I dërguari i Allahut alejhi-selam ka thënë: “Buzëqeshja në fytyrën e vëllait tënd është sadaka”. (Et-Tirmidhi)

Të nderuara motrat e mia në Islam.

Ka më se një vit e gjysmë që Allahu më ka mundësuar të bëj atë që kisha shumë dëshirë të bëja prej vitesh, mbartjen e mbulesës dhe plotësimin e urdhrit të Tij të urtë.

Pas shumë vitesh studimi të fesë Islame, më erdhi natyrshëm ky vendim, ashtu si një mjek apo mësues i cili pas shumë përgatitjesh, pranon natyrshëm të veshë rrobën e bardhë të profesionit që ka zgjedhur.

Pas një kohe të gjatë mërgimi, kthehem në atdhe dhe nuk mund ta përshkruaj me fjalë lumturinë që ndjej kur një motër me shami, apo edhe një motër pa mbulesë, më japin selam. Ne nuk njihemi por, duket sikur udhëtimi ynë shpirtëror bashkohet në këtë përshëndetje të pastër.

Dhe për dikë që ka jetuar në mërgim, është diçka e papërshkrueshme me fjalë, ky afrimitet për hir të Allahut, pasi në mërgim mungojnë shumë gjëra që këtu quhen vogëlsira.

Ndoshta kjo është edhe arsyeja pse disa motra, nuk arrijnë të t’a kthejnë selamin me një buzëqeshje, në një kohë kur ti, si një fëmijë i lumtur, përshëndet. Në mërgim kam mësuar përmes librave dhe internetit se pejgamberi ynë i dashur, paqja dhe mëshira e Allahut qofshin me të, buzëqeshte gjithnjë. Dhe mendoj, se një selam i shoqëruar me një buzëqeshje, përveç se të dhuron sevap edhe lumturon dikë.

Ndaj buzëqeshni motra të nderuara për hir të Allahut.

Buzëqeshni kur përshëndetni një motër që ju jep selam, edhe pse s’e njihni, edhe pse nuk është e mbuluar ashtu siç do të doje ti, buzëqesh!

Nëse brenda teje ka një brengë, dhuroji një buzëqeshje motrës tënde dhe Allahu t’a lehtëson brengën tënde.

Munde të keqen dhe plotëso një synet, BUZËQESH.

Nëse Allahu na thotë të bëjmë diçka të tillë, nuk na e kërkon se ka nevojë për buzëqeshjen tonë, por sepse Ai e din që ti ke nevojë të çelesh në fytyrë, ndaj buzëqeshi motrës tënde për hir të Tij.

Burimi: albislam.com

M.V.

Gruaja është themeli dhe baza e jetës bashkëshortore! Ajo mundet që jetën bashkëshortore ta bën të lumtur dhe të suksesshme, apo ta bën të dështuar dhe të mërzitur!

Gruaja duhet ta donë dhe ta preferon shpirtin e gëzimit dhe zbavitjes, derisa të përçon tek burri, dhe shtëpia, dhe fëmijët, lumturi dhe gëzim! E nëse gruaja i jep përparësi grindjeve dhe polemikave të vazhdueshme, kjo bëhet shkak që edhe burri edhe fëmijët, të ikin prej bashkëpunimit me të, dhe asaj t’i shndërrohet jeta në mjerim!!

Prej cilësive të gruas së keqe dhe të pabindur janë:

1. Fjalët e saj janë që shkaktojnë dhembje!

Kjo grua është prej atyre që flet fjalë të rënda që i shkaktojnë dhembje palës tjetër, dhe ajo për këtë nuk mërzitet fare! Ajo nuk përkujdeset për ndjenjat e askujt! Ajo ndodh ta ofendon të burrin apo fëmijët e vet, apo u thotë fjalë që ju shkaktojnë dhembje, dhe ajo fare nuk mërzite! Asaj vetëm se i intereson që të del fitimtare mbi ta në mospajtimin e ndodhur!

2. Ajo gjithmonë kritikon!

Ajo asnjëherë nuk është e kënaqur me veprat e burrit të saj që i bën për të, dhe gjithmonë e kritikon, dhe ajo e sheh se është e vetmja e cila mundet t’i del ballë udhëheqjes së shtëpisë, dhe realizimit të punëve në shtëpi me sukses!

3. Ajo nënçmon dhe tallet!

Ajo e nënçmon burrin para tjerëve, me fjalë apo me vepra, dhe tallet para shoqeve me të dhe me fëmijët e saj! I paraqet të metat e tij, qofshin fizike apo shpirtërore, dhe gjithnjë paraqitet se është më superiore se ai! Ajo gjithmonë ia ul reputacionin burrit të saj dhe ia ul vlerën e tij!!

Kjo grua është grua e keqe dhe një sprovë e madhe për burrin dhe familjen e saj! Allahu na ruajt nga ky lloj i grave!!

Nga arabishtja: Irfan JAHIU

Burimi: albislam.com