Dijetari i madh Ibn Uthejmini, Allahu e mëshiroftë, thotë: Me të vërtetë, veprat e mira në dhjetë ditët e muajit dhulhixhe janë më të vlefshme se sa në dhjetë netët e fundit të Ramazanit. Prandaj, unë me këtë rast, kam dëshirë që t’i përkujtoj vëllezërit e mi muslimanë që të shfrytëzojnë këtë shansë madhështore në këto dhjetë ditë, sepse me të vërtetë shumica e muslimanëve nuk janë në dijeni për vlerën dhe shpërblimin madhështor që kanë këto dhjetë ditë dhe për këtë arsye njërëzve ju kalojnë këto ditë sikurse të jenë ditë të rëndomta prej ditëve të vitit, sikurse nuk kanë ndonjë vlerë të veçantë.

Besimtari duhet që në këto dhjetë ditë të dhulhixhes ta shtojë bindjen ndaj Allahut, t’i shtojë veprat e mira siç janë: namazi, lëmosha, agjërimi dhe të tjera adhurime, që na afrojnë tek Allahu i madhërishëm.

Burimi: Fetvatë e shejh Uthejminit Nurun Ala derb ( 5/2) / albislam.com

Përktheu nga gjuha arabe: Ismail Asllani

1. Sha’biu, rahimehullah, ka thënë; “Nëse hasë në mospajtimim mes dy mendimeve për një çështje fetare, atëherë merre atë që është më e lehtë për t’u zbatuar, sepse ajo është më afër të vërtetës, ngase Allahu, xhele ue ala, ka thënë;  “Allahu me këtë dëshiron lehtësim për ju, e nuk dëshiron vështërsim për ju.” (El Bekare; 185).

2. Dy sure të Kur’anit, kanë filluar me shprehjen “Mjerë për atë…”, si; “Mjerë për atë që hanë në peshë (dhe matje).” “Mjerë për çdo shpifës – përqeshës.”

1- E para është për atë që cënon të tjerët në pasurinë e tyre.

2- E dyta është për atë që cënon të tjerët në nderin e tyre.”

3. Allahu, xhele ue ala, ka thënë; “A nuk e studiojnë(meditojnë) me vëmendje Kur’anin? Por jo, ata janë zemra që kanë drynat e vet! ” (Muhamed: 24).

Kurani është i hapur për meditim, mirëpo ka zemra të mbyllura të privuara për arsye të gjunaheve!

4. Shejtani çdo herë mundohet që të ndërpres nga mësimi i Kur’anit duke të pëshpërit me veset e tij. Andaj vazhdo dhe qëndro në mësimin e Kur’anit, sepse ai është thesar që nuk i jipet çdo kujt.

AbdulMuhsin El Kasim

5. Imagjino! Je në mesin e detit, të është hedhur një litar, që do ta kapësh fortë në mënyrë që të shpëtosh nga mbytja apo fundosja. Kështu është edhe dynjaja, Kurani është litari i Allahut i sigurtë Andaj, kapu fort pas tij!

Burimi; albislam.com

Nga arabishtja; Suad Shabani