Mos u ngrit nga sixhadeja jote pas namazit të sabahut, e ti vetëm se e ke thënë dhikrin e mëngjesit!

Mos u ngrit nga sixhadeja jote pas namazit të drekës, e ti vetëm se e ke lexuar një faqe nga Kurani!

Mos u ngrit nga sixhadeja jote pas namazit të ikindisë, e ti vetëm se ke thënë estagfirullah, shtatëdhjetë herë!

Mos u ngrit nga sixhadeja jote pas namazit të akshamit, e ti vetëm se e ke thënë dhikrin e mbrëmjes!

Mos u ngrit nga sixhadeja jote pas namazit të jacisë, e ti vetëm se je lutur për lumturi!

Mos harro se me leximin e ajetul Kursisë pas çdo namazi farz, mes teje dhe mes Xhenetit ju ndan vetëm se vdekja!

Veproje dhe do ta shohësh dallimin!!

Nga arabishtja: Irfan JAHIU

Burimi: albislam.com

Muhamedi,- salallahu alejhi ve selem!,- ka thënë: “Nuk ndodhë që robi t’ia mbulojë robit të Allahut (ndonjë të ligë apo mëkat), e që atij mos t’ia mbulojë Allahu mëkatet Ditën e Gjykimit”.

Muhamedi,- salallahu alejhi ve selem!,- ka thënë se Allahu,- xhele veala!,- ka thënë: “O robërit e Mi, Unë ia kam bërë haram (ia kam ndaluar) Vetës Sime padrejtësinw dhe e kam bërë atë haram mes jush, andaj mos i bëni njëri tjetrit padrejtësi”.

Ebu Hurejre,- Allahu qoftë i kënaqur me të!,- transmeton se Pejgamberi,-alejhi selam ka thënë!,- “Njeriu kur bën mëkat i shënohet një pikë e zezë në zemër, nëse pendohet i pastrohet zemra, e nëse vazhdon në mëkate, atëherë i nxihet e tërë zemra”.

Muhamedi,- salallahu alejhi ve selem!,- ka thënë: “Kush i thotë shokut të vetë eja të luajmë bixhoz le të jep sadaka”.

Muhamedi,- salallahu alejhi ve selem!,- ka thënë: “Allahu ka mallkuar atë që bën tatuazh dhe atë që i bëhet tatuazhi, ata që ndryshojnë krijimtarinë e Allahut”.

Muhamedi,- salallahu alejhi ve selem!,- ka thënë: “Nuk do të hyjë në Xhenet bartësi i fjalëve”.

Muhamedi,- salallahu alejhi ve selem!,- ka thënë: “Kush dëshiron ti shtohet risku dhe ti zgjatet jeta le ti mbajë lidhjet farefisnore”.

Muhamedi,- salallahu alejhi ve selem!,- ka thënë: “Allahu e urren atë njeri i cili flet fjalë amorale”.

Muhamedi,- salallahu alejhi ve selem!,- ka thënë: “Secili prej jush është përgjegjës për diçka (për atë që i është besuar atij) dhe do të përgjigjet për atë (përgjegjësi që ka marrë)”.

Muhamedi,- salallahu alejhi ve selem!,- ka thënë: “Dy lloje njerëzish nuk i prek zjarri i Xhehenemit: syri i cili loton e qanë nga frika e Allahut dhe syrin i cili kalon natën në rrugë të Allahut”.

Muhamedi,- salallahu alejhi ve selem!,- ka thënë: “Sikur ta dinin njerëzit se çfarë ( të mira) ka në Ramazan, do të kishin shpresuar që tërë viti të jetë Ramazan”.

Muhamedi,- salallahu alejhi ve selem!,- ka thënë: “Sillu ndaj njerëzve ashtu siç ke dëshirë që ata të sillen ndaj teje”.

Muhamedi,- salallahu alejhi ve selem!,- ka thënë: “Shfrytëzoji pesë gjëra para se të vijnë pesë tjera:
1. Rininë tënd para pleqërisë.
2. Shëndetin tënd para sëmundjes.
3. Pasurinë para varfërisë.
4. Kohën e lirë para se të zihesh.
5. Jetën para vdekjes.

Muhamedi,- salallahu alejhi ve selem!,- thënë: “Njerëzit më të sprovuar janë pejgamberët, pastaj ata të cilët vijnë pas tyre( në iman- besim), pastaj ata që u vijnë pas tyre”.

Muhamedi,- salallahu alejhi ve selem!,- ka thënë: “Dy rekate namaz për të vdekurin do të ishin më të vlefshme sesa dynjaja dhe çka ka në te”.

Muhamedi,- salallahu alejhi ve selem!,- ka thënë: “Ai i cili agjëron Ramazanin me bindje në Allahun dhe duke kërkuar shpërblimin nga Allahu, atij do t’i falen mëkatet”.

Muhamedi,- salallahu alejhi ve selem!,- ka thënë: “Namazi deri në namaz, xhumaja deri në xhuma, Ramazani deri në Ramazan, janë shlyerje e mëkateve të vepruara mes tyre, nëse distancoheni mëkateve të mëdha”.

Muhamedi,- salallahu alejhi ve selem!,- ka thënë: “Njerëzit janë të barabartë sikurse dhëmbët e krehrit”.

Muhamedi,- salallahu alejhi ve selem!,- ka thënë: “Ai i cili i jep iftar një agjëruesi ka shpërblim sikur ai që ka agjëruar, pa iu pakuar atij nga shpërblimi fare”.

Muhamedi,- salallahu alejhi ve selem!,- ka thënë: “Ai i cili falet, lutet (e ngjall natën e Kadrit me lloje të ndryshme ibadetesh) me bindje për vlerën e asaj nate dhe duke kërkuar shpërblimin nga Allahu, do t’i falen mëkatet që i ka bërë më herët”.

Muhamedi,- salallahu alejhi ve selem!,- ka thënë: “Dije se ke hak ndaj Zotit tënd, ke hak ndaj vetës tënde, ke hak ndaj familjes tënde dhe jepja secilit hakun që e meriton

Përzgjodhi dhe Përshtati: Suad Shabani

Burimi: albislam.com

_______________

 Muslimi: 2590.

 Muslimi: 2577.

 Tirmidhiu, Nesaiu, Ahmedi dhe Hakimi dhe sened të vërtetë.

 Buhariu dhe Muslimi.

 Buhariu dhe Muslimi.

 Buhariu dhe Muslimi.

 Buhariu dhe Muslimi.

 Ahmedi: 6872, ndërsa Ahmed Shakiri thotë se isnadi i tij është sahih.

 Buhariu: 893, Muslimi: 1289.

 Tirmidhiu: 1639 dhe ka thënë se hadithi është hasenun garib. Ndërsa Shejh Albani e ka bërë hadithin sahih.

 Mundhiriu në ” Tergib ve Terhib”, Ibën Huzejme në ”sahihun” e tij, Bejhekiu. Ibën Xheuzi e ka vlerësuar hadithin si të shpifur në ” Mevduat” 2/189.

 Ahmedi: 6807. Shejh Shuajb Arrnauti ka thënë se isnadi i hadithit është i vërtetë.

Hakimi në ” Mustedrekun e tij” 4/306, dhe ka thënë sipas kushteve të Buhariut dhe Muslimit edhe pse këta nuk e kanë transmetuar.

 Tirmidhiu. Shejh Albani e klasifikon hadithin si sahih: Shih- ” Sahihul Xhamiu, 992.

 Tergib ve Terhib: 1/251, nr.10.

 Buhariu: 38, Muslimi: 759,173.

 Muslimi: 233.

 Shejh Albani thotë se hadithi është daif. Shiko: Silsile ed Daife, nr: 3158.

 Ibën Maxhe: 1746, Shejh Albani thotë se hadithi është sahih.

 Nesaiu: 2193. Shejh Albani thotë se hadithi është sahih.

 Tirmidhiu: 2413 dhe ka thënë se hadithi është hasen sahih.

Një njeri tha: Unë jam gjeneral i forcave detare në Gjermani!

Djaloshi ia kthehu: Na vjen mirë dhe na nderon!

Gjenerali i tha: Unë jam më i madh se i dërguari i juaj!

Djaloshi i tha: Kush është i dërguari im? A e njeh atë?!

U përgjigj: Po! Ti je musliman dhe i beson Muhamedit!

Djaloshi i thotë: Po mirë, unë jam musliman, mirëpo çfarë të shtyri ty të pretendosh se je më i madh se ai!

Gjenerali u përgjigj: Unë mundem ta rreshtoj një ushtri të plotë të përbërë nga njëzet mijë ushtarë, për më pak se dhjetë minuta!!

Djaloshi iu përgjigj duke i thënë: Nëse unë ti jap dy milion njerëz, sa kohë të duhet t’i rreshtosh në resht!!

U përgjigj: Nëse janë nën kontrollin tim, je i bindur se nuk do të zgjasë rreshtimi i tyre më tepër se dy orë!

Djaloshi ia kthehu: Edhe nëse nuk e flasin një gjuhë! Dhe nuk janë një moshë! Dhe janë nga gjitha vendet e botës! Si do t’i rreshtosh në rresht me precizitet!

U përgjigj duke u tallur: E pamundur është të rreshtohen kështu!

Djaloshi iu përgjigj: Shiko kah ekrani im! Dhe shiko ka Kibleja ime! Dhe shiko kah shtëpia e Zotit tim! Dhe shiko kah mysafirët e Zotit tim! Ata kanë ardhur nga të gjitha vendet e botës.. dhe me zërin e imamit kur thotë “rreshtohuni”, rreshtohen rreth dy milion njerëz nga falësit e namazit, pa gjeneral ushtarak, e pa mbikëqyrës dhe pa ligj!

Djaloshi i tha: Kjo është feja e jonë! Kjo është trashëgimia e Pejgamberit tanë dhe të Dërguarit tanë me të cilin ti tallesh.

Ai ka vdekur, mirëpo ligjet e tij ende vazhdojnë deri më sot dhe do të mbeten deri Ditën e Kiametit!

Nuk ka njeri më të madh se ai, lavdia dhe paqja e Allahut qofshin mbi të.

Nga arabishtja: Irfan JAHIU

Burimi: albislam.com

Nëna e një djaloshi ishte në gjendje kritike dhe shtrihet në spital. Një ditë nga ditët mjekët e lajmëruan djaloshin se gjendja e nënës së tij është shumë e keqe dhe nuk shpresohet për të shërim dhe në çdo moment mundet të ndërron jetë. Djaloshi doli nga dhoma e nënës së tij, i mërzitur për gjendjen e saj, dhe u nis drejt shtëpisë. Nuk mundej të rrinte i qetë në shtëpi, larg nënës së tij, dhe prapë vendosi të kthehet. Rrugës ndaloi me një pompë benzine, kur poshtë makinës së tij e pa një karton me një mace në të, e cila sapo kishte pas lindur mace të vogla dhe numri i tyre ishte i madh. Ato të voglat nuk mundeshin të ecnin dhe tha në vetvete se kush u sjell atyre ushqim duke qenë ato në këtë gjendje!!

Hyri në shitore dhe u bleu ushqim, ua vendoi përpara tyre dhe u nis për në spital. Hyri në dhomën e nënës së tij, mirëpo mbeti i shtangur dhe i ranë nga dora gjërat që i kishte blerë për nënën! Nëna e tij nuk ishte në dhomë! Mendoi se kishte ndërruar jetë! Shkon dhe e pyet motrën ku është nëna ime?! Motra i përgjigjet: Gjendja e nënës tënde është përmisuar për ka e mira dhe e larguam nga dhoma e përkujdesjes së veçantë dhe e kemi vendosur në dhomë tjetër me ata pacientë që gjendja e tyre është më e mirë. Djali me shpejtësi shkoi në dhomën tjetër dhe e pa nënën e tij, gjendja iu kishte përmisuar në të mirë. Ishte zgjuar nga koma dhe pasi që e përshëndeti e pyeti djali se çka ndodhi me të?! Nëna iu përgjigj: Duke qenë në atë gjendje, pa vetëdije, e pash në ëndërr një mace dhe fëmijët e saj, i kishin pas ngritur duart dhe luteshin për të!!

I lartësuar është Allahu, i cili i largon belat! Shëroni të sëmurit e juaj me sadaka!!

I Dërguari i Allahut, lavdia dhe paqja e Allahut, qofshin mbi të, na porositi: “Frikojuni nga zjarri, qoftë edhe me një gjysmë hurme”.

Allahu i Madhëruar thotë: “Dhe nuk ka asgjë që nuk e madhëron Atë, duke e lavdëruar,

por ju (o njerëz) nuk e kuptoni madhërimin që i bëjnë ata”. Isra 44.

Nga arabishtja: Irfan JAHIU

Burimi: albislam.com

Lutu për vëllezërit të cilët i ka goditur fatkeqësia!

Disa dijetarë, kur binte ndonjë fatkeqësi mbi myslimanët, nuk flinin fare nga dhimbja që ndjenin. S’ka nënë që qanë e të mos jetë si nëna jote. S’ka motër që ka humbur vëllain e të mos jetë si motra jote. S’ka vajzë që ka humbur babanë, që është bërë jetime, e të mos jetë si vajza jote. Ky është obligimi i myslimanit: të ndjejë vëllazërinë islame dhe obligimet ndaj Islamit dhe më e pakta që mund të bëjë për t’i ndihmuar vëllezërit e tij me tërë atë që nënkupton fjala ndihmë. Ky është një themel në të cilin besojmë, pra, secili vëlla në Islam që kërkon ndihmë prej nesh, e kemi obligim t’i ndihmojmë me tërë atë që kupton kjo fjalë dhe të gjejmë me të një arsyetim tek Allahu. Ndërsa, ajo më e pakta që ua porosisim të tjerëve e që nuk është pak: të nxitojë (me lutje) robi tek Allahu. Ku e di ti, ndoshta një lutje e jotja pranohet në errësirën e natës apo dritën e ditës, ku mund ta dish?! Ndoshta lutesh për vëllezërit tu me një lutje që Allahu t’ua largojë brengat e të fitosh shpërblime shumë të mëdha. Lutu për vëllezërit tu, lutu në namazin tënd, lutu në sexhdet tua, lutu në kohët kur shpresohet më shumë pranimi i lutjeve dhe nxitoni tek Allahu pos të cilit s’ka të adhuruar e as zot tjetër.

Muhamed ibën Muhamed Muhtar Shenkitij

Përktheu: Agim Bekiri

Burimi: albislam.com

– I është thënë lumturisë: Ti ku banon.. !

U përgjigj: Në zemrat e atyre që janë të kënaqur!

– E me çka ushqehesh..?

U përgjigj: Nga fuqia e imanit të tyre!

– U pyet: E si vazhdon të jesh prezente vazhdimisht..?

U përgjigj: Nga drejtimi i mirë i tyre i çështjeve!

– E si fitohesh..?

U përgjigj: Kur e dinë shpirti se nuk do ta godet atë vetëm se ajo që e ka caktuar Allahu për të.. !

– E si largohesh nga njeriu..?

U përgjigj: largohem kur vjen koprracia pas bujarisë, e mërzia pas lumturisë, e dyshimi pa bindjes.. !

– Përkujdesuni për lumturinë e juaj dhe para saj për lumturin e atyre që ju rrethojnë!!

Nga arabishtja: Irfan JAHIU

Burimi: albislam.com

Dega e parë: Mjafton që vdekja sa këshillues i mirë që është.. njerëzit i ndan.. jetën e turbullon.. epshet i shkatërron..

Dega e dytë: Allahu është i Vetmi që e posedon lumturinë e të tjerëve.. mos kërko dhe mos hulumto lumturi nga të tjerët, po atë kërkoje vetëm se nga Allahu..

Dega e tretë: Menduan pasanikët se lumturia gjendet në pasuri.. dhe menduan mbretërit se ajo është në pozitë dhe fuqi, po e vërteta është se ajo është në adhurimin e Allahut..

Dega e katërt: Tha njëri nga njerëzit e njohur që e pranuan Islamin se, unë dyzet vite e kërkoja lumturinë dhe atë nuk e gjeta përveç se në besimin në Allahun..

Dega e pestë: Grua e ndershme është ajo nga e cila shpresohet e mira e saj dhe jemi të mbrojtur nga sherri i saj.. ajo e përcjell mirësinë tek të tjerët, kurse e largon dhe e pengon të keqen nga të tjerët.

Dega e gjashtë: Ka mundësi që një vepër të vogël ta zmadhon nijeti, dhe një vepër të madhe ta zvogëlon nijeti.. për këtë arsye mos e neglizho atë.

Dega e shtatë: Dynjaja do të shkon.. udhëtimin tonë do ta shoqëron vepra, e ajo që do ta fitojmë do të jetë ose kopsht që do të na bën hije.. ose varr që do të digjet nga zjarri i Xhehenemit.

Dega e tetë: Nga të gjitha ndjenjat, dhembja mbetet edukatori më i mirë i njeriut..

Dega e nëntë: Shejtani thotë e shkatërrova birin e Ademit me gjynahe, kurse ai më shkatërroi me istigfar.

Dega dhjetë: Çka mendon se ka në Xhenetin që e krijoi Allahu me Dorën e Tij.. nuk ka mundësi ta paramendosh asnjëherë??

Nga arabishtja: Irfan JAHIU

Burimi: albislam.com