O Allah! Unë kërkoj mbrojtjen Tënde nga largimi i dhuntive Tua, ndryshimi i gjendjes shëndetësore, dënimi Yt i papritur dhe nga gjithë hidhërimi Yt.[1]

  اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِكَ

(Allahume inni eudhu bike min zevali ni’ametike, ve tehavuli afijetike, ve fuxhe’e nikmetike, ve xhemia sehatike)

Kuptimi i fjalëve

Fjala: (dhunti), është çdo gjë që ka fundin e mirë, çfarëdo dhuntie të jetë e dukshme apo e padukshme, sepse njëjësi është i aneksuar dhe aludon në shumës.

Fjala: (ndryshim i shëndetit), ndryshim i gjendjes të qenit i shëndoshë në të kundërtën e shndetit, sëmundje apo sprovë.

Fjala: (dënimi Yt i papritur), befasisht.

Fjala: (i gjithë hidhërimi Yt), hidhërimi është; urrejtja e një gjëje, mospëlqimi i saj. Që është një prej atributeve veprore të Allahut, siç i takon madhërisë së Tij: “Asgjë nuk i shembëllen Atij. Ai i dëgjon të gjitha dhe i sheh të gjitha.” Sureja Shura, ajeti 11.

Komentim i lutjes

Fjala e tij: (O Allah! Unë kërkoj mbrojtjen Tënde nga largimi i dhuntive Tua), o Allah unë tek Ti mbështetem të mos largohen të gjitha dhuntitë e Tua, ato të dukshme dhe të padukshme, të kësaj bote dhe të botës tjetër, ato që i di uë dhe të cilat nuk i di, sepse dhuntitë e Tua nuk kanë kufij, e as që mund të numërohen.

I dërguari (paqja dhe bekimi i Allahut qofshin mbi të), kërkoi mbrojtje nga zhdukja e dhuntive, sepse kjo gjë ndodh vetëm nëse nuk falënderohet Allahu për to. Kështu, kjo kërkim mbrojtje e bekuar përmbanë suksesin e falënderimit për dhuntitë, ruajtjen nga rënia në mëkate, sepse ato largojnë dhuntitë, Allahu thotë: “(Kujtoje) dhe kur Zoti juaj parashtroi: “Nëse bëheni mirënjohës, Unë, me siguri, do t’ju jap edhe më shumë; e nëe bëheni mohues, (do të dënoheni). Me të vërtetë, dënimi Im është i rëndë”.” Sureja Ibrahim, ajeti 7.

“Vërtetë, Allahu nuk ndryshon një popull përderisa ata nuk ndryshojnë vetët e tyre.” Sureja Rad, ajeti 11.

“Çfarëdo fatkeqësie që ju godet, kjo është për shkak se e keni futuar vetë, e Ai edhe falë shumë.” Sureja Shura, ajeti 30.

Fjala e tij: (ndryshimi i gjendjes shëndetësore), që domethënë: o Allah kërkoj mbrojtjen tënde që shëndetin që ma dhurove, të qenit i shëndoshë nga sëmundjet, sprovat e fatkeqësitë, kjo lutje njashtu përfshinë edhe kërkimin e vazhdueshmërisë së gjendjes së mirë shëndetësore, sepse nëse shëndeti humb përkeqësohet jeta e njeriut, e nuk mund t’i kryej njeriu punët e kësaj bote e as të fesë, edhe që mund të shoqërohet me hidhërim dhe mospajtim, e të tjera.

Fjala e tij: (dënimi Yt i papritur), që domethënë: më mbro nga ndëshkimi, dënimi i papritur, i pa e llogaritur apo paraparë, dhe është veçuar dënimi i papritur sepse është prej dënimeve më të rënda e më të vështira sesa ato që vijnë ngadalë, dhe se nuk të jipet shans për t’u penduar.

Fjala e tij: (dhe nga gjithë hidhërimi Yt), që domethënë: tek Ti kthehem dhe tek Ti strehoem që të më mbrosh nga të gjitha shkaqet që sjellin hidhërimin Tënd, sepse Ti nse hidhërohesh ndaj ndokujt, ai është i humbur dhe i dështuar, qoftë edhe për një gjë të vogël, për një shkak të vogël, për këtë i dërguari (paqja dhe bekimi i Allahut qofshin mbi të) tha: “dhe nga gjithë hidhërimi Yt”,që është një kërkim mbrojtje nga çdo shkak i hidhërimit të Allahut, qofshin fjalë, vepra, e që nëse këto shkaqe që sjellin hidhërim nuk ekzistojnë atëherë arrihet e kundërta, e që është kënaqësia e Allahut.

Përktheu: Shpend Zeneli

Burimi: albislam.com

[1] E shënon Muslimi me numër (2739).

Transmetohet nga Enes Ibn Maliku, (Allahu qoftë i kënaqur me të!), tregon se Muhamedi, (salAllahu alejhi ue selem!), ka thënë: Allahu, (xhele ue ala!), ka thënë:

يا ابن آدم ، إنك ما دعوتني ورجوتني غفرت لك ما كان منك ولا أبالي ، يا ابن آدم ، لو بلغت ذنوبك عنان السماء ، ثم استغفرتني غفرت لك ، يا ابن آدم ، إنك لو أتيتني بقراب الأرض خطايا ، ثم لقيتني لا تشرك بي شيئا ، لأتيتك بقرابها مغفرة ”

O biri Ademit! Përderisa ti më lutesh Mua dhe shpreson tek Unë, do t’i fali të gjitha mëkatet dhe aspak nuk mërzitem për këtë. O biri Ademit! Nëse mëkatet e tua arrijnë kupën e qiellit, e pastaj ti kërkon falje (bën istigfar) prej Meje, Unë do t’i falë mëkatet. O biri Ademit! Nëse më vjen tek Unë me mëkate sa madhësia e tokës, por më takon Mua pa më bërë asgjë shirk, atëherë Unë do të vijë me po aq falje.”

(Tirmidhiu dhe thotë se hadithi është hasen sahih).

Në këtë hadithë mësojmë tre shkaqe, prej shkaqeve të pranimit të pendimit dhe faljes së mëkateve nga Allahu, xhele ue ala.

Ato shkaqe janë:

1. Lutja e drejtuar Allahut duhet të jetë me sinqeritet dhe prezentim të zemrës në çastet e lutjes, duke thënë: O Allahu im, më falë, më prano pendimin.

2. Shpresa se Allahu do t’ia pranojë pendimin, do t’ia falë mëkatet dhe mos’humbja e shpresës nga Mëshira e Allahut.

3. Largimi i tërësishëm dhe mosnjëllosja e njeriut me shirkun e madh dhe të vogël.

Husejn bin Muhamed esh Shemri.

Nga arabishtja; Suad Shabani

Burimi: albislam.com