Ndërsa i Dërguari i Allahut,- salAllahu alejhi ue selem !, tha:
“Vërtet, ju do të ndiqni rrugët e atyre që ishin para jush.”[2]

Transmetohet nga Xhabiri, -radijAllahu anhu!, se i Dërguari i Allahut, -salAllahu alejhi ue selem!, ka thënë: “Kushdo që e takon Allahun pa i shoqëruar Atij asgjë do të hyjë në Xhenet; dhe kushdo që e takon Allahun duke shoqëruar Atij dikë (apo diçka) do të hyjë në Zjarr.”[3]
Transmetohet Nga Muadh Ibn Xhebeli[4],- Allahu qoftë i kënaqur me të!, i cili ka thënë: “Isha duke ecur me gomar pas të Dërguarit të Allahut dhe ai më tha: “A e di se kush është e drejta e Allahut mbi robërit e Tij dhe e drejta që ka robi tek Allahu?”
Unë thashë: “Allahu dhe i Dërguari i Tij e dinë më së miri.”
Ai tha: “E drejta e Allahut mbi robërit e Tij është se ata duhet ta adhurojnë Atë të vetëm dhe të mos i shoqërojnë Atij asgjë; dhe e drejta që kanë robërit tek Allahu është që Ai të mos dënojë asnjërin prej nga ata që nuk i bëjnë Atij shok në adhurim.”
Unë thashë: “O i Dërguari i Allahut, a t’i lajmëroj njerëzit.”
Ai tha: “Mos i lajmëro ngase ata do të mbështeten tek kjo.”[5]

Nga Ibn Mes’udi,- Allahu qoftë i kënaqur me të!,- se i Dërguari i Allahut ,- salAllahu alejhi ue selem !,- ka thënë: “Kushdo që vdes duke iu lutur dikujt tjetër në vend të Allahut, do të hyjë në Zjarr.”[6]

Nga Ebu Musa el-Esh’ari,- Allahu qoftë i kënaqur me të !-, i cili ka thënë: Ka thënë i Dërguari i Allahut,- salAllahu alejhi ue selem:

الْمَرْءُ مَعَ مَنْ أَحَبَّ

“Njeriu është me atë që e do.”[7]
Transmetohet nga Ubade bin Samit[8], –radij-Allahu anhu!, i cili ka thënë se i Dërguari i Allahut ,- salAllahu alejhi ue selem!,-  ka thënë: “Kushdo që dëshmon se nuk ka të adhuruar tjetër me të drejtë përveç Allahut të vetëm e i pashokë; dhe se Muhamedi është rob dhe i Dërguari i Tij; dhe se Isa është rob dhe i Dërguari i Tij dhe Fjala e Tij që u vendos tek Merjemja; dhe një shpirt (i krijuar) nga Ai; dhe se Xheneti është i vërtetë dhe Zjarri (Xhehenemi) është i vërtetë, Allahu do ta pranojë atë në Xhenet sipas veprat të tij.”[9]

Transmetohet nga Ibn Abasi[10],- Allahu qoftë i kënaqur me të dytë!,- se kur i Dërguari i Allahut,- salAllahu alejhi ue selem  e nisi Mu’adhin për në Jemen, i tha: “Ti po shkon tek një popull që janë nga Njerëzit e Librave të Mëparshëm (Ehlul-Kitab). Kështu që, le të jetë gjëja e parë ku do t’i thërrasësh ata dëshmia La ilahe il-lAllah (nuk ka të adhuruar tjetër me të drejtë përveç Allahut).

Dhe nëse të binden tek kjo, atëherë njoftoji se Allahu ua ka vënë detyrë faljen e pesë namazeve çdo ditë dhe natë. Dhe nëse të binden tek kjo, atëherë njoftoji se Allahu ua ka vënë detyrë dhënien e Zekatit që merret nga të pasurit dhe u jepet të varfërve. Dhe nëse të binden tek kjo, atëherë ruhu që të mos u marrësh gjërat më të shtrenjta që kanë ata dhe frikësoju lutjes së atij që i është bërë padrejtësi sepse nuk ka perde (pengesë) midis lutjes së tij dhe Allahut.” [11]

Përzgjodhi dhe përshati: Suad Shabani

Burimi: albislam.com

_______________

[1] Kuran: A’raf, 138.

[2] Ky hadithë transmetohet nga Ahmedi (Vëllimi. 5, fq. 228), Tirmidhiu (Kitabul-Fiten, nr. 2180, vëllimi 4, fq. 475) i cili e ka saktësuar, Abdur-Rrazaku (Vëllimi 11, nr. 329, fq. 20763), Ibn Xheriri (Vëllimi 9, fq. 45-46), Ibn Mundhir (shiko ed-Durrul-Menthur, vëllimi 3, fq. 533), Ibn Ebi Hatim (po aty) dhe Taberani (Vëllimi 3, fq. 275, n. 3290-3294).

[3] Transmeton Imam Muslimi (Kitabul-Iman, n. 151-152).

[4] Kush është Muadh ibn Xhebeli, – Allahu qoftë i kënaqur me të!-. Ai është Mu’adh bin Xhebel bin Amr bin Eus el-Ensari el-Hazrexhi, Ebu Abdur-Rrahman. Ai është një Sahab i famshëm i cili ka marrë pjesë në betejën e Bedrit dhe në betejat e tjera që u zhvilluan më pas. Ai ka qenë nga njerëzit më të dalluar për dijen dhe gjykimet e Kur’anit. Vdiq në vitin 18 Hixhri në Sham, gjatë kohës kur kishte plasur Epidemia e Murtajës së Emuas.

[5] Ky Hadithë është transmetuar nga Buhariu (Kitabul-Libas, nr. 5967), Muslimi (Kitabul-Iman, nr. 48-51, 53), Tirmidhiu (Kitabul-Iman, nr. 2643, v. 5, fq. 25), Ibn Maxheh (Kitabuz-Zuhd, nr. 4269, v. 12, fq. 1435) dhe Ahmedi (Vëllimi. 3, fq. 260-261).

[6] Transmetohet nga Buhariu. Kitabuz-Zekat, nr. 1395 dhe 1458.

[7] Mutefekun alejhi [Transmetuar nga Buhariu dhe Muslimiu].

[8] Ubade bin Samit el-Ensari ishte një prej Sahabëve që morën pjesë në besëlidhjen e Akabes (në të parën dhe të dytën) me të Dërguarin ,- salallAhu alejhi ve selem!,- dhe gjithashtu mori pjesë në betejat e tjera që u zhvilluan më pas me të Dërguarin ,- salallAhu alejhi ve selem!,- Ai ishte një dijetar i Kur’anit në Medine dhe pastaj në Sham. Vdiq në Jeruzalem në vitin 32 Hixhri,-Allahu qoftë i kënaqur me të!.

[9] Hadithi është transmetuar nga Buhariu(Kitabul-Enbija, nr. 3435), Muslimi (Kitabul-Iman, nr. 46 dhe 47) dhe Ahmedi (Vëllimi 5, fq. 314).

[10] Transmetuesi i këtij hadithi është Abdullah Ibn Abas Ibn Abdul-Mutalib el-Hashimi, djali i xhaxhait të të Dërguarit të Allahut ,- salAllahu alejhi ue selem!,-i njohur me nofkën el-Hibr (shqip ‘boja’) ose el-Bahr (shqip ‘deti’) për shkak të dijes së gjerë që kishte. Ishte një nga Sahabët që ka transmetuar një numër të madh të Haditheve, nga robërit e Allahut dhe një nga Fekihët [3] e Sahabëve. Vdiq në vitin 68 Hixhrij, Allahu qoftë i kënaqur me të.

[11] Hadithi është Transmetuar nga Buhariu (Kitabuz-Zekat, nr. 1395 dhe 1458), Muslimi (Kitabul-Iman, nr. 31), Nesaiu(Kitabuz-Zekat, vëllimi 5, fq. 3), Ibn Maxheh (Kitabuz-Zekat, nr. 1873, vëllimi 1, fq. 568), Darimiu (Kitabuz-Zekat, nr. 1662, vëllimi 1, fq. 318) dhe Ahmedi (Vëllimi 1, fq. 233).

“Njëri nga havarixhët erdhi te Hasan El-Basriu dhe i tha: ç’mendim ke për havarixhët? Janë njerëz të dynjasë (materialista) – u përgjigj ai.
Ku mbështetësh për këtë që thua se ata janë njerëz të dynjasë, kur sheh se si zhyten mes shigjetave derisa vdesin, duke lënë familjen dhe fëmijët – pyeti harixhiu?
Hasani i tha: po na fol pak për sulltanin (pushtetarin)! A të pengon ai nga namazi, zekati, haxhi e umreja? Jo por ai ta ndali dynjanë dhe ti e luftove për këtë – tha në fund Hasan El-Basriu.

Burimi: El-Besair ue Edh-Dhehair 1/156
Përktheu: Agim Bekiri