1. Allahu, xhele ue ala, ka thënë; “Dhe kur Ai ju kaploi me një kotje (gjumë) që ishte siguri për ju nga ana e Tij.” (El Enfal; 11).

Gjumi është begati dhe mirësi e Allahut, xhele ue ala, për robërit e Tij.

Shejh Dr. Nasir el Umer

2. Allahu, xhele ue ala, ka thënë; “Ruajuni nga sprovimi (fitneja) që nuk godet vetëm ata që bënë mizori vetëm prej jush, dhe ta dini se All-llahu është Ndëshkues i Rreptë.” (El Enfal; 25).

Kjo sprovë dhe ky dënim nuk do ta godas vetëm at që bën zullum (padrejtësi ), por do ta godasë edhe atë që ka heshtur dhe nuk e ka ndaluar zullumqarin nga të bërit padrejtësi.

Shejhul Islam Ibn Tejmije, rahimehullah Mexhmu’ul Fetava; 14/158

3. Allahu, xhele ue ala, ka thënë; “Ata janë që për hir të Tij u japin ushqim të varvfërve, jetimmëve dhe të zënëve robër. Ne po ju ushqejmë vetëm për hir të All-llahut dhe prej jush nuk kërkojmë ndonjë shpërblim e as falënderim.” (El Insan; 8-9).

Kush kërkon nga të varfërit të bëjnë dua për të ose falënderim për ndihmën e bërë, të tillët nuk bëjnë pjesë në ajetin e lartëpërmendur. Mu për këtë arsye, Aisheja, radijAllahu anha, nëse e dërgonte shërbëtoren t’i dërgoj dikujt dhuratë (të varfërve) i thoshte shërbëtores; Dëgjo se çfarë lutje po bëjnë ata për neve në mënyrë që edhe ne të lutemi për ta me të njejtën lutjen dhe të mbetet shpërblimi i veprës tek Allahu.

Shejhul Islam Ibn Tejmije, rahimehullah Mexhmu’ul Fetava; 11/111

4. Transmetohet nga Abdullah Ibn Amrun, radijAllahu anhu, se ka thënë; “Nuk ka zbritë për banorët e zjarrit ajet Kur’anorë më i vështirë(rëndë) për ta; “E ju pra, vuani, se Ne nuk do t’u shtojmë tjetër vetëm se vuajtje.” (Nebe; 30).

Të tillët do t’u shtohet dënimi i Allahut me zjarr në Xhehenem përgjithmon.”

Ed durur el Menthur Fi Tefsiri Bil Me’thur; 8/397

5. Kush i harron mëkatet e tij, nuk pendohet prej tyre si dhe nuk i kujton ato, do vjen dita që do i kujton ato; “Ditën kur përkujtohet njeriu, e ç’dobi i bën atij përkujtimi?” (El Fexhr; 23).

Hafidh Ibn Rexhebi, rahimehullah Mexhmu’u Resail, të Ibn Rexhebit; 1/363

Nga arabishtja : Suad B. Shabani

Burimi: albislam.com

Robi duhet të ketë kohë të caktuar që vetmohet me veten tij, në lutje, dhikër, namaz, meditim, llogaritjen e vetes, përmirësimin e zemrës dhe çfarë e shqetëson atë nga veprat që i takojnë atij, kjo ka mundësi të bëhet në shtëpi, ashtu siç ka thënë Tavusi: “Vendqëndrimi i njeriut është shtëpia e tij, në të cilën është e kufizuar shikimi dhe gjuha e tij.”, ose në vende jashta shtëpis së tij.

Kontakti i vazhdueshëm me njerëzit është gabim.

Vetmija e vazhudeshme nga njerëzit është gabim.

Ajo që është më dobishme në këtë çështje është sasia e duhur sipas personit dhe gjendjes se ku gjendet njeriu dhe kjo ka nevojë për një rishikim të veçantë.

Shejhul-islam Ibn Tejmije, Allahu e mëshiroftë

Përktheu dhe përshtati: Amir Shabani

Shtëpi të lumtura janë ato shtëpi të ngritura mbi parimin e thjeshtësisë, larg ngarkesave të ndryshme. Aty realizohen të drejtat e çdonjërit, ju kushtohet rëndësi detyrimeve, ka një pikë hareje, shakaje dhe lozje. Profeti i Allahut nxiste fëmijët të bëjnë garra në vrapim sikur që nxiste edhe shokët e tij. Një rast bëri garra me Aishen dhe ajo e fitoi. Një rast tjetër ia shkoi dhe i tha: kjo është për atë të parën.

Asaj i dha leje të shikonte abisinasit duke luajtur me shtiza deri sa u mërzit duke shikuar. I lejoi të luante me shoqet me kukulla dhe qeshi me fjalët e saj: ati i Sulejmanit kishte flatra.
Shenjat e një gruaje të mirë janë: të respektojë burrin e saj, të jetë gëzim për shikimin e tij, t’ia ruaj nderin dhe pasurinë, të ketë dhembshuri për fëmijët, të kujdeset për bashkëshortin, të mos e ngarkojë përtej mundësive, të mos e teprojë në harxhime.
Nuk prish punë bashkëshortët të përdorin gënjeshtrën gjatë shprehjes së emocioneve ndaj njëri tjetrit nëse kjo gjë forcon lidhjen dhe bashkëjetesën.
Falënderimi ndaj bashkëshortit është detyrim ndërsa e kundërta është mëkat i madh. Kush nuk është mirënjohëse ndaj bashkëshortit, Allahu nuk do ta shikojë.
T’i bësh qefin bashkëshortes është e kërkuar ngase është krijuar nga brinja, drejtimi i plotë e then kurse shikimi i disa gjërave mes gishtave i bën mirë.
Prej gjërave që plotësojnë besimin është sjellja e mirë dhe e butë me bashkëshorten. Shpenzimi për vetveten është lëmoshë, poashtu edhe për bashkëshorten, fëmijët dhe shërbëtorët. Dorështrëngimi është shkak i zënkave, hipokrizisë, sjelljes së keqe, shkeljes së të drejtave dhe rebelimit.

Muhamed b. Seid Basalih
Përktheu nga gjuha arabe: Agim Bekiri

Burimi: albislam.com

1. Allahu, xhele ue ala, për zjarrin e dunjasë ka thënë; “Ne e bëmë atë si përkujtim (për zjarrin e Xhehennemit) dhe të nevojshëm për ata në vende të pabanuara (në shkretërirë).” (El Vakia; 73).

Allahu na lajmroi si përkujtim zjarrin e dunjasë me atë të botës tjetër dhe se ata (krijesat) janë udhëtarë në këtë dynja dhe një ditë do të dalin prej saj (do të vdesin).

Ibn Kajimi, rahimehullah  Tarikul hixhretejni; fq.142

2. Mos të mashtrohet i riu i cili pason epshin e tij me një kënaqësi afatshkurte. E as mos të hidhërohet i riu i devotshëm që i kanë ikur këto kënaqësi epeshore dhe afatshkurte.  Ngase, nuk ka dobi në kënaqësi afatshkurte që pas saj pëson dënimi në dunja, si; sëmundje, vdekje si dhe dënimi në botën tjetër me Xhehenem, ku Allahu, xhele ue ala, thotë;
“Dënimi në botën tjetër është edhe më i ashpër dhe i përjetshëm.” (Ta’ha; 127).

Ali Tantavi Nur ve hidaje; fq.50

3. Allahu, xhele ue ala , ka thënë; “Ju (jobesimtarë) vërtet sollët një fjalë shumë të shëmtuar. Aq të shëmtuar sa gati u copëtuan qiejt, gati pëlciti toka dhe gati u shembën kodra nga ajo (fjalë).” (Merjem; 89-90).

Kjo porosi Kur’anore aludon në atë se një fjalë e keqe mund të jetë shkak i shumë trazirave dhe çrregullimeve në tokë.

Dr. Muhamed Seidij

4. Allahu, xhele ue ala, ka thënë; “Pastaj në atë ditë do të pyeteni për të mirat (e dynjas).” (Et Tekathur; 8)

Pra, do të pyetemi se a kemi qenë falënderues ndaj Allahut për ato të mira që na i ka dhuruar Ai. Kërkohet nga robi që të jetë falënderues ndaj Allahut për ato të mira që Ai ia ka dhuruar atij. Allahu, nuk dënon për gjëra të pëlqyera dhe të preferuara, por Allahu dënon për gjëra të ndaluara (që i ka vepruar njeriu) dhe për lënie (për moskryerjen e tyre) gjërave obligative.

Shejhul Islam Ibn Tejmije, rahimehullah

El Adab esh Sher’ijeh, të Ibn Muflih; 3/198

5. Allahu, xhele ue ala, ka thënë; “Sa u përket atyre që kanë sëmundje në zemrat e tyre, ajo (zbritja e kaptinës) ndytësisë së tyre u shton ndytësi.” (Teube; 125).

Kështu janë zemrat e munafikëve (dyfytyrëshave), këshillat, ligjeratat dhe udhëzimet islame nuk u shtojnë atyre asgjë tjetër pos ndytësi, distancim dhe largim nga Islami.

Dr. Abdullah Sekakir

Nga arabishtja; Suad Shabani

Burimi: albislam.com