Morali është pamja e brendshme e njeriut, sepse njeriu ka dy pamje:

1- Pamja e dukshme(ajo është forma e jashtme e tij, siç e ka krijuar All-llahu).
Sikurse që e dimë të gjithë, pamja e jashtme mund të jetë e bukur ose e shëmtuar apo të jetë mes këtyre dyjave.

2- Pamja e brendshme e njeriut, mund të jetë në pamje të mirë ose në pamje të keqe dhe kjo është ajo që quhet Moral.
Pra, morali është pamja e brendshme dhe kryesore e cila njëherit është edhe natyra e pastër e njeriut.
Secili nga ne duhet të mundohet ta pasurojë pamjen e brendshme me moral dhe edukatë.
Po vepruam kështu, sigurisht se do na rregullohet edhe pamja e jashtme e jona.

Është për të ardhur keq se shumë prej njerëzve mendojnë se morali i mirë ka të bëjë vetëm me sjelljen ndaj njerëzve, e duke harruar dhe duke mos përfshirë këtu edhe sjelljen që duhet të posedojnë krijesat ndaj Krijuesit(Allahut).

Mos të harrojmë se Morali i mirë dhe sjellja, sikur që kanë të bëjnë me krijesat, ashtu edhe kanë të bëjnë edhe me Krijuesin.

Posedimi i Moralit të mirë njëherit është edhe sjellje ndaj Krijuesit dhe ndaj krijesave, dhe ju porosis që kësaj çështje duhet ti kushtoni shumë vëmendje dhe kujdes të veçant.

Shejh Muhamed bin Salih el Uthejmin,- Allahu e mëshiroftë!

Përshtati- Suad Shabani
Burimi: albislam.com

Medito!!

Fjala “LUMTURI” është përmendur në Kuran vetëm se një herë edhe atë vetëm se në një vend: “Kurse të lumturit, do të hyjnë në Xhenet, ku do të qëndrojnë përherë, derisa të jenë qiejt dhe Toka, veç si të dojë Zoti yt. Kjo është dhuratë e pandërprerë”. Hud 108.

Kjo, që ti ta kuptosh se lumturia e vërtetë … nuk është në dynja … po në Xhenet.

Për ta arritur atë lumturi fillo nga këtu, me devotshmëri dhe me vepra të mira.

Ai që nuk e shijon lumturinë në këtë jetë të dynjasë, nuk do ta shijon edhe në ahiret.

Nga arabishtja: Irfan JAHIU

Burimi: albislam.com

Islami si fe na tërheq vërejtjen nga gënjeshtra në përgjithësi, dhe e llogaritë atë prej cilësive të kufrit (mosbesimit) dhe nifakut (dyfytyrësisë).

Allahu, subhanehu ue te’ala, në Kuran thotë: “Pa mëdyshje, trillojnë gënjeshtra vetëm ata që nuk u besojnë argumenteve të Allahut, e ata janë gënjeshtarë.” (Nahl, 105).
Allahu, subhanehu ue te’ala, po ashtu thotë: ”Allahu nuk e udhëzon në rrugë të drejtë atë që e tepron me gënjeshtra.” (Gafir, 28).

Muhamedi, alejhi salatu ue selam, ka thënë: ”Cilësitë e dyfytyrëshit janë tri: kur flet gënjen, kur premton nuk e zbaton premtimin dhe kur i besohet diçka tradhton.” (Transmetojnë Buhariu dhe Muslimi).

Gënjeshtra është moral i keq, nga ajo na kanë tërhequr vërejtjen sheriatit (legjislacionet) e ndryshme. Se gënjeshtra është e keqe, është pajtuar edhe natyrshmëria e shëndoshë, dhe këtë e thonë madje edhe personalitetet më mendjendritur.

Edhe në sheriatin tonë, na është tërhequr vërejtja nga rrena, me ajete të Kuranit, hadithe të Muhamedit, alejhi salatu ue selam, dhe me konsensus të dijetarëve muslimanë, e po ashtu gënjeshtra ka një përfundim të keq në këtë botë dhe në botën tjetër.

Islami nuk e ka lejuar gënjeshtrën, pos në raste të caktuara si: në luftë, në pajtimin mes njerëzve dhe mes burrit e gruas.

Ndëshkimi i rrenës:

1. Dyfytyrësi (nifak) në zemër.
   Allahu, subhanehu ue te’ala, thotë: ”Dhe ua lidhi Ai atyre në zemrat e tyre hipokrizinë deri në atë ditë kur do të dalin para Tij, për shkak se atë çka i premtuan Allahut nuk e mbajtën dhe për shkak se gënjejnë.” (Teube, 77).
2. Gënjeshtra udhëzon drejt të këqijave dhe zjarrit.
   Ibën Mes’udi, radiAllahu anhu, thotë se Pejgamberi, salAllahu alejhi ue selem, ka thënë:
   “Sinqeriteti është bamirësi, ndërsa bamirësia shpie nw Xhenet. Vërtetw, njeriu do të vazhdojë të flasë drejt (të jetë i sinqertë në të folur) derisa të shkruhet tek Allahu,subhanehu ue te’ala, si i sinqertë. Gënjeshtra është marrëzi, ndërsa marrëzia shpie në zjarr (Xhehenem). Njeriu do të vazhdojë te gënjejë derisa të shkruhet tek Allahu, subhanehu ve te’ala, si gënjeshtar.” (Transmetojnë Buhariu dhe Muslimi).
3. Nuk i pranohet dëshmia.
   Ibën Kajimi, Allahu e mëshiroftë, ka thënë: ”Gjuha rrenacake është në pozitën e gjymtyrës së paralizuar që nuk ka dobi prej saj, bile, edhe më e keqe se ajo, më e keqja tek njeriu është gjuha rrenacake”.
4. Nxirja e fytyrës në këtë botë dhe në botën tjetër.
   Allahu, subhanehu ue te’ala, thotë: ”Në ditën e Kiametit, do t’i shohësh fytyrënxirë, ata të cilët kanë folur gënjeshtra për Allahun.” (Zumer, 60).

Rrena është posta e kufrit (mosbesimit), ndërsa dyfytyrësia është udhërrëfyesi, mjeti, shoferi, zbukurimi dhe veshja e tij.

Pse gënjejnë njerëzit?

1. Mos frika nga Allahu.
   2. Përpjekja për të ndryshuar realitetet.
   3. Mashtrimi i njerëzve.
   4. Tërheqja e vëmendjes së njerëzve me anë të tregimeve dhe njohurive të rreme.
   5. Mësimi i gënjeshtrës qysh në fëmijëri.
   6. Llogaritja e saj prej “zgjuarsisë”.

Përgatiti: Valdet Kamberi

Burimi: albislam.com