Arhiva MujoreApril 2015
Kur’ani më udhëzoi -episodi 22
CILËSITË E GRUAS SË KEQE
Nga cilësitë më të dalluara të gruas së keqe janë:
1. Grua dominuese.
Gruaja dominuese është ajo grua e cila e anashkalon prezencën e burrit. Ajo as nuk këshillohet me të, e as nuk e shoqëron në çështjet familjare. Burri nëse nuk ndahet nga ajo grua, ka mundësi që ta gjen atë që i mungon nga gruaja e tij, tek nje grua tjetër.
2. Grua gënjeshtare.
Një nga gjërat kryesore të jetës bashkëshortore është elementi i sinqeritetit në çdo gjë. Ky element është kyç për përqendrimin dhe lumturinë e një çifti bashkëshortor.
3. Grua e vrazhdët.
Grua e vrazhdët është ajo grua që reagon ashpër kundër burrit të saj, kur nga ai buron ndonjë sjellje. Ajo vazhdimisht i shkakton burrit probleme për arsye të natyrshmërisë së saj armiqësore.
4. Grua pesimiste.
Kjo grua nuk jeton vetëm se në ambient të mbushur me turbullira dhe me sprova.
5. Grua e izoluar.
Kjo grua është ajo e cila largohet nga çdo që është personale e burrit të saj dhe nuk i intereson asgjë tjetër, përveç se çështjet dhe aktivitetet e saj.
6. Grua negative.
Është ajo grua që ia len të gjitha çështjet burrit të saj, me qëllim që ai të përkujdeset për çdo gjë. Kjo grua nuk ia jep hakun urdhrave të burrit të saj. Ajo kërkon nga ai që të mos e ngarkon me asgjë nga çështjet e tyre, sikurse ajo të mos jetë prezentë në atë shtëpi.
7. Grua e inatosur.
Kjo grua është e inatosur me burrin e saj për çdo gjë. Për të vlen motoja: Kundërshto nëse dëshiron të njihesh.
Nga arabishtja: Irfan JAHIU
Burimi: albislam.com
THIRRJET E PEJGAMBERËVE DREJTUAR POPUJVE TË TYRE
Thirrja e Nuhit, -alejhis-selam!-, drejtuar popullit te tij.
Allahu, -azze ue xhele!-, thotë:
كَذَّبَتْ قَوْمُ نُوحٍ الْمُرْسَلِينَ إِذْ قَالَ لَهُمْ أَخُوهُمْ نُوحٌ أَلَا تَتَّقُونَ إِنِّي لَكُمْ رَسُولٌ أَمِينٌ فَاتَّقُوا اللَّـهَ وَأَطِيعُونِ وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ فَاتَّقُوا اللَّـهَ وَأَطِيعُونِ
“Populli i Nuhut, i konsideronte gënjeshtarë pejgamberët. Kur vëllai i tyre – Nuhu u tha: “Vallë, a nuk i druani ju Perëndisë? Me të vërtetë, unë jam pejgamber i besuar për ju,andaj, druani Perëndisë dhe bëhuni të dëgjueshëm ndaj meje!Për këtë, unë nuk kërkoj nga ju kurrfarë shpërblimi, mua do të më shpërblejë vetëm Zoti i gjithësisë, andaj, druani Perëndisë dhe bëhuni të dëgjueshëm ndaj meje!”
· Thirrja e Hudit, -alejhis-selam!-, drejtuar popullit te tij.
Allahu, -azze ue xhele!- thotë:
كَذَّبَتْ عَادٌ الْمُرْسَلِينَ إِذْ قَالَ لَهُمْ أَخُوهُمْ هُودٌ أَلَا تَتَّقُونَ إِنِّي لَكُمْ رَسُولٌ أَمِينٌ فَاتَّقُوا اللَّـهَ وَأَطِيعُونِ وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ أَتَبْنُونَ بِكُلِّ رِيعٍ آيَةً تَعْبَثُونَ وَتَتَّخِذُونَ مَصَانِعَ لَعَلَّكُمْ تَخْلُدُونَ وَإِذَا بَطَشْتُم بَطَشْتُمْ جَبَّارِينَ فَاتَّقُوا اللَّـهَ وَأَطِيعُونِ وَاتَّقُوا الَّذِي أَمَدَّكُم بِمَا تَعْلَمُونَ
“Adi i konsideronte gënjeshtarë pejgamberët. Kur vëllai i tyre – Hudi, u tha: “Vallë, a nuk i druani ju Perëndisë? Me të vërtetë, unë jam pejgamber i besuar për ju, për këtë, unë nuk kërkoj nga ju kurrfarë shpërblimi, mua do të më shpërblejë vetëm Zoti i gjithësisë. A mos vallë në çdo kodrinë po ngritni ju godinë (përmendore), për t’u tallë (me kalimtarët), dhe ngritni pallate (luksoze), thua se do të jetoni gjithmonë, e kur dënoni, dënoni si absolut? Andaj, druani Perëndisë dhe bëhuni të dëgjueshëm ndaj meje! Dhe, druani Atij, i cili u ka dhuruar juve ato që i dini”.
Thirrja e Salihut, -alejhis-selam!, drejtuar popullit te tij.
Allahu, -azze ue xhele!-, thotë:
كَذَّبَتْ ثَمُودُ الْمُرْسَلِينَ إِذْ قَالَ لَهُمْ أَخُوهُمْ صَالِحٌ أَلَا تَتَّقُونَ إِنِّي لَكُمْ رَسُولٌ أَمِينٌ فَاتَّقُوا اللَّـهَ وَأَطِيعُونِ وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ أَتُتْرَكُونَ فِي مَا هَاهُنَا آمِنِينَ فِي جَنَّاتٍ وَعُيُونٍ وَزُرُوعٍ وَنَخْلٍ طَلْعُهَا هَضِيمٌ وَتَنْحِتُونَ مِنَ الْجِبَالِ بُيُوتًا فَارِهِينَ فَاتَّقُوا اللَّـهَ وَأَطِيعُونِ
“Dhe Themudi i konsideronte gënjeshtarë pejgamberët. Kur vëllai i tyre – Salihu, u tha: “Vallë, a nuk i druani ju Perëndisë? Me të vërtetë, unë jam pejgamber i besuar për ju, andaj, druani Perëndisë dh bëhuni të dëgjueshëm ndaj meje! Për këtë, unë nuk kërkoj nga ju kurrfarë shpërblimi, mua do të më shpërblejë vetëm Zoti i gjithësisë. Vallë, a mendoni ju – se do të liheni këtu të sigurt, në kopshte dhe pranë burimeve, në të lashta dhe palme hurmash, me frute të shijshme? E, ju po gdhendni shtëpitë në male me mjeshtri të shkathët, andaj, druani Perëndisë dhe bëhuni të dëgjueshëm ndaj meje”.
Thirrja e Ibrahimit, -alejhis-selam!, drejtuar popullit te tij.
Allahu, -azze ue xhele!-, thotë;
وَإِبْرَاهِيمَ إِذْ قَالَ لِقَوْمِهِ اعْبُدُوا اللَّـهَ وَاتَّقُوهُ ذَلِكُمْ خَيْرٌ لَّكُمْ إِن كُنتُمْ تَعْلَمُونَ
“Dhe (kujtoje) Ibrahimin kur i pat thënë popullit të vet: “Adhuroni Perëndinë dhe druajuni Atij. Kjo është më së miri për ju, nëse e dini”.
Thirrja e Lutit, -alejhis-selam!, drejtuar popullit te tij.
Allahu, -azze ue xhele!, thotë:
كَذَّبَتْ قَوْمُ لُوطٍ الْمُرْسَلِينَ إِذْ قَالَ لَهُمْ أَخُوهُمْ لُوطٌ أَلَا تَتَّقُونَ إِنِّي لَكُمْ رَسُولٌ أَمِينٌ فَاتَّقُوا اللَّـهَ وَأَطِيعُونِ وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ
“Populli i Lutit i konsideronte gënjeshtarë pejgamberët. Kur vëllai i tyre – Luti, u tha: “Vallë, a nuk i druani ju Perëndisë? Me të vërtetë, unë jam pejgamber i besuar për ju, andaj, druani Perëndisë dhe bëhuni të dëgjueshëm ndaj meje! Për këtë, unë nuk kërkoj nga ju kurrfarë shpërblimi, mua do të më shpërblejë vetëm Zoti i gjithësisë”.
Thirrja e Lutit, -alejhis-selam!, drejtuar popullit te tij.
Allahu, -azze ue xhele!-. thotë:
كَذَّبَ أَصْحَابُ الْأَيْكَةِ الْمُرْسَلِينَ إِذْ قَالَ لَهُمْ شُعَيْبٌ أَلَا تَتَّقُونَ إِنِّي لَكُمْ رَسُولٌ أَمِينٌ فَاتَّقُوا اللَّـهَ وَأَطِيعُونِ وَمَا أَسْأَلُكُمْ عَلَيْهِ مِنْ أَجْرٍ إِنْ أَجْرِيَ إِلَّا عَلَى رَبِّ الْعَالَمِينَ أَوْفُوا الْكَيْلَ وَلَا تَكُونُوا مِنَ الْمُخْسِرِينَ وَزِنُوا بِالْقِسْطَاسِ الْمُسْتَقِيمِ وَلَا تَبْخَسُوا النَّاسَ أَشْيَاءَهُمْ وَلَا تَعْثَوْا فِي الْأَرْضِ مُفْسِدِينَ وَاتَّقُوا الَّذِي خَلَقَكُمْ وَالْجِبِلَّةَ الْأَوَّلِينَ
“(Edhe) banorët e Ejketit – i konsideronin gënjeshtarë pejgamberët. Kur Shuajbi, u tha atyre: “Vallë, a nuk i druani ju Perëndisë? Me të vërtetë, unë jam pejgamber i besuar për ju, andaj, druani Perëndisë dhe bëhuni të dëgjueshëm ndaj meje!Për këtë unë nuk kërkoj nga ju kurrfarë shpërblimi, mua do të më shpërblejë vetëm Zoti i gjithësisë. Plotësonie matjen dhe mos u bëni nga ata që mungojnë (në matje) dhe peshoni me terezi të drejtë, dhe mos ua pakësoni njerëzve gjërat e tyre, dhe mos bëni ngatërresa në Tokë, dhe druani Atij, që u ka krijuar juve dhe gjeneratat e mëparshme!”.
Thirrja e Iljasit, -alejhis-selam!, drejtuar popullit te tij.
Allahu, -azze ue xhele!-, thotë;
وَإِنَّ إِلْيَاسَ لَمِنَ الْمُرْسَلِينَ إِذْ قَالَ لِقَوْمِهِ أَلَا تَتَّقُونَ
“Dhe, me të vërtetë, Iljasi ka qenë (njëri) prej pejgamberëve. (Përkujtoje) kur i tha popullit të vet: “A nuk po i frikësoheni (Perëndisë)?”.
Thirrja e Isait, -alejhis-selam!, drejtuar popullit te tij.
Allahu, -azze ue xhele!-, thotë;
وَلَمَّا جَاءَ عِيسَى بِالْبَيِّنَاتِ قَالَ قَدْ جِئْتُكُم بِالْحِكْمَةِ وَلِأُبَيِّنَ لَكُم بَعْضَ الَّذِي تَخْتَلِفُونَ فِيهِ فَاتَّقُوا اللَّـهَ وَأَطِيعُونِ إِنَّ اللَّـهَ هُوَ رَبِّي وَرَبُّكُمْ فَاعْبُدُوهُ هَـذَا صِرَاطٌ مُّسْتَقِيمٌ
“E, kur Isai i solli argumentet e qarta, tha: “Ju kam sjellë dijeni të mrekullueshme dhe do të ju shpjegoj disa gjëra, me të cilat nuk po pajtoheni. Andaj, druajuni Perëndisë dhe bëhuni të dëgjueshëm ndaj meje! Me të vërtetë, Perëndia është Zoti im dhe Zoti juaj, andaj adhuronie Atë. Kjo është rrugë e drejtë!”.
Dhe, është e padiskutueshme që gjithë çfarë që i është shpallur të dërguarve, ne jemi të obliguar që ta pasojmë, e si rrjedhojë t’i ndjekim ata e të arrijmë lumturinë në këtë botë, e në tjetrën.
Ibn Hajjani, në tefsirin e tij, thotë: ”Thirrja dhe porositë që Allahu ia drejtoi pejgamberëve, janë edhe për çdonjërin prej nesh, pa marrë parasysh epokën në të cilën jetojmë, a bëhet fjalë për të kaluarën apo të tashmen. Në thirrjen Kur’anore ka ardhur porosia në formën gjithëpërfshirëse që ta vetëdijsojë dëgjuesin që kjo porosi është e vlefshme edhe për të, e që përfundimi i mirë i kurorëzuar me lumturi, është vetëm për ata të devotshmit që i morën porositë!” .
Të gjitha këto vëllezër dhe motra, tregojnë pozitën dhe vlerën e thirrjes në fenë e pastër islame.
Allahu na bëftë prej të thirrësve të dobishëm; Amin!
Përktheu nga arabishtja: Suad Shabani
Burimi: albislam.com
Kur’an, Shuara: 105-110
Kur’an, Shuara;123-132.
Kur’an, Shuara: 141-150.
Kur’an, Ankebut: 16.
Kur’an, Shuara: 160-164.
Kur’an: Shuara; 176-184.
Kur’an, Saffat: 123-124.
Kur’an, Zuhruf: 63-64.
Tefsiri: “Bahrul-muhit”, vell. 6, f. 377.
KËSHILLA TË MREKULLUESHME!!
1. Zgjohu në mëngjes dhe ti je i lumtur.
2. Përkujdesu që buzëqeshja të jetë prezentë në fytyrën tënde.
3. Bëhu i pari që i përshëndet të tjerët me selam.
4. Thirri njerëzit me emrat e tyre.
5. Bashkëpuno me çdo njeri, sikurse ai të jetë për ty personaliteti më i rëndësishëm në kozmos.
6. Përgatit surprizë të papritur për partnerin e jetës tënde.
7. Shtrëngoje atë qe e donë në kraharorin tënd.
8. Bëhu shkak që të buzëqesh ndokush për çdo ditë.
9. Bëhu gjithmonë nga ata që japin.
10. Fali të tjerët.
11. Përdore gjithmonë fjalën “Ju lutem” dhe fjalën ” Ju faleminderit”.
12. Bëhu gjithmonë dëgjues i mirë.
– Dhe asnjëherë mos harro:
Jeto çdo moment të jetës tënde, sikurse ajo të jetë e fundit, ngase me të vërtetë ajo mundet të jetë e fundit.
Jeto me besim, jeto me shpresë, jeto me dashuri, gjatë jetës bëhu luftarak dhe vlerësoje vlerën e jetës.
Nga arabishtja: Irfan JAHIU
Burimi: albislam.com
PERLAT PEJGAMBERIKE – 3 –
Muhamedi,- alejhi selam!,- ka thënë: “Me të vërtetë njeriu e arrinë me moralin e tij të lartë gradën (pozitën) e atij që natën e kalon në namaz dhe ditën në agjërim.” Hadithi është sahih.[1].
Transmetohet nga Muadhi,- Allahu qoftë i kënaqur me të!,- se ka thënë: I dërguari,- salallahu alejhi ve selem!,- ka thënë:“Nuk do të lëvizë këmba e birit të Ademit Ditën e Gjykimit derisa të pyetet për katër gjëra:
1: Për jetën e tij se ku e ka kaluar.
2: Për rinin e tij se ku e ka shfrytëzuar.
3: Për pasurinë e tij se si e ka fituar dhe ku e ka harxhuar.
4: Për diturinë e tij se çfarë ka punuar me të”.
Hadithi është sahih.[2].
Transmetohet nga Ibën Mesudi,- Allahu qoftë i kënaqur me të!,- se ka thënë: “Kam dëgjuar Muhamedin,- alejhi selam!,- dukë thënë: “Nuk është prej nesh, ai i cili nuk e nderon të moshuarin dhe ai i cili nuk i mëshiron të vegjlit tanë (fëmijët).” Hadithi është sahih.[3].
Transmetohet nga Ebu Hurejre,- Allahu qoftë i kënaqur me të!,- se e ka dëgjuar Pejgamberin,- alejhi selam!,- duke thënë: “Jam dërguar për përsosjen e virtyteve të larta të moralit.” Hadithi është sahih.[4].
I biri i Aliut,- Allahu qoftë i kënaqur me të dy!- , ka ndëgjuar se Muhamedi,- alejhi selam!,- ka thënë: “Me të vërtetë, Allahu e do atë i cili posedon moral të lartë dhe është fisnik e bujar, dhe e urren atë i cili posedon moral të ulët.” (Hadithi është sahih).[5].
Nga Enes ibën Malik,- Allahu qoftë i kënaqur me të!,- transmetohet se i dërguari i Allahut,- alejhi selam!,- ka thënë: “Sikur ju mos të bënit mëkate do të kisha frikë për ju nga diçka më e madhe se mëkatet: “Vetëpëlqimi”. Hadithi është Hasen (i mirë).[6].
Nga Enes ibën Malik,- Allahu qoftë i kënaqur me të!,- transmetohet se i dërguari i Allahut,- alejhi selam!,- ka thënë: “Sikur ju mos të bënit mëkate do të kisha frikë për ju nga diçka më e madhe se mëkatet: “Vetëpëlqimi”. Hadithi është Hasen (i mirë).[7].
Muhamedi,- salallahu alejhi ve selem!,- ka thënë: “Tre (cilësi) janë shkatërruese: “Koprracia e tepruar, epshi i pasuar dhe vetëpëlqimi i njeriut”.[8].
Transmetohet nga Ibën Abasi,-Allahu qoftë i kënaqur me të dy!,- se: “Një grua nga Xhuhejne erdhi tek i Dërguari i Allahut,- salallahu alejhi ve selem!,- dhe i tha: Nëna ime ishte zotuar që të kryente haxhin por nuk mundi ta kryente deri sa vdiq. A ta kryej unë haxhin për të? Tha: “Po, kryeje haxhin për të. Nëse nëna jote do të kishte pasur borxh pa larë, a do tia laje borxhin asaj? Lajeni borxhin e Allahut, sepse Allahu ka më shumë të drejtë për përmbushje të detyrimit.” Hadithi është Sahih.[9].
Transmetohet nga Abdullah bin Zubejr,- Allahu qoftë i kënaqur prej tij!,- se ka thënë: “Një burrë nga hatham erdhi tek i Dërguari i Allahut,- salallahu alejhu ve selem!,- dhe i tha: Babai im kur e pranoi Islamin ai ishte plak i thyer në moshë, që nuk mundet ti hypë kafshës, ndërsa haxhi i është bërë obligim. A të bëj haxh për të? Tha: “ Ti je fëmija i tij më i madh?” Tha: Po! Tha: “Po sikur babai yt të kishte borxh, a do tia shlyeje atë dhe a do të çlirohej ai nga borxhi? Po, tha ai. Tha: “Atëherë kryeje haxhin për të.” Hadithi Sahih.[10]. Transmetohet nga Ibën Abasi,- Allahu qoftë i kënaqur me të dy!,- se i Dërguari i Allahut,- salallahu alejhi ve selem!,- ka thënë: Hadithi Hasen “Shpejtoni në kryerjen haxhit obligativë (Haxhi i parë), sepse ju nuk e dini se çka do ndodh me ju ”.[11].
Transmetohet nga Ebu Hurejra,- Allahu qoftë i kënaqur me të!,- se i Dërguari i Allahut,- salallahu alejhi ve selem!,- ka thënë: “Umra në umra është falje gjynahesh ndërmjet tyre, ndërsa haxhi i pranuar nuk ka shpërblim tjetër veçse xhenetin.” Hadithi Sahih.[12].
Përzgjodhi dhe Përshtati- Suad Shabani
Burimi: albislam.com
_______
Referencat:
[1] – Shënuar nga imam Ahmedi dhe Ebu Davudi,- Allahu qoftë i kënaqur me të!
Ndërsa hadithin e vlerësoi sahih dijetari i nderuar Imam Albani,- Allahu e mëshiroftë!,- në “Sahih el Xhami” me numër rendor 1620.
[2] – Shënuar nga Bezari (3437), Taberani (el Kebir-111 dhe 11173), Bejhekiu (Shuabul Iman-1785), Tirmidhiu (2416).
Ndërsa, e vlerësoi sahih Shejh Husejn Darani, ndërsa shejh Albani hasen (të mirë) në “Sahih el Xhami” numër rendor 7299 dhe 7300.
[3] – Shënuar nga Ahmedi (2/208), Buhariu (Edebul Mufred,355), Tirmidhiu (11/527).
[4] – Transmeton Ahmedi (2/381), Hakimi (2/613), Bezari 2740. Ndërsa e saktësoi dijetari i nderuar Shuajb Arnauti, shiko në “Musned” vëllimi 14, faqe 513.
[5] – Shënon Imam Taberani,- Allahu e mëshiroftë!,- në “el Kebir” numër rendor 2897.
Dhe e ka saktësuar Imam Albani,- Allahu e mëshiroftë!.
[6] – Shiko hadithet e vërteta të Shejh Albanit,- Allahu e mëshiroftë!,- vëll.2 fq.263.
[7] – Shiko hadithet e vërteta të Shejh Albanit,- Allahu e mëshiroftë!,- vëll.2 fq.263.
[8] – Shënuar nga imam Tarabani në librin e tij “el-Eusat” dhe Bejhakiu në librin e tij “Shuabul iman”, ndërsa shejh Albani këtë hadith e ka cilësuar si të mirë (Hasen).
[9] – Shënuar nga Buhariu me nr. 7315, si dhe Nesaiu me nr. 2632.
[10] – Shënuan Ahmedi, Nesaiu me nr. 2638, Darimiu, Ebu Jala me nr. 6812, Tahaviu me nr. 2545, Bejhakiu në “Sunenul Kubra”- 4/329, etj. [11] – Shënon Imam Ahmedi në “Musnedin” e tij.
[12] – Shënuar nga- Ahmedi 2/462, Buhariu- nr. 1773, Muslimi- nr. 437/1349,Tirmidhiu- nr. 933, En Nesaiju 5/115 dhe Ibën Maxheh-nr. 2888.
POROSIA E GRUAS PËR BURRIN E SAJ
Burri im i shtrenjtë …
Në fillim para se të njoh ty, i lutesha Allahut shumë të më furnizon me një burrë të devotshëm e fetar, i cili i frikohet Allahut në mua, nuk më bën padrejtësi dhe nuk më pakëson nga të drejtat e mia. Burri im, Allahu më vonë më furnizoi me ty. Ishte me të vërtetë një begati e madhe për të cilën e falënderoj Allahun që ma dhuroi. Mirëpo, brenda kohe e kuptova se kjo begati kërkon sakrificë të mbrohet, edhe atë me vepra, dhe fillova të mendoj se si ta falënderoj Allahun për këtë dhunti. Mendova dhe hulumtova dhe u përpoqa ta di, se si duhet të sillet gruaja muslimane me burrin e saj, dhe si të jetë më e dashur tek ai dhe ti bëhet gjëja më e mirë e dynjasë.
Nga historia e të parëve tanë të ndershëm, e mësova se gruaja që nxjerr zë të ulët, më tepër dëgjohet nga burri i saj, se ajo që nxjerr zë të lartë.
E mësova se, kush e kundërshton burrin rreth udhëheqjes në shtëpi, vetëm se ka humbur shumë. Nëse vazhdon kështu, do të mbetet në atë betejë të humbur, derisa ta humb edhe burrin e saj. Për këtë arsye burri im, ty ta ruajta të drejtën e udhëheqësis në shtëpinë tënde. Nga kjo vepër shpresoj që Zoti im të më shpërblen dhe për këtë arsye nuk të kundërshtova aspak, vetëm e vetëm të përqendrohet jeta jona bashkëshortore dhe të mbahet në rregull peshorja e fuqisë në shtëpinë tonë dhe të realizohet ligji i gjithësisë në të. Patjetër shtëpia të ketë udhëheqës dhe patjetër të ketë pasues, dhe unë aspak nuk shoh ulje të dinjitetit në të.
Burri im, u mendova që të shikoj rreth çështjeve gjithmonë nga këndvështrimi yt, dhe ta vendosi veten në lëkurën tënde, dhe të paramendoj se nëse unë isha në pozitën tënde, çka do të bëja?
Për këtë arsye, asnjë ditë nuk kam synuar të bëj presion për ndonjë kërkesë dhe as ta them një fjalë të rëndë, përveç se kur shejtani ka arritur të më bën të gaboj ndaj teje në disa raste të lehta. Dhe atëherë, shumë shpejt kërkoja falje tek Allahu dhe pendohesha, dhe kthehesha kah ti të kërkoj falje dhe ndjesë.
Nuk dua ta lejoj veten që ti të jesh i zemëruar nga unë, edhe po të zgjaste ai zemërim vetëm se disa minuta. Unë e di se Xheneti im dhe zjarri im, je ti. Ti nëse je i zemëruar në mua, atëherë e di se do të ballafaqohem me zemërimin e Zotit tim.
Unë e vendosa të jem miku yt, të dëgjoj dhe të përkrahi, ta dua atë që e donë dhe të mendoj ashtu si ti mendon, edhe nëse ai mendim është i huaj dhe i çuditshëm për mendjen dhe logjikën time.
Dëshiroj ta hapi diapazonin e të kuptuarit mes nesh dhe të shpeshtoj nga të folurit e bukur me ty, derisa t’i shtojmë urat e dashurisë mes nesh dhe të na mbesin rikujtime të bukura gjatë kalimit të kohës, të cilat rikujtime, do të na bëhen fortifikatë e fortë që nuk do të mundet çdo kush ta shkatërron.
Gjithmonë e lusja Allahun, rrotulluesin e zemrave, të më afron ka ti dhe ty të afron ka unë. Ndjenjat dhe mendimet e mia i bashkova me tuat, të mos ketë unë dhe ti, po të ketë vetëm se ne. Ti nuk je armiku im që ta armiqësoj apo të mendoj se si të fitoj nga ai sa më shumë, po ti je i dashuri im dhe shoku im i jetës dhe shoqëruesi im më mirë.
Allahut iu mbështeta në çështjen time me ty dhe nga Ai pres të më shpërblen për mundin që e bëj, me qëllim që lidhja jonë familjare të jetë më stabile.
Për këtë arsye e ndjej se mëshira dha dashuria, janë prezentë në shtëpinë tonë dhe se fëmijët tanë ndjejnë nxehtësi shpirtërore në këtë shtëpi. Këtë e kuptova, atëherë kur e mësova se gruaja detyrohet të mos polemizon dhe debaton për gjëra të kota dhe të mos e ngarkon burrin përtej mundësive të veta, duke shpresuar te Allahu se do ta shpërblen për këtë gjë. Kurse në anën tjetër Allahu për këtë vepër më ruajti burrin dhe bëri nga ai të jetë burim i dashurisë dhe atij ia lehtësoi rrugën deri te zemra ime.
Unë vetëm se e deponova çdo gjë që e posedoj nga saldoja e dashurisë dhe afërsisë në llogari të burrit tim. Kjo dha shumë fryte dhe Allahu e shtoi dhe më bekoi në të dhe ma kthej atë shumëfish.
Burri im, shpresoj të jesh i kënaqur nga unë dhe të më ndihmosh gjatë jetës së rëndë. Unë ta jep besën, se edhe unë do ta veproj të njëjtën për ty, ngase shpresoj tek Allahu të më bën gruaja jote edhe në Xhenet.
Poashtu shpresoj nga Allahu të më shpërblen me shoqërimin tënd të përhershëm në Xhenet, për mundin që e jap të sillen mirë me ty në dynja.
Kjo është ajo që e shpresoj dhe shpirti im ka ajo anon dhe zemra atë e kërkon.
Mbi ty qoftë paqja dhe mëshira dhe falja e Allahut, burri im.
Nga arabishtja: Irfan JAHIU
Burimi: albislam.com
PO TI SI I KE PUNËT ME FALJEN E NAMAZIT Në XHAMI?!
Transmetohet nga Ebu Hurejra,-Allahu qoftë i kënaqur me të!,- se një burrë i verbër tha:
“O i Dërguari i Allahut! Unë nuk kam njeri të më bjeri(shpie,dërgoje) në xhami. Pastaj i kërkoi të Dërguarit,- salallahu alejhi ve selem!,- që ti jepte leje për tu falur në shtëpi dhe ai,- salallahu alejhi ve selem!,- e lejoi.
Por kur ai ktheu shpinën, i Dërguari,- salallahu alejhi ve selem!,- e thërriti dhe i tha: A e dëgjon ti ezanin? Po, tha ai. Atëherë përgjigjju thirrjes së tij.”
Hadithi Sahih. Shënuar nga Muslimi, Nesaiu etj,- Allahu qoftë i kënaqur me të gjithë!.
Transmetohet nga Amër bin Ummi Mektum,- Allahu qoftë i kënaqur me të!,- se ka thënë: “Thashë: O i Dërguari i Allahut! Unë jam i verbër dhe e kam shtëpinë time larg Xhamisë, ndërsa ndihmuesi që kam nuk më përshtatet, a më gjen ndonjë lehtësim që të falem në shtëpi? Ai,- salallahu alejhi veselem!,- tha: A e dëgjon ezanin? Po, tha ai. Atëherë nuk gjej lehtësim për ty.”
Hadithi Sahih.
Shënuar nga Ahmedi, Ebu Davudi dhe Ibën Maxhe,- Allahu qoftë i kënaqur me të gjithë!.
Transmetohet nga Abdullah bin Mesudi,- Allahu qoftë i kënaqur prej tij!,- se ka thënë:
“Nuk gjejë kënd prej nesh që të mos prezentonte namazin e sabahut dhe të jacisë, përveç ndonjë hipokriti të njohur. Kishte njerëz që vinin të mbajtur për krahu nga dy burra, deri sa vendosej në saf (në rradhë).”
Hadithi Sahih.
Shënuar nga Ahmedi, Muslimi, Ebu Davudi, Nesaiu dhe Ibën Maxhe.
Transmetohet nga Ibën Omeri,- Allahu qoftë i kënaqur me ta!,- se ka thënë: I Dërguari i Allahut,- salallahu alejhi ve selem!,- ka thënë: “Namazi me kolektiv(xhemat) është më i mirë se namazi vetëm, me njëzet e shtatë gradë.”
Hadithi Sahih.
Shënuar nga imam Ahmedi, Buhariu,Muslimi,- Allahu qoftë i kënaqur me të gjithë!.
Transmetohet nga Ibën Omeri,- Allahu qoftë i kënaqur me ta!,- se i Dërguari i Allahut,- salallahu alejhi ve selem!,- ka thënë: “Nëse gratë e juaja ju kërkojnë që të shkojnë në xhami në namazet e natës, jepuni lejë atyre.”
Hadithi Sahih.
Shënuar nga Ahmedi, Buhariu, Muslimi , Ebu Davudi, Tirmidhiu, Nesaiu,- Allahu qoftë i kënaqur me të gjithë!.
Transmetohet nga Ebu Musa,- Allahu qoftë i kënaqur me të!,- se ka thënë: i Dërguari i Allahut,- salallahu aeljhi ve selem!,- ka thënë: “Njeriu i cili shpërblehet me shpërblim më të madh për namazin e tij, është ai që e ka rrugën më të gjatë deri në Xhami.
Hadithi Sahih.
Shënon Imam Muslimi,- Allahu qoftë i kënaqur me të!.
Transmetohet nga Ebu Hurejra,- Allahu qoftë i kënaqur prej tij!,- se Muhamedi,- salallahu alejhi ve selem!,- ka thënë: “Kur dikush nga ju të falet imam i njerëzve, ta lehtësojë namazin pasi që në mesin e tyre gjenden të dobët, të sëmurë dhe të moshuar. Ndërsa kur të falet vetëm le ta zgjasë sa të dojë.”
Hadithi është Sahih.
Shënuar nga imam Ahmedi , Buhariu , Muslimi me nr. 185/467, Ebu Daudi, Tirmidhiu dhe Nesaiu,- Allahu qoftë i kënaqur me të!.
Përkthim: Suad Shabani
Burimi: albislam.com
MOS SHIKO VETËM NË MËNJANIMIN E SË KEQES
Dije se çdo urdhërim në të mirë dhe ndalim nga e keqja që bëhet nga ana yte, s’do të thotë se me të patjetër të largohet e keqja rrënjësisht, apo të realizohet e mira plotësisht, ngase frenat e udhëzimit janë në dorë të Allahut Fuqiplotë. Allahu thotë: “Është e vërtetë se ti nuk mund ta udhëzosh atë që do ti, por Allahu udhëzon kë të dojë dhe Ai është që di më së miri për të udhëzuarit.”[1] Allahu thotë gjithashtu: “Ti je vetëm qortues, e Allahu për kujdeset për çdo send.”[2] E keqja mund të mënjanohet me mënjanim ose me këshillim, prandaj mos e bën shënjestër tënde vetëm largimin nga e keqja, e kështu poqëse nuk e mënjanon të keqen, atëherë e lë urdhërimin në të mirë dhe ndalimin nga e keqja, kjo është gabim.
Urdhërimi në të mirë dhe ndalimi nga e keqja ka disa fryte të saja edhe nëse nuk e mënjanon të keqen. Prej saj besimtari fiton atë se: Besimtari me këtë punë e kryen një adhurim të madh me të cilën afrohet tek Allahu Fuqiplotë, si dhe ky njeriu hyn në cilësitë e besimtarëve për të cilët Allahu thotë: “Besimtarët dhe besimtaret janë të dashur për njëri-tjetrin, urdhërojnë në të mirë, ndalojnë nga e keqa, e falin namazin dhe japin zekatin, respektojnë Allahun dhe të dërguarin e Tij. Të tillët do t’i mëshirojë Allahu. Allahu është Ngadhënjyes, i Urtë.”[3]
Me kryerjen e këtij adhurimi shlyhen mëkatet dhe gjunahet, ruhen begatitë e Allahut, mbrohemi nga dënimi i qiellit, shoqëria nuk rrezikohet nga ndonjë e keqe më e madhe që do të pasonte, është mjet për përmirësimin e shoqërisë dhe mbrojtjes së islamit. Me këtë vepër mbrohet ummeti nga sprovat, epshet, dyshimet si dhe me këtë vepër ju bëhet mirë krijesave. Të gjitha këto e shumë të tjera janë rezultat i mënjanimit të së keqes, ndërsa në qoftë se e keqja mënjanohet tërësisht kjo është begati edhe më e madhe, mirëpo edhe poqëse e keqja nuk largohet, robi me këtë gjest i ka bërë një përmirësim vetes së tij së pari, e pastaj shoqërisë ngase ky edhe është një nga qëllimet e sheriatit.
Ibn Rexhebi sqaron qëllimet e urdhërimit në të mirë dhe ndalimit nga e keqja, ku thotë: “Dije se me urdhërimin në të mirë dhe ndalimi nga e keqja ndonjëherë pritet shpërblimi, ndonjëherë frika nga dënimi me lënien e tij, ndonjëherë hidhërimi i Allahut kur shkelen ligjet e Tij të shenjta, ndonjëherë këshillë për besimtarët, mëshirë për ta që të mos i kaplojë hidhërimi i Allahut me veprat të cilat i bëjnë. Kështu që dënohen në dunja dhe në ahiret, ndonjëherë me këtë vepër madhërohet Allahu, demonstrohet dashuria ndaj Tij dhe se Ai duhet të respektohet e të mos i bëhet mëkat, të përmendet e të mos harrohet, të falënderohet e të mos mohohet.”[4]
Përgaditi: Nexhat Ceka
Burimi: albislam.com
[1] Kassas: 56.
[2] Hud: 12.
[3] Teube: 71.
[4] “Xhamiul-ulumi vel hikem” 2/255.
LLOJET E DURIMIT
Llojet e durimit:
1. Durimi në kryerjen e adhurimeve
Edhe pse është e vështirë që një besimtar/e, çfarëdo që të jenë rrethanat t’i kryej adhurimet (psh.faljen e namazit të sabahut, motrat vendosjen e mbulesës, agjërimi në kohë vere, etj), ai/ajo prap se prap gjenë motiv për kryerjen e tyre, sepse e di që Allahu ka për ta shpërblyer një ditë.
2. Durimi në caktimet e Allahut.
Ajo çfarë e goditë besimtarin/en nga caktimet e Allahut, asnjëherë nuk duhet ta mërzisë atë. Pse? Sepse ne e mendojmë si fatkeqësi atë që na ka goditë, ndërsa Allahu nga mirësia e Tij ka dhënë shumë urtësi në atë sprovë tënden.
3. Durimi në largimin nga mëkatet.
Mos përmbush egon dhe epshin tënd në mëkate, do të gjesh zëvendësim të tyre me diçka edhe më të mirë nga ana e Allahut të Lartësuar.
Pëgatiti: Hoxhë Valdet Kamberi
Burimi: albislam.com
i mëparshëm
