Ebu Hurejra, Allahuq qoftë i kënaqur prej tij, përcjell se i dërguari i Allahut, sal-Allahu alejhi ve selem, ka thënë: “Nuk do ndodh Kiameti, deri sa të lind dielli nga perëndimi, e pasi që të lind nga perëndimi gjithë njerëzit do besojnë, mirëpo atë ditë: “atëherë nuk do t’i bëjë dobi askujt besimi i tij, nëse nuk ka besuar më parë, ose nuk ka bërë ndonjë të mirë, në besimin e tij.” (En Am, 158). Shënon Buhariu dhe Muslimi

Kuptimi i përgjithshëm i hadithit

Lindja e dielit nga perëndimi është një prej ndodhive të mëdha, e cila kur të ndodh do i shtang e i trishton të gjithë banorët e tokës, ta dini se Kiameti do vije, nuk ka dyshim në të, që të gjithë do besojnë kur të shohin këtë argument të qartë të cilin nuk mund ta ndryshojnë, por, kthimi dhe besimi i tyre në atë kohë nuk u bën dobi aspak, ngase Allahu nuk pranon pendimin e të penduarit e as keqardhjen e pishmanit të asaj kohe.

Dobi nga hadithi

1. Prej shenjave të mëdha të Kiametit është lindja e diellit prej perëndimi.
2. Mos pranimi i besimit të një jobesimtari, e as pendimit të mëkatarit pasi që të lind dielli prej perëndimit.

HADITHI I TRIDHJETË E NJË

DYZET HADITHE RRETH BESIMIT (AKIDES)

Përktheu: Shpend Zeneli

Burimi: albislam.com

Ebu Hurejra, Allahu qoftë i kënaqur prej tij, përcjell se i dërguari i Allahut, sal-Allahu alejhi ve selem, ka thënë: “Betohem në Atë, që shpirti im është në dorën e Tij, secili që dëgjon për mua prej këtij umeti, qoftë çifut apo i krishterë, e vdes duke mos besuar në mua, dhe në atë që më është dhënë, vetëm se do jetë prej banorëve të zjarrit”. Shënon Muslimi

Kuptimi i përgjithshëm i hadithit

I dërguari, sal-Allahu alejhi ve selem, na sqaron në këtë hadith një prej shtyllave të besimit islam, që është dërgimi i profetit Muhamed, alejhi selam, për gjithë njerëzimin, qofshin ata arab apo jo arab, njerëz apo xhinë, pa dallim gjinie, pozite, që të gjithë janë të njejtë në obligueshmërin e të besuarit dhe të bindurit ndaj tij. S’ka shpëtim për askënd, që ka dëgjuar për të, që ka njohur thirrjen e tij, qoftë çifut apo i krishterë, e për më tepër pagan apo ateist.

Dobi të hadithit

1. Dërgimi i profetit është gjithëpërfshirës, për gjithë njerëzit.
2. Çdo fe që i ka paraprirë islamit është fe e shfuqizuar.
3. Kush nuk beson në të dërguarin, sal-Allahu alejhi ve selem, pasi të ketë dëgjuar për të, është në zjarr, nuk i bën dobi besimi që ka.

HADITHI I TRIDHJETË

DYZET HADITHE RRETH BESIMIT (AKIDES)

Përtheu: Shpend Zeneli

Burimi: albislam.com